20 نوفمبر 2018

برجر طازج بيتي طعمه روعة

البرجر الجاهز سواءاً من مطاعم الوجبات السريعة او المجمد من السوبرماركت يحتوى على نسبة قليلة من اللحم ومعظمه فول صويا وعيش مفروم ومواد حافظة والوان صناعية وكيماويات ضارة بصحتك

أفضل شئ هو عمل برجر بيتى صحى بلا أى اضافات صناعية او تجارية ضارة – والمفاجأة انه ارخص بكتير من الجاهز – الواحدة تتكلف 3 جنيه فقط (بسعر المقادير وقت الكتابة) – وأطعم من أى برجر بتاكلوه في السلاسل الشهيرة – مش حتصدقوا طعامته

اليكم طريقة سهلة وسريعة لعمل برجر بيتى شهى ولذيذ – تتميز طريقتى بخلوها من المواد الحافظة طبعاً وبالطعامة الرهييييييبة!

انا باعمل خلطة واقسمها على 3 ايام

المقادير (تكفى 3 ايام برجر او كفتة حاتي – كل يوم 10 برجر او 10 صوابع كفتة كبار او 15 صغيرين)

  • كيلو لحم كندوز مفروم بالدهن
  • نصف كيلو بصل
  • ٣ معلقة صغيرة ملح بحري
  • ٢ معلقة صغيرة ملح صينى
  • ٢ معلقة صغيرة ورق لورا مطحون
  • معلقة صغيرة حبوب كبابة صينى
  • ٢ معلقة صغيرة بابريكا
  • ٣ معلقة صغيرة كزبرة مطحونة
  • ٣ معلقة صغيرة بودرة بصل
  • معلقة صغيرة فلفل اسود
  • 5 فصوص قرنفل
  • معلقة صغيرة قرفة
  • قرن فلفل مخلل
  • ليمونة مخللة
  • ٢ بيضة
  • ٢ معلقة كبيرة ثوم مهروس
  • ٢ معلقة كبيرة صلصة
  •  100جم سمسم محمص خفيف مطحون
  • 100جم جوز هند مطحون

الطريقة

  • نفرم البصل فى الكبة نبضات وليس متواصل – لنحصل على فرم خشن
  • نطحن التوابل الصحيحة في مطحنة التوابل
  • نخلط البصل مع اللحمة والتوابل  فى طبق كبير ونضيف باقي المقادير ونعجنهم مع بعض باليد كويس قوى
  • نترك الطبق فى الثلاجة بضعة ساعات او ليلة ليتماسك اللحم
  • نضع طاسة تيفال على نار متوسطة
  • نقسم اللحم على ايام – ناخد بتاع اليوم ونعمل منه كور – 10 كبار او 15 صغيرين زى ما نحب – ثم نضع كرة في بطن ايدنا ونبطهها على شكل قرص برجر ونضعهم في الطاسة – ونتركها 3 دقائق
  • نقلب البرجر على ظهره بمعلقة خشب او سباتيولا سيليكون – 3 دقائق اخرى
  • تقدم ساخنة مع كتشب وخس ومايونيز او طحينة – او تقدم مع طبق خضروات (كوسة – سبانخ – فاصوليا – بسلة .. الخ)
  • وممكن بنفس الخلطة نعمل كفتة حاتي مشوية – الفرق بس ان كورة اللحمة نصبعها على يد معلقة خشب مدورة بحيث تبقى صباع كفتة فاضى من الداخل زى كفتى الكبابجي وبعدين نرصها في الصينية كما سبق

لمعرفة طريقة جميلة لسلطة الطحينة اضغط هنا

مقادير صوص البرجر اللذيذ

  • كوب زيت زيتون
  • 1 صفار بيضة
  • 3 ملعقة كبيرة خل او عصير ليمون
  • نصف ملعقة صغيرة ملح
  • نصف ملعقة صغيرة فلفل
  • 2 ملعقة كبيرة كتشب
  • 2 ملعقة كبيرة مستردة
  • ربع ملعقة صغيرة بودرة ثوم
  • 4 حلقات خيار مخلل

تضرب كل مكونات الصوص فى الخلاط – ويا سلام لو عندك زجاجة كتشب او مستردة بلاستيك فاضية من النوع اللى له بوز رفيع – نملاها بالصوص بتاعنا وعند الاستخدام نضغط على الزجاجة فتنزل الصوص فى السندوتش بسهولة وبيد واحدة بدل غلبة استخدام معلقة وبرطمان وغطا وايدينا الاتنين
جمال الصوص دة انه بيجمع بين الكتشب والمستردة والمايونيز كلهم فى ضغطة واحدة سريعة وسهلة

استغنوا بوصفتى عن البرجر الجاهز فهو مقلب كما كتبت من قبل – اقرأ التفاصيل بالضغط هنا

دمتم في رعاية الله وحفظه
ليست هناك تعليقات:
Labels:

14 نوفمبر 2018

باذنجان مقلي بأقل كمية زيت

مين فينا مبيحبش الباذنجان المقلي – بس المشكلة انه بيشرب زيت كتير جدا – فانا عندي لكم طريقة جديدة حنستخدم فيها كمية قليلة جدا من الزيت

الادوات المطلوبة

  • طاسة حديد او تيفال واسعة
  • فرشة سيليكون
  • سكين حامي

الطريقة

  • نحضر خلطة الباذنجان:
    • ربع كوب خل
    • ربع كوب ماء
    • معلقة صغيرة ملح
    • معلقة صغيرة كمون
    • معلقة صغيرة شطة
    • معلقة كبيرة ثوم مهروس
    • نقلب الكل في طيق ثم نتركه جانباً
  • نشتري باذنجان رومي ونراعي اختيار الثمار الصغيرة ذات الشكل الطولي اشبة بشكل البيضة لانها بتكون كلها لحم وبدون بذر – ونتجنب الثمار الكبيرة لانها بتكون ساعات خاوية وكثيرة البذر – ثم نغسله جيدا وننشفه
  • نقطع العنقود الاخضر ثم نقطعه شرائح طولية – ونراعي ان القطع يكون بقدر الامكان طولي منتظم كالمسطرةعشان لو القطع مش دوغري سطح الشريحة مش حيريح كله في الطاسة فجزء حيحمر والباقي حيفضل بعيد ومش حيحمر
  • ندهن الطاسة بفرشة زيت ونضعها على نار هادية
  • نرص شرائح من الباذنجان في الطاسة وندهن وجه كل شريحة بفرشة الزيت ونقلبها على الوجه المدهون ونترك الطاسة على نار هادية – منستعجلش ونعلي النار عشان ميتحرقش – نتركهم يحمروا على مهلهم للحصول على اللون الذهبي المفضل
  • بعد حوالي 5 دقائق اذا وجدنا القعر اصبح لونه ذهبي ندهن الوجه العلوي بفرشة الزيت ثم نقلبه ونتركه لمدة 5 دقائق أخرى
  • بمجرد رفع الشرائح من طاسة التحمير نغمسها في الخلطة على الوجهين ثم نضعها في طبق
  • ننقل الشرائح بعد ان تبرد في علبة او حلة صغيرة ونصب باقي الخلطة عليهم ثم نغطيها ونضعها في الثلاجة
  • في اليوم التالي يصبح الباذنجان ألذ من اليوم الأول

يقدم ساخن او بارد – وبالف هنا وشفا

ليست هناك تعليقات:
Labels:

فول مدمس وشعير

لكل الباحثين عن الرشاقة والصحة والطافة ولمرضى السكر والضغط العالي والكوليسترول وامراض القلب اقدم لكم طبق صحي لذيذ ناسب لكم

للشعير فوائد مذهلة – فاذا اضفنا كمية من الشعير المسلوق بماؤه الى كمية مماثلة من الفول المدمس بالزيت والخل – سنحصل على طبق لذيذ جدا ومغذي وكله فوائد صحية

ويا سلام لو معاهم طعمية سخنة وبيض مسلوق وارواق كرفس وخيار مخلل – حيبقى فطار خيالي في طعامته وفوائده الصحية

ليست هناك تعليقات:
Labels:

07 نوفمبر 2018

أحدث تخفيضات وعروض السعودية

أحدث تخفيضات وعروض السعودية (للانتقال لعروض مصر اضغط هنا)

ليست هناك تعليقات:
Labels:

مجلات عروض مصر هذا الاسبوع PDF

أحدث عروض الهايبرماركت فى مصر (للانتقال لعروض السعودية اضغط هنا)

 

مترو محافظ على سياسته المتواصلة فى تقديم اغلى اسعار للمستهلك فى مصر –  وبيعتمد على الزبون اللى بياخد اللى هو عاوزه من على الرف بدون ما ينظر للسعر – ومناسب ايضا للناس اللى فلوسهم كتير قوى – قوى ماشاء الله – اللى هو ليه تشترى كيلو فول تدميس من الاسواق ب10ج لما ممكن تشتريه من مترو ب23.50ج ؟ او ليه تشترى كيلو عدس ب16ج لما ممكن تشتريه من مترو ب38.50ج ؟

نصائح عامة

كل انواع وماركات الجبنة البيضاء او مثلثات او كاسات او سمن او زبدة صفراء رخيصة الثمن بتكون مصنوعة من زيوت مهدرجة وليس من حليب طبيعى ولا من دسم الحليب – الزيوت المهدرجة ضارة جدا بالصحة وتصيب من يتناولها بالكوليسترول والسمنة – تجنبوا شراء أى جبن مكتوب عليه انه مصنوع من دهون نباتية مثل الماركات التالية :

  • باندا
  • دومتى
  • جرين لاند
  • ديرى
  • الخديوى
  • الدوار
  • بريما
  • طعمة
  • الحلوبة
  • جبنتى
  • حلايب
  • الزبدة الاوكرانى

وعشرات الماركات الاخرى – ستعرفها من ثمنها – أى جبن سعر الكيلو منه اقل من 38 جنيه يكون مصنوع من زيوت مهدرجة

ماركات قليلة فى السوق مصنوعة من حليب طبيعى – مثل :

  • الجبنة البراميلى والاسطمبولى السايبة
  • لافاش كيرى
  • بريزيدن
  • لبنيتا
  • ميلكانا
  • الزبدة النيوزيلاندى

نصيحتى لكم ان تعملوا الجبنة البيضاء فى البيت بانفسكم بطريقة سهلة جداً جداً وموفرة – الطريقة تجدونها هنا : اسهل جبنة لبنة دوبل كريم كاسات فيلادلفيا بالحليب فقط وبدون تسخين

وبالنسبة للجبنة الموزريللا لم اجد حتى الامن اى توع مصرى جيد – المشكلة ان المنتجين يستخدمون مواد غريبة فى صناعتها ؤبما تكون نشا ومواد تجعلك تشعر كانك تاكل بلاستيك – مثال لذلك  موزريللا ايطاليانو التى تباع فى المحلاوى – موزريللا فارم تشيز التى تباع فى بانده – اما موزريللا باندة وجرين لاند ودومتى فليس لهم طعم على الاظلاق – العيش اطعم منهم – وللأسف كل الماركات تكتب انها مصنوعة من حليب طبيعى 100% !!

لا تشتروا منتجات نوفال بروموشن – فهى تباع باسعار أقل بسبب انها للأسف مصنوعة من خاماتت رديئة ضارة بالصحة – وطلائها الخارجى يتفاعل مع الحرارة ويصدر روائح كريهة قد تسبب السرطان والعياذ بالله لمن يستنشقها – كما ان مادة التيفال بها خفيفة جدا وتختفى فى وقت قصير – ومعدنها ضعيف ينثنى بسهولة – ويحدث للطاسة تقعر عند تكرار تعرضها لحرارة عين البوتاجاز

بعض السوبرماركتات الشهيرة تعتمد فى تخفيضاتها على منتجات قاربت على انتهاء الصلاحية – مثل كارفور واولاد رجب – لذلك يجب التأكد من تاريخ الصلاحية قبل الشراء

لا تشتروا اجهزة كهربائية او اليكترونية من عروض كارفور لانى علمت من مصادر موثوق فيها ان لهم خط انتاج باسمهم فى كبرى مصانع الاجهزة الكهربائية فى مصر حيث يطلبون تبديل القطع الاصلية بقطع اقل جودة حتى يستطيعون بيعها باسعار اقل من السوق دون ان يدرى المستهلك انه يشترى جودة اقل للاسف الشديد – ويمكن معرفة ذلك من رقم الموديل حيث ستجد الارقام  فى كارفور تنتهى باصفار بينما المنتج الاصلى لدى المعارض الرسمية للمنتج لا توجد فى نهاية ارقامها تلك الاصفار – وفى سلع اخرى كاللاب توب يبدو انهم يستوردون منتجات رديئة درجة ثانية فهى سريعة الاعطال – ابتعدوا عن عروض اليكترونيات كارفور واشتروا دائما من المعارض الرسمية للمنتج الاصلى

السمك المقلى والمشوى اصبح غالى جدا – لو عايزين اكلة سمك جميلة ورخيصة اشتروا سمك ماكريل مجمد – يمكنكم شويه فى البيت بطريقة سهلة وسريعة وموفرة ولذيذة جدا – الطريقة هنا

الحليب المبستر المعبأ فى علب وأكياس لا علاقة له بالحليب الطبيعى – الحليب الطبيعى هو الذى نشتريه من محلات اللبن – ابسط دليل عندما يقطع حليب العلب سنجد طعمه مر كالعلقم – بينما الحليب الطبيهى البلدى عندمي يقطع يتحول الى لبن رايب واذا تركناه اكثر يتجول الى جبنة طعمة جدا – لا تشتروا الحليب المبستر ولا تصدقوا الاعلانات الكاذبة التى لا تهدف سوى للربح دون مراعاة لصحة الناس – اشتروا الحليب الطازج فقط من محلات البان تثقون فيها

أرخص زيوت طعام حاليا زيوت ماركة سبينيس – وهى زيوت عالية الجودة – حتى زيت الطهى مفيش فرق فى طعمه عن زيت دوار الشمس

لاتشتروا الحبوب والسلع الغذائية المعبأة – فالاوفر ان تشتروها سايبة بالكيلو من الاسواق الشعبية ومحلات العلافة والعطارة وبعض الهايبرات التى يوجد بها اقسام للعطارة – فمثلا الدقيق والفول والعدس والفاصوليا البيضاء واللوبيا و التوابل كلهم ارخص عند شراءهم سايبين بالوزن – واغلى كتير اذا اشتريناهم فى اكياس معبأة من السوبرماركت – فشركات التعبئة لا تفعل سوى شراء تلك السلع سايبة ثم تعبئتها فى اكياس لتبيعها لكم أغلى وتحقيق مكاسب من لاشئ

اللحوم البرازيلى قلت فى السوق وبدأ التجار يعرضون لحوم هندى بدلا منها – اذا وجدت فى العروض مكتوب “لحم مستورد” فاعلم انه غالبا لحم هندى – فكثير من التجار لا يعلن صراحةً ان اللحم هندى – فاللحوم الهندية اتهمت من قبل بان بها ديدان واغلب الناس لا يقبلون على شراءها برغم رخص ثمنها عن اللحوم البرازيلى – اذا اردت لحم برازيلى لا تشتريه الا من مكان مكتوب عليه بخط واضح انه برازيلى – وللتأكد اطلب من البائع ان ترى الغلاف البلاستيك للحم لترى بنفسك بلد المنشأ من على بطاقة البيانات الملصقة على الغلاف

أفضل لحوم رخيصة فى السوق حاليا هى اللحوم السودانى – تباع طازجة مبردة فى مجمعات النيل الاستهلاكية وفروع فاميلى ماركت بسعر الكيلو 80ج – تستوى اسرع من البرازيلى وطعمها مثل طعم اللحمة البلدى

ليست هناك تعليقات:
Labels:
الاشتراك في: الرسائل (Atom)