طريقة استخدام حاسبة نشويات وانسولين

الى حضراتكم طريقه الحصول على نسخه خاصه بكم من حاسبه الانسولين والنشويات وكيفيه استخدامها خطوه بخطوه

الحاسبه تقدر منها تحسب مقدار النشويات في اكلك وده مفيد لكل السكريين سواء اللي بيستخدموا الانسولين او اللي ماشيين على نظام غذائي منخفض الكربوهيدرات بدون ادويه

 

اول حاجه هتحتاج تنزلها على موبايلك تطبيق جوجل شيتس

قم بلمس الرابط التالي:

https://play.google.com/store/apps/details?id=com.google.android.apps.docs.editors.sheets

وبعد تثبيت تطبيق جوجل شيتس المس الرابط التالي لفتح الحاسبه:

https://docs.google.com/spreadsheets/d/1McVI6QjnR4KEruN9spLEnvdEIOilGleW8oQwXHI4svE/edit?usp=drivesdk

هتتفتح لك نسخه قابله للمشاهده فقط يعني ما تقدرش تكتب فيها

لذلك هتحتاج تعمل منها نسخه تبقى بتاعتك وخاصة بيك انت فقط عشان تقدر تستخدمها وتكتب فيها بالطريقه التاليه:

 

المس الثلاث نقاط اللي فوق على اليمين (او على الشمال لو تليفونك عربي)

 

 

 

 

 

 

 

 

 

ثم المس Share & Export او لو تليفونك عربي المس “المشاركة والتصدير”

 

 

 

 

 

 

 

 

 

 

 

ثم المس Make a copy او لو تليفونك عربي المس “انشاء نسخة”

 

 

ثم المس OK او “حسنا”

انت الان ترى نسختك الخاصة

يمكنك استخدامها في اى وقت لحساب نشويات اى وجبة.

مثال

اذا كنت حتاكل باذنجان مثلا

قم بوزنه بميزان مطبخ رقمي (هو ميزان رخيص سعره تقريبا 90 جنيه وحيفيدك جدا)

 

وحتى لو معندكش ميزان او لا ترغب غي شراء ميزان فهناك حل بديل

اشتري من بائع عنده ميزان رقمي اي صنف نصف كيلو مثلا يعني 500 جرام

وفي البيت قسمه على خمسه يبقى كده كل جزء 100 جرام او قسمه على اثنين يبقى كده كل جزء 250 جرام يبقى انت كده حضرتك عرفت وزن الحاجه من غير ما يكون عندك ميزان في البيت

طيب دلوقتي نفترض انك وزنت الباذنجان ووجدت وزنه 120 جرام

المس الخانة التي امام كلمة باذنجان ثم اكتب 120 في الاسفل كما ترى في الصورة التالية

 

ثم المس علامة صح

 

 

 

 

ستجد ان عدد الاصناف قد اصبح 1 وستجد الحاسبة اظهرت لك مقدار النشويات تبعا للوزن اللي انت كتبته

 

 

استمر في كتابة اوزان باقي مكونات وجبتك. ستلاحظ ان عدد الاصناف يزيد وكذلك اجمالي النشويات

وبعد ان تكون قد انتهيت من كتابة كل اوزان وجبتك.. عليك ان تحذف كل الاوزان استعدادا لكتابه اوزان اصناف الوجبه التاليه

يمكنك ان تحذف كل الاوزان في خطوه واحده

المس حرف A فوق على اليمين كما في الصوره

 

ثم المس العمود الذي تغير لونه لمسة طويلة. ستظهر لك اختيارات. المس الثلاث نقاط

ثم المس كلمة Clear او “محو”

 

 

 

كما ترى اختفت كل الاوزان وعاد عدد الاصناف الى صفر والنشويات صفر

واصبح الجدول جاهز لحساب وجبتك القادمة

 

من فضلك لا تكتب اى شئ الا في الخانات الرمادي اللي على بجوار اصناف الطعام

اي كتابه في اماكن اخرى هتبوظ الجدول وما ينفعش تصلحه ثاني

 

 

 

مؤشر محيط البطن الى محيط المؤخرة WHR

– انت جسمك شكل التفاحة وللا الكمثرى ؟

= ايه دة.. احنا حنستظرف؟

– لا انا بتكلم جد مش بهزر

 

لو بطنك اكبر من مؤخرتك (شكل التفاحة) فدة دليل ان عندك مقاومة انسولين ومعرض لقائمة طويلة من الامراض مثل السكر ومضاعفاته

 

اما لو المؤخرة لمؤاخذة اكبر من البطن (شكل الكمثرى) فانت اقل عرضة لتلك الامراض

 

الجمعية الاوروبية لدراسة السكري اجرت دراسة على 50 الف حالة وفاة.

وجدوا ان الوفاة المبكرة تزيد نسبتها كلما كان محيط الخصر اكبر من محيط المؤخرة

 

تحضرني هنا دراسات دكتور تيد نيمان Ted Naiman اللي عرفنا منها ان الجينات الوراثية بتختلف من شخص لاخر في طريقة جسمنا لتخزين الدهون

فهناك اشخاص جسمهم قادر على تكوين خلايا دهنية اضافية تحت الجلد لاستيعاب وتخزين الفائض من دهون الطعام في منطقة المؤخرة والافخاد اذا امتلأت الخلايا الدهنية الاساسية (الخلايا الدهنية لديها قدرة على التمدد بحيث تستوعب 4000 مرة حجم دهون اكبر)

 

واخرين ليست لديهم وراثيا القدرة على تكوين خلايا اضافية فاذا امتلات خلاياهم الدهنية الاساسية عن اخرها لا تجد مكان لتخزين الدهون الزائدة ..فتبدأ تتراكم للاسف حول اعضاء الجسم في منطقة البطن. وهى ما تسمى دهون حشوية visceral fats وهى اخطر انواع الدهون لانها بتتكون داخل الكبد والبنكرياس والقلب والشرايين فتعيق عملهم وتبدأ سلسلة مؤلمة من المضاعفات

 

يعنى لو شخصين اكلوا نشويات مع دهون كتير.. كلاهما غلط طبعا

لكن الشخص الاول منطقة الفخد والمؤخرة حتزيد عنده ويبقى شكل الكمثرى ودة في امان.. والثاني منطقة البطن والاجناب حتزيد عنده ويبقى شكل التفاحة ودة للاسف في خطر

 

– طب ازاى اعرف بدقة؟

= هات مازورة .. خد شهيق وقيس محيط وسطك في اضيق مكان.. غالبا فوق السرة

وبعدين لف المازورة حول المؤخرة في اوسع مكان

وبعد كدة اقسم محيط الوسط على محيط المؤخرة

 

طبقا لمنظمة الصحة العالمية لو النتيجة 0.85 او اقل للنساء يكون افضل

ولو النتيجة 0.95 او اقل للرجال يكون افضل

وكلما زاد الرقم تصبح الخطورة اكبر

 

هذا المعيار يعتبر افضل من معيار مؤشر كتلة الجسم BMI لان الاخير لا يعرفنا طريقة توزيع دهون الجسم

 

– طب مفيش حل لو انا شكل التفاحة؟

 

= طبعا يوجد حل

الحل يتلخص في :

 

👌الصيام

👌مقاطعة الخبز والرز والسكر عشان تشجع جسمك يحرق دهون جسمك للحصول على الطاقة في غياب النشويات

👌تجنب الدهون الصافية مثل زيوت الطعام. وحتى الدهون الصحية مثل زيت الزيتون والزبدة والسمن البلدي قلل منها للحد الادنى. اكتفي بالدهون الطبيعية اللي في بياض البيض والاسماك الدهنية مثل السردين والماكريل والتونة والسلمون والرنجة.. ودهون اللحوم والطيور

بلاش تستخدم زيت خالص

👌ممارسة الرياضة على الاقل المشى عشان جسمنا يحرق دهون اكثر في غياب النشويات وخصوصا واحنا صايمين