لماذا يرتفع السكر في الصباح ؟ وماهي الطريقة الصحيحة للتعامل مع هبوط السكر

شاهدوا دكتورة رحمة الغيلي تشرح اسباب ارتفاع السكر في الصباح والطريقة الصحيحة للتعامل مع هبوط السكر

هناك تفسيرين لارتفاع السكر في الصباح :

• ظاهرة الفجر : وتحدث لأي انسان
• تأثير سوموجي : وهذا يحدث فقط مع مريض السكر

https://www.youtube.com/watch?v=MtJK7aIZQyQ&feature=share&fbclid=IwAR387XZwuSYJ2vpVOyaZIxANUwqZ4G1-L1tY1ik8Hja5FT4Z7ImkhpyMyok

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية

 

كفتة مشوية اقتصادية

اول مرة اعملها – الوصفة من ابداعات نهى سلام
https://www.facebook.com/groups/2051617705054100/permalink/2347163828832818/
– انا هنا بس حولت المكيال الى اوزان

المقادير

• 250جم لحمة مفرومة
• 80جم لية
• 30 جرام جوز هند ناعم
• 30جم بذر كتان مطحون
• 30جم سمسم ابيض مطحون
• 100جم بصل
• معلقة صغيرة من كل من :
  • بابريكا
  • فلفل اسود مطحون
  • زنجبيل مطحون
  • قرفة مطحون
  • كاري
  • كزبرة مطحون
  • روزماري مطحون
  • ملح بحري

الطريقة

• نفرم البصل مع اللحمة المفرومة واللية في الكبة
• نطحن بذر الكتان والسمسم في مطحنة التوابل
• نضيف كل شئ في طبق واسع ونقلب بيدنا جيدا
• وزن الخلطة 560جم – نقسمها 12 كرة ونحفظها في الثلاجة ساعتين لتتماسك

• نصبع كل كرة على سيخ او يد مدور لمعلقة خشب
• نسخن شواية ونشوي صوابع الكفتة
• تقدم مع سلطة طحينة وجرجير وخيار مخلل ولبنة بيتي

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية

لبنة بيتي

لبنة جافة بسبب تصفيتها تماماً من الشرش

اللبنة الجاهزة اسعارها مبالغ فيها جداً – وكمان بتبقى طرية لانهم مش بيصفوها كفاية من الشرش – لذلك فاللبنة التجارية تحتوى على نسبة من سكر الحليب (لاكتوز) – انا باعملها في البيت ناشفة تماماً كما في الصورة – انظف واطعم وصحية 100% كاملة الدسم وبثلث التكلفة – جربوها وان شاء الله حتعجبكم جداً

لبنة ناشفة قابلة للبشر مثل الموزريللا

الادوات المطلوبة

• حلة كبيرة
• حلة صغيرة – او برطمان زجاجي – بمقاس يدخل في الحلة الكبيرة (لعمل حمام مائي)

المقادير

• كيلو حليب جاموسي بلدي خام
• معلقة جبنة قريش

الطريقة

• لانغلي الحليب حتى لانقتل الانزيمات النافعة والبكتيريا اللبنية LAB الطبيعية فيه
• نهرس معلقة جبنة قريش في طبق صغير مع معلقة حليب حتى يصبحوا عجينة ونضيف لهم قليل من الحليب ونقلب ثم نضيفهم للحليب
• نضع  الحليب في زجاجه او برطمان ونغطيه و نتركه خارج الثلاجة حتى نلاحظ سائل شفاف هو الشرش بدأ يظهر في قعر الزجاجة (خلال يومين) وكلما تركناه اكثر يكون الطعم افضل
• نجهز طبق عميق ونفرشه بقماشة قطن بيضاء نظيفة واسعة مقاس متر في متر مثلا – ثم نصب اللبن في وسط القماشة ونربط اطرافها الاربعة
• نعلق القماشة في مكان بحيث نضع الطبق تحتها لتستقبل الشرش المتساقط
• نتركها 6 ساعات او الافضل ليلة – ويمكن ان نسرع عملية تصفية الشرش بان نلف القماشة بحيث نعصر اللبن ونضغط بقوة فينزل الشرش اسرع
• عندما يتوقف تنقيط الشرش تماماً تصبح اللبنة جاهزة – ننقلها من القماشة الى علبة ثلاجة
• كلما كانت اللبنة ناشفة كانت كربوهيراتها اقل – لان سكر الحليب (اللاكتوز) بينزل في الشرش المتصفي – اما اللبنة التجارية الطرية فتكون كربوهيدراتها عالية لانهم لم يصفوها كويس حتى لاتفقد وزنها ويكسبوا اكتر – كما في الصورة – اشبه بالزبادي لكن اسمك قليلا

لبنة تجارية لم تتم تصفيتها حيداً من الشرش لذلك تحتوي على لاكتوز

 

لبنة تجارية لم تتم تصفيتها حيداً من الشرش لذلك تحتوي على لاكتوز

 

لبنة بيتي لكن مازالت طرية لعدم تصقيتها جيداً من الشرش لذلك بها لاكتوز

كيلو الحليب ينتج بهذه الطريقة ثلث كيلو لبنة جافة – والطعم مزز ولذيذ جداً – لا يحتاج ملح – ويمكن استخدامها في وصفات وحشوات كثيرة او تؤكل كما هي – لذيذة جداً مع اى وجبة

ملحوظة: شرش اللبنة المصفي خسارة ترموه – هو غير مناسب لمتبعي الكيتو واللوكارب – لكنه مناسب لاطفالكم وأى فرد في الاسرة لا يتبع نظام تخفيض النشويات – فهو غني جداً بالبروتينات والكالسيوم وكله فوايد – انا باعمل بيه عجينة البيتزا للولاد بدلا من الماء بتطلع تحفة – وهذا الشرش هو اللى المصانع بتجففه وتبيعه كبودرة بروتين باسعار عالية في الجيم لعمل فورمة وبناء العضلات – فغذوا اولادكم به

وبالف هنا وشفا

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية

فوائد الصيام المتقطع

فوايد الصيام المتقطع
============

الصيام المتقطع انواع:

• اسهل نوع هو انك متفطرش الصبح وتكتفي بالغدا والعشا – وتحاول تقرب المدة اللى بينهم – فلو كلتهم خلال 6 ساعات مثلا من 2 الى 7م ومكلتش حاجة لغاية غدا تاني يوم يبقى كدة حضرتك صمت 18 ساعة خلالهم تشرب ماء براحتك ومشروبات ساخنة واعشاب بدون سكر ولا حليب ولا سعرات
• لو قربت ما بين الغذا والعشا اكتر بحيث تاكل خلال 4 ساعات يبقى كدة حتصوم 20 ساعة يومياً
• لما تتعود على الصيام ممكن بقى تبدأ الصيام الأفيد للجسم وهو صيام الوجبة الواحدة – يعني تاكل مرة واحدة خلال ساعة وتصوم 23 ساعة لليوم التالي في نفس الميعاد

ليه دايما بنفضل اننا نصوم مع نظام الكيتو دايت ؟
لأسباب كتير :

• الصيام يساعدك انك تدخل في حالة الكيتوزس بسرعة (الكيتوزس بيحصل لما تمتنع عن النشويات فالجسم يضطر يحرق الدهون بدلا منها – بيحول الدهون الى كيتونات ودي بتستخدمها خلايا جسمنا لامدادها بالطاقة بدلا من الجلوكوز – في الاول بناكل دهون كتير عشان نعوده يحرق دهون بدلا من النشويات – وبعد كدة لما الجسم يبقى خلاص اتعود على الكيتونات نبدأ نقلل الدهون في اكلنا عشان الجسم يحرق الدهون المخزنة في جسمنا)
• الصيام بيساعد طبعاً على التخسيس
• نظام الكيتو بيساعد في عملية الصيام.. ازاى ؟
  في بداية الصيام بتحس بالجوع لان جسمك متعود على النشويات – والنسويات بتعلي في الحسم هرمون اسمه “جريلن” او هرمون الجوع – لذلك اللى بياكلوا نشويات بيجوعوا بسرعة وبيتعبوا في ايام الصيام الاولى
  لكن لما احنا مناكلش نشويات ونصوم هرمون الجريلن بيقل خالص في الجسم – وبالتالي شهوة الاكل بتختفي وشعور الجوع مش بيبقى موجود
• الصيام بيزود في الجسم هرمون النمو- في الرجال بيزيد بنسبة 2000% – وفي النساء بيزيد بنسبة 1300% – طبعاً مع تقدم العمر الهرمون دة نسبته بتقل بالتدريج – وكل ما النسبة تقل كل ما اعراض الشيخوخة تزيد – انما مع الصيام الهرمون بالعكس بيزيد بالنسب المذكورة للرجال والنساء لذلك بالصيام يؤخر اعراض الشيخوخة بدرجة كبيرة
  وبالنسبة للرياضين سواءا رفع اثقال او كمال اجسام فهرمون النمو بيساعد على تكوين العضلات الصافية وبيزود من حرق الدهون وكمان بيساعد على استشفاء العضلات بعد التمارين – لان اثناء التمرين بيحصل شوية هدم في الالياف العضلية – وفي وقت الراحة تحدث عملية الاستشفاء وهي عملية يتم فيها بناء الياف عضلية جديدة – فلما هرمون النمو يزيد بيزود من عملية الاستشفاء وبيسرع منها
• الصيام بيزود صحة البشرة وبيمنع التجاعيد وترهلات الجلد الناتج عن تقدم السن
• الصيام  بيعمل على زيادة كفاءة عمليتين مهمين جداً في الجسم :
  • بيزود من كفاءة الخلايا في عملية التهام الخلايا التالفة وتجديد نفسها بالتغذي عليها فيما يسمى بعملية اوتوفاجي
  • الخلايا لما بتلتهم الخلايا التالفة بتنتج الخلايا الجذغية او الخلايا الام stem cells اللى هي مسئولة عن انتاج جميع انواع خلايا الجسم فى كل مكان في الجسم حسب الوظيفة المطلوبة في كل عضو
• الصيام بيزود اللونجيفيتي او طول العمر – طبعاً الاعمار بيد الله –  لكن الصيام بيطول عمر الخلايا نفسها – وبيقلل من عملية هدم الخلايا او تقدمها في العمر فتجد الخلايا لا تعجز بسرعة كما هي العادة مع تقدم السن – فالصيام بيعمل على ابطاء علامات الشيخوخة والواحد يبان اصغر من عمره – فتجد شخص كيتوني في الثمانين او التسعين ويبدو كما لو كان في الخمسين
• الصيام بيزود صحة المخ – بيزود التركيز – بيزود الذاكرة – لان الصيام بينتج كيتونات وهي افضل غذاء للمخ
• الصيام مع النظام الكيتوني يقلل التهابات الجسم – لذلك اى شكوى من التهابات المفاصل – التهابات جلدية – امراض مناعية – امراض حساسية – كل هذا علاجه الصيام

صوموا تصحوا.. عليكم بالصيام مع النظام الكيتوني

شاهدوا هذا الفيديو الرائع لدكتور ايهاب عادل

,تقدروا تتابعوا سلسلة الكيتو مع الدكتور ايهاب عادل هنا :

ثقف نفسك وخس واتحكم في سكرك مع دكتور ايهاب عادل

ولكل ما يهمك معرفته عن الصيام المتقطع بالتفصيل شاهد هذه السلسلة الرائعة لدكتور بيرج:

وياريت كمان تقرأوا المقال الرائع التالي للدكتور محمود مطاريد :

https://www.facebook.com/groups/2252166614839918/permalink/2526820280707882/

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية

ثقف نفسك وخس واتحكم في سكرك مع دكتور ايهاب عادل

ديابيسيتي مصلح جديد بيجمع بين مرضين:

• مرض السكر (ديابيتيس)
• مرض السِمنة (اوبيسيتي)

وهو من اكثر الامراض اللى انتشرت كالوباء في الثلاثين سنة الأخيرة – والاثنين مؤتبطين ببعض ارتباط وثيق – فالسمنة هو مقدمة للاصابى بالسكر

دكتور ايهاب عادل عمل سلسلة فيديوهات تثقيفية رائعة بيشرح فيها المشكلة بالتفصيل وطرق علاجها بمنتهى البساطة وبدون ادوية ولا علاجات ضارة

اذا كنت مهتم بصحتك وعايز تخس قبل فوات الاوان – او لو انت مصاب بالسكر بالفعل – انصحك بالانصات لسلسة فيديوهات دكتور ايهاب عادل – فهي بحق كنز من المعلومات والنصائح الطبية اغلى من الذهب – انا كنت اتمني حد يقول لي المعلومات دي من 20 سنة قبل اصابتي بالسكر – دلوقتي كل المعلومات متاحة امامكم فاستفيدوا منها ولا تضيعوها :

ملحوظة: يمكنك مشاهدة الحلقات بالترتيب وهذا أفضل – اما اذا كنت مهتم بجزء معين فيمكنك اخياره من القائمة الموجودة أعلى الفيديو على اليسار

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية

الحل الامثل لفقدان الوزن والكرش

دكتور ايهاب عادل فقد 37 كيلو من وزنه – وفي الفيديو التالي بيقدم لكم الطريقة اللي طبقها ونجحت جداً

الفيديو فيه تفاصيل مهمة جداً خدوا بالكم من كل جزئية فيها وان شاء الله تستفيدوا وتطبقوا هذا النظام الرائع

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية

اسرع طبخة في الكوكب

سبانخ وبيض سكرامبلد طبخة لذيذة وصحية – منجم فيتامينات ومعادن – لا تستغرق 5 دقائق في طهيها

المقادير:

• 200جم سبانخ مجمدة (نصف كيس)
• 3 بيضات
• معلقة زبدة
• فصين ثوم مهروسين
• ملح بحري وفلفل اسود

الطريقة

• نسخن الزبدة في طاسة ونضيف الثوم والسبانخ والملح والفلفل ونقلب
• دقيقتين ثم نضيف البيض ونقلب الكل
• نرفع الطاسة من على النار قبل ان يتجمد البيض تماماً (حيكمل سواه بفعل سخونة الطاسة)
• نصبه في طبق التقديم مع شرائح طماطم وخيار مخلل

وبالف هنا وشفا

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية

فانوس فرغلي - قصة قصيرة

كان سميناً جداً لدرجة أنه لا يقدر أن يرتدي جواربه بمفرده، حياته تتلخص في كلمتين ؛أكل ونوم، يفعلهما دون ارادة منه فقد اجبره جسمه ان يعيش في هذه الدائرة المغلقة منذ سنين طويلة، بدأ الأمر تدريجياً و ببطء شديد ككل الأشياء السيئة، لم يلاحظ زيادة وزنه حتي ظهرت عليه اعراض السكر، الضغط، كرشة النفس.

نصحه الأطباء مراراً بنقصان الوزن، حاول كثيراً لكن الجوع كان دوماً له الغلبة ، ما إن يبدأ في الدايت حتي ينشغل عقله و كل جوارحه بالطعام، يقاوم فيتأثر مزاجه، ثم ينتهي الصراع في محل حلويات أو مطعم مأكولات أو أي في مطبخ منزله، يأكل ثم يأكل ويلعن الجوع والدايت وكل الأطباء في آن واحد.

حاول ان يبدأ رياضة من منطلق نصف العمي أفضل من العمي كله، لكن آلام المفاصل أرقدته كسيحاً في المنزل بعد محاولة واحدة للمشي علي السير الرياضي، علي أثرها تبرع بملابسه الرياضة (التريننج) لصاحب صالة الجيم .

لا يدري فرغلي ما الذي دفعه أن ينظر أعلي الصندرة ذلك اليوم، أثناء رحلته من إلي غرفة نومه عائداً من الحمام، نعم يطلق عليها رحلة لما يتكبد فيها من مشقة و يبذل فيها من جهد .

فرغلي له رحلات كثيرة و متعددة يومياً من وإلي غرفة النوم، تارة تكون وجهته إلي الحمام وأخري تكون إلي المطبخ. يرتاح في الطريق لالتقاط أنفاسه، ينظر إلى السقف، يتأمل جدران المنزل، الخالي إلا من أنفاسه المتلاحقة نهاراً و شخيره ليلاً.

عادة لا يخرج خارج هذا المنزل إلا للشديد القوي، إما لاحضار الطعام من الشارع الذي لا يستطيع احضاره ( دليفري) أو الذهاب لمكينة الصراف القابعة في تقاطع قريب منه .

لفت نظره الكراكيب المتراكمة فوق الصندرة، كانت متربة و قديمة، عشوائية كحياة رجل أربعيني سمين و وحيد ، رفضته كل النساء و تخلي عنه كل الأصدقاء.

تحوي الكثيراً من ذكرياته التي بمجرد رؤيتها بدأت تتزاحم الحكايات في عقله.

فهذا الكرسي القديم الذي يحبه، الذي لم يتحمله حينما هبط بمؤخرته السمينة فجأة عليه ذات مرة ، تفتت كحبة بندق ساقها القدر التعس ان توضع في كسارة، و هذه قصاصات الورق التي تحوي بقايا خطابات غرامية لزميلة دراسة في فترة الجامعة ، وقتها كانت لديه رغبة في العيش كبشر عادي، يحب و يجد من يحبه تلك الرغبة التي تلاشت مع تقدم العمر، حلت مكانها رغبة في أن يأكل و يهضم.

جرائد تحتوي علي اعداد كبيرة لملحق الجمعة في الأهرام التي دأب علي شرائه لسنين طويلة حباً في ملحق القصة القصيرة. مجلات كثيرة متراصة في جانب الصندرة ، حفزته علي الإبتسام عندما تذكر صور النساء التي تحتويها، اهتم بشراء مجلات الرشاقة لفترة غير قصيرة، كان يتصفحهها و هو يأكل (التشيز برجر) و بطاطس ( الشيبسي) .

شعر يوماً بوخز في ضميره لإنه لا يستطيع أن يوقف خيالاته الجنسية تجاه الفتيات اللاتي في تلك المجلات ، فقرر التوقف عن شراء المزيد منها ، استبدلها ب (البيبسي) ذو الحجم العائلي.

لمح فانوساً كفوانيس رمضان بين الأوراق المبعثرة و الأحذية القديمة ، انتظر فيض الذكريات التي تنهال من تلقاء نفسها كلما وقع بصره علي شيء ما بالصندرة، لكنه اكتشف انه لا يتذكر هذا الفانوس مطلقاً، حاول اقناع نفسه ربما كان لأحد من إخوته عندما كان صغيراً لكن عقله ابي ان يقتنع بذلك.

ترك الفانوس و شأنه، ذهب إلى الثلاجة، تناول نصف زجاجة (الجافسكون) المضاد للحموضة.

– يبدوا أن الطرب و الموزة الضاني كانتا سمينتين.

هكذا تحدث لنفسه.

ذهب إلى غرفة النوم، لكن عقله لم يكف عن التفكير بالمصباح.

– تري ما حكاية هذا الفانوس؟ تساءل

– مش مهم، بكرة تفتكره…… أجاب

تذكر ميعاد برنامج الطبخ المفضل له، فتح التليفزيون، سقط في النوم جالساً أثناء المشاهدة، تعالي ضجيج شخيره ، حتي استيقظ علي حرقان شديد في صدره، ذهب لتناول النصف الآخر من زجاجة ( الجافسكون)

استراح قليلاً في المطبخ بعد عناء الرحلة، وجد نفسه مدفوعاً نحو الصندرة مرة أخرى.

مد يده ليلتقطه ، نهج قليلاً، تفحصه جيداً، كان فانوساً نحاسياً، عتيقاً كأنه كان مملوكاً لأحد الخلفاء في العصر الفاطمي، في قاعدته توجد نصف شمعة مطفئة محاطة بسياج من بقايا شموع ذائبة متعددة الألوان ، أعلاه حلقة فضية يحمل منها ، يمكنك تعليقه بسقف المنزل أو علي علاقة بالحائط منها إن أردت ذلك ايضاً .

بدا له فانوساً فخماً و عريقاً ، ربما يكون فانوس لأبيه أو أحد أجداده، وجه فمه تجاه الفانوس، نفخ فيه عده مرات ليزيل ما تراكم عليه من اتربة، ثم اخذ قطعة القماش المهترئة التي أمامه وراح يمسح الفانوس مثلما يفعل الصائغ مع جوهرة ثمينة.

كانت عليه نقوشاً مذهبة ، آيات كتبت بخط لم يره قبل ذلك ، لا يوجد به تنقيط أو علامات ترقيم .

وضع الفانوس علي المنضدة، اطفأ أنوار الغرفة، اشعل النصف المتبقي من الشمعة من باب التغيير.

تصاعد دخان كثيف جداً ملأ الغرفة، دخان جعله يظن أنه لم يشعل شمعة انما اشعل فرن بلدي، القمه قرصين من تلك الأقراص الكبيرة المصنوعة من روث البهائم.

بدأ الدخان يهدأ، ثم ظهر له في سقف المنزل آدمي، ذو جسم نحيل، شعر طويل و منسدل علي كتفيه كشعر النساء و بشرة داكنة كحبشي ، عاري إلا من سروال ضيق.

فرك فرغلي عينيه ليتأكد مما يراه، لكن الحقيقة صارت مؤكدة حين اقترب منه و ربت علي كتفيه ليطمئن .

– شبيك، لبيك، عبدك، بين ايدك، لك طلب واحد بس، ولما احققه لك تنساني و ترجع الفانوس مكانه وأوعك تجيب سيرة لحد علشان لو بوحت بالسر حينقلب الطلب عليك.

– أنت حتخم من أولها، المفروض ليا سبع طلبات، كل الأفلام العربي بتقول كدة.

– ههههههههه يا فرغلي، السبع طلبات لسبع أفراد مش لك لوحدك، متبقاش طماع، أبوك طلب من سكات و مات و لم يحكي السر لحد.

– بابا؟ طلب إيه بابا؟

– مبطلعش اسرار العملاء بتوعي

– بس ده ابويا و اكيد لولا انك حذرته كان حكي لي

– ممم مقنع برضه،بص هو طلب يتجوز امك بنت الحسب والنسب، كانت غنية و عمرها ما حتبص لواحد زي ابوك لولا السحر اللي خلاها تحبه و خلي ابوها يوافق مكنش عمره حيطول ضفرها .

جلس فرغلي يفكر تري ماذا يطلب، شم رائحة صواني الرقاق المحشية اللحم الضاني المفروم، تخيل حلة محشي ورق العنب تسكب أمامه، يتصاعد بخارها إلي أعلي و يتصاعد معه قلبه ، أصابع من محشي الكرنب ملفوفة بعناية، متساوية كأنهم صبوا في قالب تفوح منهم روائح الزبدة الفلاحي ، فتة بالخل والتوم، سمع طشت الملوخية بأذنيه و رأي طاجن العكاوي أمامه في نفس اللحظة يقدم له بابتسامة عريضة.

لكنه تراجع عن طلب تلك الوليمة ، قال لنفسه ربما كل هذا يستطيع أن يحققه، لو زار (أم مصطفى) بالبلد أو حتي ذهب إلي أقرب مسمط .

لابد أن يكون ذكياً كأبيه بطلب واحد حصل علي زوجة و مال و سعادة.

– عايز أخس واعمل فورمة زي بتاعت عمرو دياب

– مقدرش

-نعم؟ الأخ عفريت برضه ولا صبي قهوجي؟

– عفريت يسطا وبلاش غلط، بس الموضوع صعب، أنا ممكن ادلك علي طريقة تخس بيها، انما مقدرش انقلك من فيلم اكس لارج بتاعك ده لأغنية برج الحوت مرة واحدة كدة ، دي سنين طويلة قضاها فريق العمل في الجيم، أطنان من الأمينو و حقن الأنابولك اتبلبعت من أيام أغنية حمد الله على السلامة هلا يا هلا لحد انهاردة

فكر لبرهة، حدث نفسه ما الضرر؟

– طيب قشطة، اوصفلي دايت حلوة علي ذوقك بحيث أكل لحد ما أشبع، أكل لحمة سمينة زي ما أنا عايز، مجوعش ابدأ، مقعدتش افكر في الأكل أو أحس اني محروم، أخس عليها كل اسبوع علي الأقل بالميت اتنين تلاتة كيلو، كمان تخليني ابطل علاجات السكر والضغط، فوق كل ده لما اوصل للوزن المثالي مرجعش ازيد و ياريت تكون بترفع المود.

من الآخر عايز أخس من غير ما أحس.

قالها و هو ممسك بقبضة يديه علي جوانب بطنه المترهلة بكل بقوة.

– أنت كدة مش عايز دايت، أنت عايز مطبخ مستشفى دار الفؤاد.

– هو ده طلبي يا برنس

– بصراحة لازم استشير عفريت أكبر مني

فرك أصبع الخنصر مع البنصر فظهر آيفون اكس بين يديه.

-ألوا……. أيوة يا كهرمان، الحقني يا صاحبي ، واحد ولع الشمعة و بيقولي عايز يخس من غير ما يحس

– هههههههههههه، يخس من غير ما يحس، يبقي وقعت في واحد مصري.

ثم انفجر ضاحكاً

– أيوة يا سيدي مصري.

– ياعم طلبه بسيط ، هو مش عايز

ياكل لحد ما حيشبع، و ميشغلش باله بالأكل خالص؟

– آه

-كمان يخس اللي هو عايزه و ما يزيدش وزنه بعد ما يوصل للوزن المثالي؟

-آه

– فوق كل ده عايز مزاجه يتحسن و ياكل السمين اللي بيحبه؟

– أيوة يا سيدي، اخلص.

– قوله يعمل كيتوجينك دايت.

– بس كدة؟

– أومال أنت مفكر إيه؟ كل حاجة بالعلم والتجربة.

– طب الكربوهيدرات؟

– لو سألك عن الكربوهيدرات، حط ايدك على كتفه، بص في عنيه جامد و قوله بصوت فخيم

– فرغلي يا ابني (الcarb أساس كل كرب)

#تمت

دكتور محمد الصباغ

https://www.facebook.com/groups/keto.code/permalink/206846846610956/

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية

علاج ضغط الدم العالي بدون ادوية

أغلب السكريين ضغطهم عالي ويتناولون ادوية ضغط يومياً
لكن هل تعرف ان دواء الضغط له أثار جانبية ضارة مع طول الاستعمال لسنوات طويلة؟
.
طيب ايه رأيك ان انت ممكن تستغني عن دوا الضغط نهائياً وضغطك يرجع مثالي من جديد ؟
.
حاقولكم حصل ايه معايا…
الحمد لله قست ضغطي اليوم فوجدته 120/70
بالرغم من اني بطلت دوا الضغط بقالي شهرين !
نظام لوكارب ياجماعة مش بس بيضبط ارقام السكر ويخليها طبيعية تماما – لأ دة كمان بيحسن كل وظائف الجسم – ومن ضمنها الضغط العالي بدون حاجة لمصاريف ادوية ولا اثار جانبية ولا اى شئ

قبل ما اوقف دوا الضغط ب4 اشهر كان ضغطي عالي 170/110 بالرغم من اني كنت باخد دوائين ضغط في بعض – ولما الدكتور وجد ضغطي مش راضي ينزل كتب لي دوا ضغط مستورد أقوى عبارة عن 3 ادوية في واحد
لكن بعد ما انتظمت في اللوكارب بحزم تصادف في مرة ان الدوا خلص وفضلت 5 ايام بدونه – ولما قست الضغط بعد الايام الخمسة لقيته 120/70 فاندهشت وقلت خلاص فرصة.. استمر في وقفه واشوف يمكن خلاص مش محتاجه – وبالفعل النهاردة كدة فات شهرين كاملين بدون أى دوا ضغط – والرقم ثابت 120/70 (دة رقم شاب في ال18 على فكرة وليس راجل عجوز مثلي)
.
جربوا تاكلوا بنظام لوكارب.. النتايج حتذهلكم
ابدأوا صفحة جديدة من حياتكم خالية من الامراض وكلها نشاط وحيوية مع اللوكارب
.
اذا اردت ان تتحكم في سكرك ولا تتركه يتحكم هو فيك بحيث تصبح قياساتك طبيعية تماما اقل من 100 صايم وفاطر وتراكمي 5 – واذا اردت التخلص من الضغط العالي وتستغني عن ادوية الضغط مع تحسن شامل في كل وظائف الجسم – فما عليك الا ان تتبع نظام لوكارب – دي تفاصيل نظام لوكارب افضل نظام لضبط السكر في اقصر وقت للنوع الاول والثاني – مع شوية نصائح مهمة ان شاء الله تفيدك كتير : https://www.facebook.com/SallamCS/posts/874516282895042

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية

هو لازم كيتو او لوكارب عشان نخس؟

 

 

السؤال عن مهو لو قللنا السعرات الحرارية برضه حنخس، ايه لازمته الكيتو
(الكيتو او اللوكارب هى انظمة عذائية منخفضة النشويات عالية الدهون)
الإجابة :

هي سعرات ولا هرمونات ولا اتنين؟

المفروض فعلاً لما بتنقص سعراتك 3500 سعر حراري يعني تقريباً بيقل رطل من سعراتك.
نظرية السعرات بتقولك نقص 500 سعر حراري، في اليوم عن احتياجك يبقي الاسبوع تخس ما يعادل نص كيلو، يبقي في الشهر 2 كيلو، يبقي في السنة 24 كيلو اشي خيال يا ناس 😃😃
أومال لما الموضوع بسيط كدة ليه بنفشل.

ليه نظرية السعرات خاطئة.
1- ان السعرات الداخلة للجسم مرتبطة باللي خارجه منه.

بمعني نظرية الكالوريز بتفترض ان واحد يقل والتاني حيفضل ثابت وده مش بيحصل.
كل ما حيقل واحد، حيقل التاني، يبقي لما انا بقلل 500 سعر في اليوم، ممكن اخس اسبوع او اتنين و بعدها الجسم حيقلل الحرق، واضطر اقلل تاني والجسم يقلل الحرق تاني و هكذا.
( راجع بوست الريفيد الجزء الأول)
2- الجسم مش نظام مغلق.
نظرية السعرات قايمة علي القانون الاول من الديناميكا الحرارية
الطاقة لا تفني ولا تثتحدث من العدم ولكن تتحول من صورة الي أخري.
شرط التحول الكامل للطاقة ان النظام يبقي مغلق، يعني كل الطاقة اللي في صورة كالوريز، تتحول لخدمة اجهزة الجسم.
لكن اللي حاصل ان الطاقة دي بتتأثر بعوامل كتير في الجسم، و بتتغير من يوم ليوم.
هرمونات زي الانسولين والليبتن والكورتيزول والثيروكسين.
ارتفاع درجة حرارة الجسم، الضغط العصبي، قلة النوم الخ.
وبالتالي الطاقة مش شرط كلها تتحول لخدمة الجسم، ممكن تتحول لدهون ( طاقة مخزنة)
وبالتالي محتاج دايماً تطلع المخزون.
3- تقلل السعرات، بتجوع أكتر
Set weight point.
كل جسم له نقطة في الوزن، النزول عنها او ارتفاع فوقها بيبدأ يقاوم و يرجعك لها.
لما بتخس، بيزود الجوع فتاكل اكتر.
ولما بتزيد بيزود الحرق فتخس.
الانسولين هو اللي يقدر يرفع النقطة دي.
وبالتالي لو قللت، الجسم مش حيسمحلك بده.
4- سعراتك مش زي بعضها
بمعني تأثير قطعة جاتوه 300 سعر حراري علي الجسم مختلف عن تأثير قطعة لحمة بنفس السعرات الحرارية.
ليه؟
علشان ارتفاع الانسولين حيخزن الدهون مع الجاتوه و حتجوع اسرع من لما تاكل اللحمة.
وبالتالي نظرية السعرات تنفع لو الجسم مجرد آلة صلبة لا يحدث بداخلها اي تفاعلات، انما بوضع الكائن الحي و زي ما شرحت يبقي مينفعش نعتمد علي السعرات الحرارية.

لماذا الكيتو.
1- بيقلل الأنسولين، دي حرفيا معناه بيزود معدل الحرق
2- بتاكل لحد الشبع، يعني الجسم مش حيفهم انه في مجاعة.
3- وجدوا ان تكوين 1جم جلوكوز في الكبد، بيحتاج حرق 10 جم دهون و بالتالي للحفاظ على مستوي السكر في الدم مضطر تحرق كتير علشان تعمل كدة.
الخلاصة، لو كان السبب الرئيسي في السمنة تناول سعرات كتير، كان الحل حيبقي تقليل السعرات، بس ده مش بينجح، و اذا كان سبب السمنة زيادة الانسولين يبقي العلاج الفعال الكيتوجينك والصيام المتقطع و ده فعلاً العلاج اللي نجح.

دكتور محمد الصباغ

https://www.facebook.com/groups/keto.code/permalink/303595896936050/

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية

أحسن جهاز لقياس سكر الدم

لا توجد اجهزة منزلية بدقة المعامل
فكل الاجهزة المنزلية قد تجد بها نسبة خطأ ربما تتراوح بين 5 او 10 او 20 درجة واحيانا أكثر
لذلك انصحكم اعزائي السكريين بمعايرة اجهزتكم بالطريقة التالية:

• في المرة القادمة التي تذهب فيها لقياس السكر في معمل موثوق به اصطحب معك جهازك المنزلي
• بمجرد اخذ عينة الدم في المعمل قم انت بشك اصبعك وقياس سكرك وقتها واحتفظ بالرقم الظاهر على شاشة جهازك
• بعد استلام نتيجة المعمل قارن بين الرقمين واطرحهم من بعض
• فمثلا اذا وجدت رقم المعمل اقل من جهازك 10 درجات قم كل مرة تقيس فيها سكرك في البيت بطرح 10 درجات من قراءة شاشتك لتحصل على قراءة حقيقية
• كرر المعايرة كل فترة منتهزاً فرص القياس في المعمل لتصبح قراءاتك دائماً بدقة المعامل

شفاكم الله وعافاكم جميعاً

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية

ارخص ملح صخري

الملح الصخري من واحة سيوة سعر الكيلو 3 جنيه
الملح الصخري هيمالايا المستورد سعر الكيلو 200 جنيه

 

المشكلة انه بالرغم من كونه ملح صخري من مصدر ممتاز وهو مستخرد من تكوينات طبيعية في محمية واحة سيوة في قلب الصحراء الغربية حيث الطبيعة البكر الخالية من كل مصادر التلوث – الا انه مكتوب على الكيس “ملح صخري مكرر يودي ناعم”

وطبعاً لو كان بالفعل تم تكريره فمعنى ذلك انهم نزعوا منه المعادن المفيدة وتركوا فقط الصوديوم – كما ان عمليات التكرير اذا مرت بمراحل تسخين فهذا يحول الملح الخام الطبيعي الى ملح ضار بالجسم

عموماً سأحاول التواصل مع المصنع للتأكد من المقصود بكلمة “مكرر” ولو اني تحدثت مع بائع في منفذ البيع تصادف انه يعمل في المصنع في سيوة وقد أكد لي ان المصنع لا يفعل سوى غسل الملح وطحنه فقط بدون عمليات تسخين او تنقية معادن

وباذن الله سأحدث الموضوع عندما تتوافر لي معلومات أكثر

ملحوظة :
تم اضافة مزيد من الصور
ويتضح منها ان الملح يتم تكريره من خلال صور الفلترة والتنقية والغسيل والطرد المركزي – وللأسف هذه الخطوات تحرمنا من المعادن الطبيعية الموجودة في الملح الصخري – يسمونها شوائب – والتي تصل الى 80 معدن مفيد للصحة – والمفترض ان نتناولهم مع الملح – هكذا كان تناول الانسان للملح عبر الاف السنين – الى ان جاءت المصانع الحديثة وتدخل الانسان فافسد صنع الله – ليتهم يتركون لنا جزء من هذا الملح الصخري بصورته الخام – لكن لسبب لا نعلمه هذا غير متوفر – الا في الملح الصخري المستورد مثل ملح هيمالايا باسعاره الفلكية 200 جنيه للكيلو !!

والان اترككم مع بعض صور مصنع الملح الصخري في محمية وادي سيوة

---

مصنع الملح التابع لوزارة الدفاع – الشركة الوطنية (صافي)

الملح المتحجر على بحيرات سيوة

كريستالات الملح

نقل الملح من منطقة التشوين

خط عسيل الملح

وحدة غسيل الملح

غسيل الملح

احواض تحضير محلول غسيل وتنقية الملح

التنقية

الفلتر

الغربلة

الغربلة والتصنيف الحجمي

سير نقل الملح

خزان الغسيل

وحدة الطرد المركزي

سير حلزوني

اضافة اليود للملح المجفف

وحدة تنقية الملح

مركز الملح

كسارة الملح

وحدة التحكم

برنامج التحكم والتشغيل

سير نقل الملح للمخزن للتشوين النهائي

مخزن التشوين

وحدة تعبئة 25/50 كيلو

تعبئة 1 طن

تشوين المنتج النهائي

وحدة الغربلة

تغذية الفيدر

خزان الغسيل الرئيسي الاول

خزان الغسيل الرئيسي الثاني

غرفة التحكم

أحواض البراين

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية

السبانخ.. كنز فيتامينات ومعادن

احسن من أى ملتي فيتامين وملتي مينيرال – السبانخ بها كميات مهولة من المكونات يصعب انها تجتمع في صنف واحد – واغلب المكملات الغذائية اللى بيحتاجها مرضى السكر موجودة فيها : بوتاسيوم . مغنسيوم . سيلينيوم . كالسيوم . حديد . فسفور . زنك . نحاس . منجنيز . فيتامين أ . فيتامين ج . قيتامين ب1 و2 و3 و5 و6 و9 وكولين (ليثيثين) وبيتا كاروتين وفيتامين E وفيتامين K واوميجا 3 وتريبتوفان وثريونين وحاجات كتييير جداً – منجم با عم الحاج

والسبانج من أقل اخضروات في النسويات (100جم سبانخ = 1.4جم كرب صافي) لذلك هى مناسبة جداً لمتبعي انظمة الاكل منخفض النشويات مثل الكيتو واللوكارب

.

دي تفاصيل المكونات الموجودة في كيس سبانخ مجمدة 400 جرام :

 

Macronutrients

Weight (g) 400

Calories

92

Fat (g)

1.6

Protein (g)

11.4

Net Carbs (g) 5.7

Calcium (mg)

396

(30%)

Iron (mg)

10.8

(60%)

Potassium (mg)

2232

(47%)

Magnesium (mg)

316

(75%)

Phosphorus (mg)

196

(16%)

Sodium (mg)

316

(13%)

Zinc (mg)

2.1

(19%)

Copper (mg)

0.5

(58%)

Manganese (mg)

3.6

(156%)

Selenium (μg)

4

(7%)

Fluoride (μg) ~

Vitamin A, RAE (μg)

1876

(208%)

Vitamin C (mg)

112.4

(125%)

Thiamin (B1) (mg)

0.3

(26%)

Riboflavin (B2) (mg)

0.8

(58%)

Niacin (B3) (mg)

2.9

(18%)

Vitamin B5 (PA) (mg)

0.3

(5%)

Vitamin B6 (mg)

0.8

(46%)

Folate (B9) (μg)

776

(194%)

Food Folate (μg)

776

(194%)

Folate (DFE) (μg)

776

(194%)

Choline (mg)

77.2

(14%)

Vitamin A (IU)

37508

(1250%)

Beta Carotene (μg)

(%RDA) 22504

(208%)

Lut + Zeaxan (μg) 48792

Vitamin E (mg)

8.1

(54%)

Vitamin K (μg)

1931.6

(1610%)

Water (g) 365.6

Ash (g) 7

Alcohol (g) 0

Caffeine (mg) 0

Theobromine (mg) 0

Carbohydrates

Sucrose (g) 0.3

Glucose (g) 0.4

Fructose (g) 0.6

Lactose (g) 0

Maltose (g) 0

Galactose (g) 0.4

Starch (g) ~

Fats

Omega 3s (mg)

(%AI) 552

(35%)

Omega 6s (mg)

(%AI) 104

(1%)

Omega 3 to Omega 6 Ratio 5.308

Omega 6 to Omega 3 Ratio 0.188

Phytosterols (mg) 36

Betaine (mg) 410

Tryptophan (mg)

(%RDI) 156

(56%)

Threonine (mg)

(%RDI) 488

(46%)

Isoleucine (mg)

(%RDI) 588

(42%)

Leucine (mg)

(%RDI) 892

(33%)

Lysine (mg)

(%RDI) 696

(33%)

Methionine (mg)

(%RDI) 212

(29%)

Cystine (mg)

(%RDI) 140

(49%)

Phenylalanine (mg)

(%RDI) 516

(59%)

Tyrosine (mg)

(%RDI) 432

(49%)

Valine (mg)

(%RDI) 644

(35%)

Arginine (mg) 648

Histidine (mg)

(%RDI) 256

(37%)

Alanine (mg) 568

Aspartic acid (mg) 960

Glutamic acid (mg) 1372

Glycine (mg) 536

Proline (mg) 448

Serine (mg) 416

---

عرفت السبانخ منذ قديم الزمان بأنها طعام الأبطال فهي تحتوي على قيم غذائية استثنائية، فهي تضم الكثير من المعادن والفيتامينات والمركبات النشيطة والأحماض العضوية.

*فوائد السبانخ للصحه :-

1) تحتوي السبانخ على مضادات للأكسدة قوية تحارب السرطانات وخاصة سرطانات الجهاز الهضمي وسرطان الجلد.

2)من فوائد السبانخ أنه يساعد على تقوية المناعة ومحاربة الالتهابات والعدوى باحتوائه على الفيتامينات  A ، C ،E  وهي مضادات أكسدة قوية تحارب الجذور الحرة.

3) تساعد السبانخ على تنظيم ضغط الدم، اذ تحتوي على كميات جيدة من البوتاسيوم، كما لبعض بروتينات السبانخ دور كبير في منع تضيق الشرايين  ، وخفض الكولسترول الضار في الجسم .

4)السبانخ مصدر غني بالكاروتين واللوتين والزانثين وهي عناصر جيدة للبصر وخصوصاً البيتا كاروتين حيث يعوض نقص فيتامين أ في الجسم وبالتالي يعالج حكة العين وجفاف العين ومقاومة إلتهاب العين والإنتفاخ .

5) تحتوي السبانخ علي البوتاسيوم وحمض الفوليك وهي عناصر جيدة لعلاج المشاكل العصبية المختلفة مثل الزهايمر لذلك فهو فكرة جيدة للأفراد الذي يعانوا من مشاكل في الوظائف الإدراكية والمعرفية .

فوائد السبانخ للشعر:-

–   تحتوي السبانخ على نسبة عالية  فيتامين أ وفيتامين ج، وتعتبر هذه الفيتامينات أساساً لتقوية بصيلات وجذور الشعر وبالتالي تحفيز نموه مما يعالج مشاكل ضعف وانعدام الكثافه.

– يحفز فروة الرأس على إنتاج مجموعة من الزيوت الهامة بشكل طبيعي، والتي تساعد على ترطيب فروة الرأس .

– يعالج إلى حد كبير مشكلة تساقط الشعر، وخاصة في حال خلط السبانخ مع أحد الزيوت الطبيعية المقوية للشعر على رأسها كل من زيت الزيتون وزيت الخروع أو حتى زيت جوز الهند وغيره.

– تحتوي على العديد من العناصر المساعدة على منح الشعر ملمساً ناعماً وحريرياً،  وخاصّة في حال خلط السبانخ العادي أو المسلوق مع زيت الزيتون الطبيعي.

فوائد السبانخ للبشره:-

-تحافظ على رطوبة البشرة.

-تقلل من ظهور التجاعيد.

-تقضي على بعض الأمراض الجلدية مثل الصدفية.

-تمنع ظهور حب الشباب.

-تساعد في شفاء والتئام الجروح.

-تحافظ على نضارة البشرة.

 أكل السبانخ الطازجة تساعد على الحفاظ على البشرة والتئام الجروح بشكل سريع وسواء كانت السبانخ نيئة أو مسلوقة لا يهم المهم هو تناولها طازجة.

شرب عصير السبانخ سواء وحده أو مع عدة فواكه لتغيير طعمه، وإن كان يفضل عصره مع الفواكه الغنية بفيتامين ج لامتصاص أكبر قدر ممكن من المعادن المفيدة.

فوائد السبانخ للمرأه الحامل:-

1) تحمي من الإمساك والبواسير اللذين يعتبران من أكثر أعراض الحمل المزعجة شيوعاً.

2) السبانخ تخفف أوجاع الحمل التي تأتي عن التقلبات الهرمونية وزيادة الوزن.

3) السبانخ تخفض مستوى الضغط في الدم كونه يحتوي على مادة النيترات .

4) تحافظ على صحة الجهاز المناعي للأم ويقيها من الأمراض، وتقوي عظام الأم ويمنح طفلها نمواً سليماً.

5)  تمنع الولادة المبكرة، باعتبارها مصدراً ممتازاً لمادة الفولات الموصى بها للنساء الحوامل والمعروفة بقدرتها على التخفيف من احتمالات حدوث إجهاض أو ولادة مبكرة.

وينصح بعدم الإكثار بأكل السبانخ، لأن ذلك قد يسبب حدوث الرمل والحصوات الكلوية، نظرا لاحتوائها على أملاح كالسيوم، ويمكن تخفيف هذه الأملاح عن طريق عصر الليمون عليها

https://tools.myfooddata.com/nutrition-comparison.php?foods=11457&serv=100g&qty=4

https://paltoday.ps/ar/post/295896/%D8%A8%D8%B9%D8%AF-%D9%85%D8%B9%D8%B1%D9%81%D9%87-%D9%87%D8%B0%D9%87-%D8%A7%D9%84%D9%85%D8%B9%D9%84%D9%88%D9%85%D8%A7%D8%AA-%D9%84%D9%86-%D8%AA%D8%AA%D8%B1%D9%83-%D8%A3%D9%83%D9%84-%D8%A7%D9%84%D8%B3%D8%A8%D8%A7%D9%86%D8%AE

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية

ما يجب على آباء وأمهات أطفال السكري معرفته

سلسلة حوارت مع دكتور برنستين تهم كل أسرة لديها طفل مريض بالسكر من النوع الأول

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية

 

بقسماط كيتو بالشوكولاتة

بقسماط كيتو بالشوكولاتة لذيذ – جربوه وان شاء الله يعجبكم
النوع دة سعراته وكربوهيدراته اقل من بقسماط الكيتو بالكوسة

المقادير

• 500جم بذر كتان
• 3 معالق صغيرة حبة البركة
• 3 معالق صغيرة شمر
• معلقة صغيرة ينسون
• معلقة صغيرة ملح بحري
• 20جم بودرة كاكاو خام
• نصف معلقة صغيرة بيكربونات صوديوم
• 550جم ماء مغلي
• 2 معلقة كبيرة خل

الطريقة

• نطحن بذر الكتان ناعم في مطحنة التوابل مع حبة البركة والشمر والينسون والملح الخشن
• نضيف الكاكاو والبيكربونات ونقلب الكل جيداً
• نضيف الماء المغلي والخل ونقلب حتى تمتزج العجينة جيدا
• نفرش صينية فرن بورقة كتابة وندهنها بفرشة سمن او زبدة سايحة
• نصب العجينة في الصينية ونفردها بسباتيولا او ظهر معلقة
• ندخلها الفرن على درجة 120 مئوية لمدة ساعة
• نخرجها من الفرن ونرفع القالب من اطراف الورقة ونضعه على شبكة تهوية
• بعد ان يبرد نقطعه شرائح

وزن البقسماط بعد ان يبرد: 840 جرام
يكفي 14 قطعة لعدد 14 وجبة – كل قطعة 60 جرام

60.0	الوزن
203.2	سعرات
15.7	دهون
7.2	بروتين
1.4	كربوهيدرات
1.5	تكلفة بالجنيه المصري

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية

بلاش بيكنج باودر

نصيحة صغيرة عالسريع للسيدات والانسات الشطار الفضليات وللرجالة اللى غاويين مطبخ مثلي :

لا تستخدموا بيكنج باودر في مخبوزاتكم

البيكنج باودر مش لوكارب لانها تحتوي على نشا ذرة

الافضل منها سواءاً صحياً او في نتائج الفرن اننا نستعمل بيكربونات الصوديوم مع الخل

.

النسبة بتكون:

معلقة صغيرة بيكربونات تحتاج معها معلقتين كبار خل عشان تعادل قلوية البيكربونات ويحصل تفاعل بينهم فينتج ثاني اكسيد كربون تجعل المخبوزات تعلى في الفرن وتصبح هشة افضل من البيكنج باودر

 

البيكنج باودر بيحتوي على بيكربونات ايضاً – لكن بيضيفولها في الكيس نشا عشان يوقفوا تفاعلها مع المادة الحامضية اللى مضافة اليه

 

وعلى فكرة بيكربونات الصوديوم بيتم استخراجها من وادي النطرون في مصر – أغنى مكان في العالم لترسبات النطرون اللى خدوا الرمز الكيميائي لعنصر الصوديوم منه Na من natron

 

كمان البيكنج باودر لو مش تاريخ انتاجه جديد بيفقد كتير من مفعوله

اما البيكربونات مع الخل فبيبدأ مفعولهم اول ما نخلطهم في الوصفة – كاننا لسة جايبين البيكنج باودر من المصنع في نفس لحظة تصنيعه

آلة حاسبة للوجبات والانسولين

أعزائي السكريين المعتمدين على الانسولين

عشان نضبط سكرنا ويبقى طبيعي ونتجنب أى مضاعفات محتاجين الآتي :

• ميزان مطبخ رقمي
  عشان نوزن أى أكل قبل ما ناكله ونقدر نحسب النشويات اللى فيه
• جهاز منزلي لقياس السكر بالشرايط
  عشان نقيس سكرنا قبل الوجبة وبعدها بساعتين
• نكون بنستخدم نوعين انسولين :
  • انسولين قاعدي بطئ مرة في اليوم
  • وانسولين سريع قبل كل وجبة
    (استخدام انسولين مخلوط مش مناسب وصعب ضبط السكر معاه)
• ناكل بنظام لوكارب – وهو نظام اكل منخفض النشويات والسكريات عالي الدهون – ودة أفضل نظام لضبط مستوى السكر ويساعدك على تقليل جرعاتك لأقل درجة فتوفر فلوسك وصحتك وتتجنب مشاكل كثرة الانسولين اللى منها التعرض للهبوط والسمنة ومقاومة الانسولين
  تفاصيل نظام اللوكارب المفيد جداً لكم تجدونها هنا :
  https://www.facebook.com/SallamCS/posts/839203459759658

النقاط السابقة ضرورية عشان نقدر نستخدم الآلة الحاسبة بطريقة صحيحة
لاننا قبل كل وجبة حنحتاج :

• نوزن اكلنا – وبعدين نسجل وزن كل صنف امام اسمه في الالة الحاسبة اللى حتحسب لك مجموع النشويات في وجبتك بعد جمع نشويات كل الاصناف اللى سجلتها في الوجبة بتاعتك
• وحتحتاج تقيس سكرك قبل الاكل وتسجله أيضاً في الالة الحاسبة
• وتسجل كمان بتاخد كام جرعة انسولين قاعدي وكام جرعة انسولين سريع قبل الفطار والغدا والعشا
• وتسجل قياس السكر اللى عاوز توصل له بعد الاكل بساعتين
  120 رقم معقول – او ممكن تكون عاوزه 100 – حسب رغبتك – كل ما كنت عاوز الرقم أقل كل ما احتجت جرعة أكبر – الالة بتحسب لك لوحدها

بعد كدة الالة الحاسبة حتقوم بعمل الحسابات التالية الخاصة بك شخصياً :

• معامل النشويات
  دة عبارة عن عدد جرامات النشويات اللى جسمك بيقدر يحرقها لما تاخد وحدة واحدة من الانسولين السريع – ودي بتختلف من شخص لآخر – المعتاد ان الجسم بيقدر يحرق من 12 الى 15 جرام نشويات لما ياخد وحدة انسولين سريع واحدة – لكن ممكن تتراوح ما بين 4 و 30 جرام
• معامل حساسية الانسولين
  ودة ايضاً رقم خاص بيك وبتحسبه الالة عشان نقدر نعرف مدى حساسيتك للأنسولين – وبتستخدمه الآلة الحاسبة لحساب جرعة التصحيح
• جرعة التصحيح:
  دي جرعة بناخدها مع جرعة الاكل لو كان سكرنا عالي قبل الاكل – او بناخدها لوحدها من غير أكل لو قسنا سكرنا في أى وقت ولقيناه عالي ومش ناويين ناكل بعدها
• جرعة قبل الأكل + جرعة التصحيح
  ودي اجمالي الجرعة اللي مفروض تاخدها قبل الأكل – محسوبة حسب كمية النشويات اللى سجلتها وحسب قياس سكرك قبل الاكل – يعني داخل فيها أى جرعة تصحيح قد تكون محتاجها قبل الاكل – بحيث باذن الله لما تقيش سكرك بعد الأكل بساعتين تلاقيه زى ما انت عاوزه

قياس السكر بعد الاكل بساعتين :
بعد أخذ جرعة الانسولين السريع وبعد تناول وجبتك قيس سكرك بعد الاكل بساعتين
لو لاحظت انه أقل من قياس السكر اللى انت عاوزه تبقى المرة الجاية قلل الجرعة حاجة بسيطة – نصف وحدة مثلاُ – ولو لاحظت انه أعلي من قياس السكر اللى انت عاوزه تبقى المرة الجاية زود الجرعة حاجة بسيطة – نصف وحدة مثلاُ – ولاحظ المرة الجاية حيتظبط وللا لأ – وبالتجربة ويوم ورا يوم حتقدر ان شاء الله تعرف اذا جسمك بيحتاج اكتر وللا أقل من نتيجة الالة الحاسبة

 

ارمي الملح دة في الزبالة

سبحان الله

الانسان بغباؤه دايماً يتدخل في نعمة ربنا فيفسدها ويحولها من نعمة الى ضرر بالغ

ابسط مثال على كدة الملح

ربنا خلق لنا البحار والمحيطات والبحيرات عامرة بالملح البحري الملئ بالمعادن الضرورية لصحة الانسان .. وللحصل على الملح ما علينا سوى ترك الماء يتبخر تحت أشعة الشمس ليتبقى لنا ملح بحري خام وصحي 100%

بقوم ييجي الانسان يتفزلك ويعمل مصانع لتكرير الملح

(وخدوا بالكوا أى منتج مكتوب عليه مكرر تعرفوا على طول انه منزوع الفوائد) فيتحول الملح الى سم يصيبنا بالضغط وكثير من الامراض

 

اسيبكم تفرأوا تفاصيل مرعبة عن ملح الطعام اللى اغلبكم للأسف بيستخدمه من زمان وليه لازم تقوموا دلوقتي ترموه في سلة القمامة :

 

 

 

يعتبر ملح الطعام ضرورة من ضرورات الحياة، حيث يشكل جزءاً من مادة البروتوبلازما الحيوية في خلايا الكائنات الحية، كما أن وجوده لازم بكمية معينة، في جميع السوائل الداخلية الحيوية لاستمرار الحياة، حتى إذا انخفضت الكمية اللازمة للجسم أو أوشكت، جاء الإنذار ينادي بتدارك هذا الخطر لتزويد الجسم بهذا العنصر.

 

الملح موجود في الطبيعة بمناجمه الخاصة، لكنه يوجد أيضا في اللحوم والأسماك واللبن والخضراوات وفي الخبز المحتوي على الملح بحسب الطرق المتبعة في صنعه، ويحتاج الإنسان البالغ يوميا إلى حوالي عشر جرامات أو أكثر من ملح الطعام، وهي كمية قد يفقدها الجسم بالإفرازات العرقية خلال ثلاث ساعات أثناء بذل المجهود الشاق وتحت أشعة الشمس، لذلك يجب الانتباه بتزويد الجسم بالكمية اللازمة وتناول كمية إضافية حين التعرض للأعمال المجهدة والطقس الحار.

 

 

 

خطر وأضرار

 

 

 

 

لتدارك ما يفقده الجسم بسبب هذه الإفرازات المحتوية على مادة الملح، وعلى الرغم من هذا ألا أن الزيادة في نسبة الملح قد تؤدى إلى أضرار صحية كثيرة، غير أن هناك عناصر ضرورية في الأملاح، حيث تعرف الفيتامينات والمعادن على أنها العناصر الغذائية الدقيقة، فعلى الرغم من أن جسم الإنسان يحتاجه بكميات محدودة إذا ما قورنت بكميات البروتينات والدهون والكربوهيدرات، إلا أنها تعد أساسية للتغذية المتوازنة، كونها تحافظ على الجسم وتساعده على أداء وظائفه بطريقة حيوية ونشطة، ويؤدي نقصها إلى مشاكل صحية قصيرة.

وعادة يمنع الأطباء مرضاهم من تناول ملح الطعام لوجود معدن الصوديوم فيه، وما ينطبق على ملح الطعام ينطبق على كل مادة يوجد فيها هذا المعدن مثل (ثاني كربونات الصوديوم، وكبريتات الصوديوم المسهل، وساليسيلات الصوديوم)، والخبز المحتوي على الملح، ?كما أن التهاب وتصلب البنكرياس قد يكون بسبب الإفراط في تناول الملح والسكر الصناعي، إلى جانب الإصابات المبكرة في تصلب الشرايين (ارتفاع ضغط الدم) والشيخوخة المبكرة سببها الإفراط بتناول الملح. ?والعديد من علماء التغذية يعتقدون بأن الإفراط في تناول الملح يحدث التصلب والخمول، كما أن المخ والعضلات والعيون، وغيرها تفقد مرونتها، وتصبح عرضة للتكلس بسبب ذلك، حيث قالت دراسة طبية إن تخفيض‏ ‏الكميات التي يستهلكها البريطانيون من ملح الطعام في غذائهم بصورة جذرية، قد تؤدي‏ إلى إنقاذ نحو 52 ألف شخص سنويا في بريطانيا ممن يموتون بسبب الإصابة بنوبات ‏ ‏قلبية حادة أو أمراض أخرى متعلقة بالقلب.

مخاطر «المكرر»

تعتبر الإضافة المعتادة للملح إلى الطعام كافية لتعويض الملح الذي يفقد عن طريق التعرق، ولكن يجب الانتباه لنوعية الملح الذي يضاف إلى الطعام، فالملح الناعم المكرر الذي يباع في عبوات صغيرة في البقالات ليس هو الخيار الأفضل لأن عمليات تصنيعه تؤثر عليه، حيث يتم تجفيفه بدرجات حرارة تصل 1200 درجة فهرنهايتية، ويتعرض للحرارة أيضاً عند طحنه، وهذه الدرجات العالية من الحرارة تغير من التركيب الكيميائي للملح، وتجعل من الصعب على الجسم تقبله والاستفادة منه، كما يتم تكريره وتبييضه مما يجعله يتألف من كلوريد الصوديوم فقط، ويزيل معظم المعادن الضئيلة المهمة للصحة منه، مما يؤدي إلى كونه مادة كيميائية ميتة، ومحاولة الجسم تمثيل هذه المادة الميتة يؤثر على كثير من العمليات في الجسم مثل توازن السوائل في الجسم وعمليات التخلص من الفضلات، ولزيادة الأمر سوءاً نجد أن عمليات تكرير وتصنيع الملح تضيف إلى الملح عدداً من الإضافات والمواد الكيميائية مثل:

?? عوامل مانعة من التكتل لمنع بلورات الملح من الالتصاق مثل البوتاسيوم أو صوديوم ساينيد الحديد بمعدل 5 إلى 15 جزءاً في المليون.

?? عوامل تساعد على انسياب الملح وتوفر تغطية وتطرية لحبيبات الملح وفي الوقت نفسه تمتص أي رطوبة يتعرض لها الملح بعد تعليبه مثل كربونات المغنيزيوم وسيليكات الكالسيوم وفوسفات الكالسيوم الثلاثي بمعدل واحد إلى اثنين بالمئة.

?? إضافات يود لمنع الإصابة بنقص اليود مثل يوديد البوتاسيوم.

 

 

 

تصنيع الملح

 

 

 

بسبب استمرار استعمال الملح المكرر برزت الكثير من المشاكل الصحية مثل ارتفاع الضغط، والتي ارتبطت بالملح من دون الانتباه إلى أن المشكلة تكمن في تكرير الملح وليس في الملح نفسه! وهذه المعلومات يؤكدها الدكتور دي لانجر الحاصل على الدكتوراه في الكيمياء الحيوية، والذي درس تأثير الملح على الصحة على مدى ثلاثين عاماً، ويعتبر الملح المكرر ساماً للصحة، ويوصي الدكتور (دي لانجر) باستعمال الملح النقي غير المكرر، ويفضل الملح البحري غير المكرر، للبعد عن احتمالات الإصابة بضغط الدم وأمراض القلب، والكثير غيرها من المشاكل الصحية. ?وعلى الرغم مما يبدو من عدم نظافة الملح الطبيعي غير المكرر ووجود الشوائب فيه، فطبيعة الملح وكونه مادة حافظة طبيعية يجعله مع وجود الشوائب فيه أقل ضرراً من الملح المكرر الناصع البياض، وأفضل حل هو شراء ملح طبيعي غير مكرر وجعله ناعماً بواسطة دقه بالهاون ثم وضعه مع بضع حبيبات من الأرز غير المطبوخ داخل حاوية لاستخدامه لاحقاً، فحبيبات الأرز تعمل على امتصاص الرطوبة التي تؤدي إلى تكتل الملح.

 

 

 

 

بدائل الملح ليست أقل خطرا

 

 

 

 

الصوديوم والبوتاسيوم هما من عائلة كيميائية واحدة، وهذا الشبه يجعل كلوريد الصوديوم قريبا جدا في الحجم والشكل والترتيب الكيميائي لكي ينبه البراعم الذوقية المصممة لكلوريد الصوديوم، ولكون كلوريد البوتاسيوم لا يتناسب تماما مع هذا الأمر فهو ليس مالحا كملح الطعام، كما أن له مذاقاً مراً لاحقاً، لا سيما لدى تسخينه. وتزعم بعض الشركات أنها حيدت، أو حجبت هذا المذاق الجانبي عن طريق إضافة (ل/لايسن)، وهو الحامض الأميني الشائع. وبعض البدائل التي أساسها البوتاسيوم هي من الملح الخفيف، وهذه تقوم بالحلول محل نصف ملح المائدة عن طريق كلوريد البوتاسيوم، والأنواع الخالية تماما من الصوديوم تحتوي فقط على كلوريد البوتاسيوم، والبدائل من الملح التي أساسها البوتاسيوم هي سيف ذو حدين، وأغلبية الأميركيين يتناولون قليلا من البوتاسيوم، لكن زيادته قد تقي من النوبات القلبية وضغط الدم العالي ومشاكل عدم انتظام ضربات القلب، ومشاكل الكلى وحتى مرض ترقق العظام. لكن تناول كميات كبيرة منه قد يشكل خطرا على الأشخاص الذين يواجهون صعوبة في طرح الزائد منه، أو الذين يتناولون العقاقير الطبية التي قد تزيد من مستويات البوتاسيوم في مجرى الدم.

 

 

 

 

بدائل من التوابل والأعشاب

 

 

 

 

يقترح خبراء الصحة والتغذية أن بدلاً من تجربة تقليد طعم الملح على المرء أن يحاول تعزيز المذاق بشيء مختلف تماما عن طريق استخدام التوابل والبهارات والأعشاب المطيبة والمطعمات الأخرى التي هي أكثر أمانا ومذاقا وصحة من البدائل الأخرى، وفي هذا السياق تقدم الأعشاب والتوابل عالماً من النكهات المختلفة التي لا يستطيع الملح مجاراتها، وثمة دلائل متزايدة بأن هذه المواد الموجودة في الأعشاب والتوابل من شأنها مكافحة السرطان وأمراض القلب والسكري والأمراض الأخرى المزمنة، (فقد حان الوقت لإظهار الهرم الغذائي المغطى بالأعشاب والتوابل)، كما يذكر «جون ميلنر» رئيس مجموعة أبحاث علوم التغذية في المعهد القومي للسرطان بالولايات المتحدة الأميركية، لمجموعة من خبراء التغذية في المنتدى الذي أقامته جامعة تفتس في العام الحالي. وبالنسبة لمحبي الطبخ والمغامرين في المطبخ فعليهم تجريب إضافة المزيد من الثوم والأوريغانو والفلفل والمريمية والطرخون والكركم والقرفة والأعشاب والتوابل الأخرى، ومن لا يمتلكون هذه العناصر في مطبخهم، فإن هناك خليطاً جاهزاً منها في أغلبية محلات البقالة التي تستطيع القيام بالمهمة على أفضل وجه، وعلى الراغبين في تحضير وجبات غنية بها، فإن شبكة الإنترنت ملأى أيضاً بالعديد من وصفاتها المعززة بالليمون الحامض والخل اللذين يغنيان عن الملح.

 

 

 

 

التعود على غياب الملح

 

 

 

 

 

طعم الملح، زيادة أو نقصاناً، هو من النوع المكتسب الذي يمكن الاعتياد عليه مع الوقت، لذا يمكن تدريب المذاق عليه وإنقاص كميته على حساب زيادة حامض الليمون والفلفل والخل والأعشاب والتوابل والمطعمات الأخرى الخالية من الصوديوم، ومع الوقت قد يكتشف المرء الطعم الحقيقي للطعام ومذاقه الغني بهذه المطيبات، وإذا كانت تنقصه الخبرة في كيفية استخدام البدائل، فهناك العديد من كتب الطبخ والمجلات والمواقع الإلكترونية التي تعلمه ذلك من دون شك.

 

المصدر

https://www.alittihad.ae/article/43277/2011/%D8%A8%D8%AF%D8%A7%D8%A6%D9%84-%D8%A7%D9%84%D9%85%D9%84%D8%AD-%D8%AD%D9%84%D9%88%D9%84-%D9%84%D9%85%D9%83%D8%A7%D9%81%D8%AD%D8%A9-%D8%B6%D8%BA%D8%B7-%D8%A7%D9%84%D8%AF%D9%85-%D8%A7%D9%84%D9%85%D8%B1%D8%AA%D9%81%D8%B9

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية