عيوب الاشتراك في اورانج انترنت منزلي
- الكوتة بتخلص بسرعة جداً مقارنة بباقي الشركات
- انت مجبر تشتري راوتر اورانج ب1700 جنيه رغم ان عندك راوتر شركة اخرى.. الا لو انت شاري راوتر مفتوح من السوق وليس من شركات الانترنت. كل شركة للأسف بتفرض عليك الراوتر الخاص بهم اللي ميفعش يشتغل الا عندهم فقط ! مش عارف ازاى جهاز تنظيم الاتصالات سامح لهم بالتصرف الاحتكاري دة وكاننا سلعة في ايديهم يبيعوا ويشتروا فينا براحتهم!
- لما تفاجأ بان الكوتة خلصت وعايز تجدد بدري مينفعش لازم تنتظر غصب عنك حتى ميعاد التجديد الشهري القادم. دي سياسة اورانج تخيلوا !
- بيجبروك تشتري جيجات اضافية والا تقضي باقي الشهر ذليل بسرعة متفتحش اى حاجة اصلاً
- خدمة عملاء سيئة ويبدو ان مفيش رقابة على اسلوبهم في الشات ولو طلبتهم بالتليفون لازم تنتظر بالساعات عشان يردوا عليك
- تطبيق اورانج اكتر تطبيق متخلف ممكن تشوفه في حياتك !
- كل مرة تفتح التطبيق يسألك انت مين ولازم تفتكر الباسورد ورقم الارضي.. كل مرة ! تطبيق متخلف بكل معنى الكلمة !
- التطبيق مصمم اساساً لخدمات الموبايل ومش عاملين حساب الانترنت المنزلي فيه
- مينفعش تقدم استفسار او شكوى بخصوص الانترنت المنزلي من خلال التطبيق
- مفيش رسائل بتتبعت لك سواءا لتذكيرك بميعاد التجديد ولا انك دفعت ولا رصيدك كام ولا اى شئ!
- لو دفعت مقدماً مفيش حاجة تعرف منها رصيدك بقى كام لا من التطبيق ولا رسايل. مع اورانج انت مع المجهول !
لا انصحكم ابدا بالاشتراك في اورانج - حتى لو اغروك بعروضهم - لانك حتدفع اكتر بكتير مما كنت فاكر انك حتوفره
بصراحة وي WE رغم جبروتها في قطع الخدمة في نفس يوم التجديد وكإنك في جوانتانامو - الا ان جوانتانامو وي افضل من اورانج في كل النواحي