ماهو سبب نحافة مريض السكر؟

ماهو سبب نحافة مريض السكر؟

دة سؤال يطول شرحه لكن ساحاول الاختصار..

يوجد نوعين من من النحافة:

مريض سكر طول عمره نحيف

ومريض سكر كان وزنه زايد لكن بسبب السكر اصبح نحيف

لو حد نحيف أصلا وجاله سكر.. على طول نشك في احتمال ان يكون عنده خلل مناعي جعل جسمه يكون اجسام مضادة تهاجم خلايا بيتا المنتجة للانسولين وتقتلها

وعشان نتأكد بنطلب منه عمل تحليل اجسام مضادة وتحليل سي بيبتايد صايم

اما لو شخص بدين وبسبب السكر اصبح نحيف فدي علامة متأخرة معناها ان جسمه لم يعد قادر على افراز انسولين كافي

لان الانسولين ليس فقط هرمون وظيفته حرق سكر الدم لكن ايضا الانسولين مادة بناء.. طول الوقت بيخزن الفائض من نشوياتنا وسكرياتنا الى دهون

ولو الانسولين افراز الجسم له قل بيضطر الجسم ياكل بعضه ويتحول الى حالة هدم catabolic state فنفقد وزننا بطريقة ملحوظة في وقت قصير

افراز الانسولين بيقل في جسمنا لاسباب مختلفة:

لو دكتور كتب لنا اقراص محفزة للبنكرياس واستمرينا عليها سنين ومدش نبهنا انها بتسبب ارهاق ثم تلف وموت خلايا بيتا المنتجة للانسولين

او لو بناكل نشويات وسكريات ليل ونهار وبنسهر وناكل متأخر وفاتحين على الرابع وحياتنا خالية من الرياضة والحركة قاعدين بس ناكل امام الشاشات

في اغلب الحالات الحل بيكون هو الانسولين.. لضبط سكر الدم وايضا لاعادة وزننا لرقم طبيعي

النحافة بتكون مقلقة لو مؤشر كتلة الجسم اقل من 18.5

غير كدة توجد طرق اخرى لعلاج النحافة:

https://my2cents.gawaher.com/24206

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية

2- اضرار ادوية السكر - والبديل المثالي

اى علاج محفز للبنكرياس خطأ فادح

ليه؟

لازم حضرتك تعرف ان مريض السكر النوع 2 مشكلته ان خلايا الجسم مش راضية تفتح لاستقبال الانسولين اللي جايب لها الجلوكوز

ايه الجلوكوز دة؟

اى نشويات بناكلها زى الخبز والرز مثلا بتتحول في الامعاء الى جلوكوز في الدم

الجلوكوز محتاجاه خلايا جسمنا لتوليد الطاقة اللازمة للحياة..

بس الجلوكوز محتاج يركب مواصلة عشان يروح لكل خلايا الجسم.. المواصلة دي هى الانسولين اللي البنكرياس بتاعنا بيفرزه اول ما يستشعر وجود جلوكوز في الدم

مهمة الانسولين توصيل جلوكوز الدم الى داخل خلايا جسمنا

لكن عند مريض سكر 2 الخلايا مش راضية تفتح للانسولين اللي جايب لها الجلوكوز

ليه؟

 لانها امتلأت دهون من كتر ما بناكل نشويات وسكريات بتتحول الى دهون تتخزن في خلايا جسمنا

طب وبعدين؟

بيضطر البنكرياس انه يفرز كميات اكبر من الانسولين عشان يحاول اتمام المهمة

وطبعا دة ارهاق لخلايا بيتا المنتجة للانسولين في بنكرياسنا وبيقصر عمرها

 ليه بيقصر عمرها؟

لان كل واحد مننا عنده رصيد من خلايا بيتا مسئولة عن افراز الانسولين من البنكرياس ..زى رصيد البنك كدة.. كل ما ناكل نشويات وسكريات بنسحب من رصيدنا.. بس للأسف الرصيد دة بيقبل عمليات السحب فقط.. لا يقبل ايداع!.. هو الرصيد اللي اتولدنا بيه فقط

 خلايا بيتا دي كل ما نجهدها اكتر عمرها بيقصر وعددها بيقل.. والرصيد يقل

نجهدها ازى؟

يا اما عن طريق تناول النشويات والسكريات بكثرة على مدى سنين وعادات السهر والاكل المتأخر

او عن طريق دكاترة جهابذة يكتبوا لك الادوية المحفزة للبنكرياس واللي بتعصره وتجبره يفرز انسولين اكتر من قدرته الطبيعية في الوقت اللي البنكرياس اصلا تعبان وعمال يفرز اضعاف المعدل الطبيعي عشان يحاول يدخل الجلوكوز في خلايا مكتظة بالدهون ومبقاش فيها مكان خلاص لاستقبال لا الانسولين ولا الجلوكوز

يعني احنا كدة بالادوية دي بنضر البنكرياس؟

مش بس بنضره.. احنا بنموت خلايا بيتا بايدينا.. ومع الوقت البنكرياس حيوصل لفشل كامل ونضطر نعتمد على انسولين خارجي باقي حياتنا

دة غير ان اللعب في هرمونات الجسم فكرة غبية جداً.. لاننا مينفعش نعدل على ربنا.. والنتايج بتكون كارثية وممكن تؤدي للاصابة بفشل كلوى او سرطان في الغدة الدرقية او الكبد او المرارة على حسب نوع الهرمونات اللي الدوا بتاعنا بيلعب فيها

طب والحل ايه؟

الحل ببساطة اننا نوقف سبب المشكلة من جذورها

هى المشكلة ايه؟

المشكلة هى ان مريض السكر جسمه اصبح غير قادر على التعامل مع النشويات

فالحل بكل بساطة اننا نوقف النشويات والسكريات

بكدة مش محتاجين انسولين كتير

وحنريح البنكرياس

وفي غياب النشويات حيبدأ جسمنا يحرق الدهون المخزنة في خلايا جسمنا من اجل الحصول على الطاقة بدلا من الجلوكوز

وبكدة حنبدأ نفقد الدهون اللي حاشية الخلايا فيرجع فيها مساحة لاستقبال الجلوكوز اللي جايبهولها الانسولين.. فلا يضطر البنكرياس انه يفرز اضعاف كمية الانسولين اللي بيفرزها دلوقتي

طب لو منعت الخبز والرز وباقي النشويات والسكريات كدة مفيش ضرر؟

لأ طبعا فيه اضرار كتير

زى ايه؟

أولا طبيبك مكاسبه حتقل لانك مش حتحتاج تروح له تاني.. ولو كل مرضى السكر 2 عملوا زيك تخيل النتيجة على دخل الطبيب

ثانياً: شركات الادوية حتفلس لانك حتبطل تشتري الادوية اللي كل شوية يطلعوها باسعار اغلى كل يوم واللي بتحقق لهم مليارات

ثالثاً: اطباء تخصصات كتير حيتأثروا (قلب.. مخ واعصاب.. عيون.. كلى.. كبد.. قدم سكري) لانك باذن الله مش حتعاني من مضاعفات السكر طول ما انت  مانع الخبز والرز وباقي النشويات والسكريات

يعني ماخدش أى اقراص سكر ؟ طب ايه البديل؟

البديل المثالي هو باتباع النظام الصحي لضبط السكر بدون ادوية: https://my2cents.gawaher.com/24203

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية

4- اعتلال الاعصاب الطرفية سبب التنميل والشكشكة والحرقان

دي مبادئ اعتلال اعصاب طرفية..
أهم شئ نضبط سكرنا في حدود 100 قبل الفطار و120 بعد الاكل من خلال منع الخبز بكل انواعه والرز وباقي النشويات والسكريات والصيام والمشى والرياضة والنوم مبكرا
وناكل فقط من قائمة الطعام اليومي للسكريين: https://www.facebook.com/SallamCS/posts/1394830004196998
ناكل سردين معلب ياريت كل يوم
وناكل اى نوع كبدة اسبوعيا عشان ب12..
ونعمل شوربة عضم بقر او كوارع او ارجل دجاج..
وناخد قرص (Vino) ب12 1000mcg subligual تحت اللسان
وقرص ثيوتاسيد مركب 600 (الفا ليبويك اسيد + فيتامين ب1 وب12) على معدة فاضية كل 12 ساعة
وناخد ابيماج سترات مغنسيوم فوار كيس على كوب ماء قبل النوم
وقرص فيتامين د اوسوفورتين 10 الاف وحدة يوميا
وناخد معلقة خل تفاح على كوب ماء على الريق.. التفاصيل هنا:
https://www.facebook.com/SallamCS/posts/1460914720921859

ميتفورمين فوائده وكيف تعرف ما يناسبك من تركيزاته وانواعه

امبارح اتكلمنا عن شركات الادوية اللي كل يوم تطلع لنا بفنكوش جديد لعلاج السكر..

• كل ادوية علاج السكر ضارة ما عدا ميتفورمين

ادوية كلها ضارة بلا استثناء (واخد بالك من بلا استثناء دي؟ يعني بلاش حد يسألني بقى من فضلكم.. كل ادوية السكر ضارة بلا استثناء الا مادة واحدة فقط : ميتفورمين)

وقلنا ان ميتفورمين محتاجين نعرف عنه معلومات اكتر شوية

النهاردة حاوضح لكم باختصار وكلمات مبسطة:

فوائد الميتفورمين للجسم

الجرعة المناسبة كام لحضرتك

وانواع الميتفورمين وايه النوع اللي يناسبك

ميتفورمين اقراص بتسمى منظم السكر

بتقوم بادوار رائعة في الجسم اهمها 3 حاجات:

♥ بتقلل من امتصاص النشويات والسكريات من الامعاء.. وبالتالي تساعد في خفض سكر الدم وفي نفس الوقت تساعد في خفض الوزن

♥ بتقلل من تاثير هرمون الجلوكاجون اللي بيفرزه البنكرياس على الكبد وبالتالي تقل عملية تحويل الجلوكوز (المخزن في الكبد على شكل جلايكوجين) الى جلوكوز مرة اخرى.. وبالتالي يقل سكر الدم الصايم

♥ بتحسن حساسية خلايا جسمنا للانسولين يعني بتقلل مقاومة الانسولين من خلال جعل عضلات الجسم تستهلك جلوكوز اكثر

وهى اقراص آمنة لانها لا ترهق البنكرياس ولا تعصره وتجبره على افراز انسولين كما تفعل الادوية الضارة الاخرى

♥ يتوافر الميتفورمين بتركيزات مختلفة:

500

750

850

1000

طبيبك بيوصف لك الجرعة المناسبة لحالتك وبيحدد لك عدد الاقراص اليومية

لكن بصفة عامة مفروض دايما نبدأ باقل جرعة 500 في اليوم

ليه؟

عشان مادة الميتفورمين بتعمل في البداية شوية تعب في المعدة على ما الجسم يتعود عليها

وبعد اسبوع ممكن نزود الجرعة بالتدريج

طيب الحد الاقصى كام؟

الحد الاقصى 2450 في اليوم يعني 3 اقراص تركيز 850

او قرصين تركيز 1000

♥ طيب هل الميتفورمين نوع واحد؟

لأ نوعين

نوع عادي مفعوله بيستمر ساعتين

ونوع ممتد المفعول بيستمر 12 ساعة وبتميز بانه سهل على المعدة

طيب ايه اللي يناسبني؟

لو حضرتك سكرك بعد بساعتين بيكون عالي فانت محتاج النوع العادي مع بداية كل وجبة

اما لو سكرك صايم الصبح قبل الفطار عالي فانت محتاج انسولين ممتد المفعول قبل النوم ملوش علاقة بالاكل

♥ فاضل نعرف ملحوظة مهمة وهى ان الميتفورمين رغم انه آمن لكن بيسبب مع الوقت مشكلة وهى انه بيقلل من امتصاص الجسم لفيتامين ب12 وطبعا احنا عارفين ان ب12 مهم للأعصاب

عشان كدة من الافضل عدم الاستمرار على الميتفورمين الا لفترة شهور الى ان يصل سكرنا لأقل من 100 صايم و120 بعد الاكل بساعتين

ولو احتجنا نستمر عليه اكثر لازم ناخد فيتامين ب12 وأفضل نوع هو اقراص تحت اللسان مثل دلتافيت 1000 sublingual افضل من الحقن واقراص البلع لان تحت اللسان بتمتصه الشعيرات الدموية ويدخل مباشرة لمجرى الدم دون المرور على الجهاز الهضمي وبدون تعقيدات حقن ب12 وسرنجاتها ولسعتها المعروفة

♥ نتكلم بقى على اسماء الادوية اللي فيها مادة الميتفورمين

طبعا مهم جدا منشتريش اى دواء فيه مادة مضافة للميتفورمين

الاسماء التجارية متهمناش في حاجة.. تهم فقط شركات الادوية لاغراض ربحية مادية بحتة

وانا اتمنى يتعمل قانون يمنع استخدام الاسماء التجارية وتصبح كل الادوية اسمها هو اسم المادة الفعالة بدون لف ولا دوران.. او على الاقل تكون المادة الفعالة هى الاسم الكبير على العلبة اما الاسم التجاري فيكون بخط صغير تحتها حتى يكون المريض على وعى تام بما يتناول من مواد فعالة

كل بلد فيها اسماء مختلفة عن باقي البلدان

لكن عموما الاسم التجاري الاشهر هو جلوكوفاج لانه موجود في كل بلاد العالم تقريبا

لكن هناك مئات الاسماء الاخرى

مثلا في مصر يوجد جلوكوفاج وماكسوفاج وسيدوفاج

بغض النظر عن الاسم التجاري اللي لا يفيدنا في شئ.. ما يهمنا هو المادة الفعالة

عايزين نتعود دايما مناخدش باسم الدوا التجاري المكتوب على العلبة بخط كبير.. لا

نقرأ السطر اللي تحته المكتوب بخط صغير

هى دي المادة الفعالة

لو قريت حاجة تانية مع ميتفورمين اوعى تشتريه

ولو لقيت رقمين يعني مثلا 1000/50 او 850/5 اوعى تشتريه

وكمان حتعرف من السعر

ميتفورمين بيكون بيبدأ من 11 جنيه واغلى حاجة المستورد طويل المفعول ب60 جنيه

اما الاقراص اللي ب100 او 150 واكتر فكل دة ابعد عنه تماما

الفركتوز اخطر من الجلوكوز

يتسبب الفركتوز في تلف الخلايا بمقدار سبعة أضعاف ما يسببه الجلوكوز ، لأنه يلتصق بالبروتينات مسببا تسكرها أسرع بسبع مرات من الجلوكوز ويطلق 100 ضعف عدد الشوارد الحرة من جذور الأكسجين (مثل بيروكسيد الهيدروجين ، الذي يقتل كل شيء حوله)

تم ربط الاستهلاك المفرط للفركتوز بمقاومة الأنسولين والسمنة ومرض الكبد غير الكحولي. تشير الدراسات إلى أنه يؤدي إلى زيادة الدهون في البطن ، وهو ما يرتبط بزيادة مخاطر الإصابة بأمراض القلب والسكري. يؤدي الفركتوز أيضًا إلى ارتفاع نسبة الكوليسترول في الدم. تشير الدراسات إلى أن الفركتوز يقلل النشاط في مناطق التحكم القشرية في الدماغ. يمكن أن تكون كمية الجلوكوز الزائدة في الدم قاتلة. ومع ذلك ، يحدث هذا فقط عند مرضى السكري عندما لا يطلق البنكرياس ما يكفي من الأنسولين في مجرى الدم. معظم الدهون المكتسبة من الإفراط في تناول الجلوكوز تكون تحت الجلد ، أو تحت الجلد ، وهي غير مرتبطة بأمراض القلب أو السكري. لا يرتبط الجلوكوز بمقاومة الأنسولين أو ارتفاع نسبة الكوليسترول في الدم. تشير الدراسات إلى أن استهلاك الجلوكوز يرفع بشكل كبير من مستوى النشاط في الدماغ. في دراسة حديثة أجراها لين MD في كلية الطب بجامعة جونز هوبكنز في بالتيمور ، كشفت الولايات المتحدة أن: الفركتوز يزيد من تناول الطعام بينما يقلل الجلوكوز من تناول الطعام. وذلك لأن الجلوكوز يؤدي إلى زيادة في ATP تحت المهاد مما يؤدي إلى قمع تناول الطعام. في حين أن الفركتوز يتطلب إنزيمًا يتطلب ATP ، مما يؤدي إلى استنفاد ATP مما يؤدي إلى زيادة تناول الطعام. يوازي ارتفاع استهلاك المحليات عالية الفركتوز والمشروبات الغازية وشراب الذرة ارتفاع وباء السمنة. تعزز الأنظمة الغذائية عالية الفركتوز مقاومة الأنسولين وعدم تحمل الجلوكوز مما يزيد من معدل تكوين الكبد الدهني.

https://www.diffen.com/difference/Fructose_vs_Glucose

أظهرت إحدى الدراسات أن تناول

اجريت تجربة على اشخاص بدينين تم تقسيمهم الى مجموعتين

المجموعة الاولى كانت تشرب مشروبات محلاه بالفركتوز

والمجموعة الثانية كانت تشرب مشروبات محلاه بالجلوكوز

وبعد 10 اسابيع وجدوا ان تناول المشروبات المحلاة بالفركتوز ولكن ليس بالجلوكوز خلال فترة 10 أسابيع أدى إلى تراكم الدهون في الكبد ، وزيادة مستويات الدهون في الدم فوق المستويات الطبيعية ، وتقليل حساسية الشخص للأنسولين ، وأدى إلى زيادة الدهون الحشوية في منطقة البطن.

في المقابل ، أدى الجلوكوز إلى ترسب الدهون في الأنسجة تحت الجلد.

يؤدي الفركتوز إلى تخليق دهون جديدة حتى عندما يتم تناوله بكميات تتناسب مع إجمالي الطاقة الموصى بها.

https://www.news-medical.net/health/Whats-the-Difference-Between-Fructose-and-Glucose.aspx

أظهر المشاركون في الدراسة الذين يعانون من زيادة الوزن أدلة أكثر على مقاومة الأنسولين وعوامل الخطر الأخرى لأمراض القلب والسكري عندما جاء 25 ٪ من السعرات الحرارية من المشروبات المحلاة بالفركتوز مقارنة بالمشروبات المحلاة بالجلوكوز.

اكتسبت المجموعتان وزنًا خلال الدراسة التي استمرت 10 أسابيع ، لكن مجموعة الفركتوز اكتسبت المزيد من دهون البطن الخطرة التي ارتبطت بزيادة خطر الإصابة بالنوبات القلبية والسكتة الدماغية والسكري.

أظهرت الدراسة اختلافات واضحة في كيفية استقلاب الجسم للفركتوز والجلوكوز ، كما أخبر باحث التغذية والباحث الرئيسي بيتر ج.

https://www.webmd.com/heart/metabolic-syndrome/news/20090421/fresh-take-on-fructose-vs-glucose

الفركتوز هو السكر الوحيد الذي يتم تخزينه مباشرة في الخلايا الدهنية ، مما يساهم في ارتفاع نسبة الدهون الثلاثية. هذه مشكلة كبيرة وتنطبق بشكل خاص على مركبات الكربون الهيدروفلورية في المشروبات الغازية.  يتم تحويل السعرات الحرارية من الفركتوز الى دهون بما يعادل 40 ضعف مقارنة بما يتم تحويله سعرات الجلوكوز.. مش بس كدة.. دة كمان الدهون الناتجة عن تناول الفركتوز يتم تخرينها في منطقة البطن على شكل دهون حشوية وهى الدهون اللي بتحيط بالكبد والبنكرياس والقلب وتعيق نشاطهم.. بينما الدهون المخزنة من الجلوكوز بيتم تخرينها تحت الجلد.

الخلاصة ان فركتوز الفاكهة بالرغم من انها لا يرفع سكر الدم.. لكن اضرارها اخطر بكتير من الجلوكوز

فلو عايز تقلل مقاومة الانسولين والكبد الدهني والدهون الثلاثية وضغط الدم المرتفع والوزن الزائد والكرش والجوع المتكرر.. معلش.. بلاش فاكهة.. وبلاش مشروبات غازية ولا عصاير

https://my2cents.gawaher.com/24265

5- السكر التراكمي

س: ايه اسرع حاجة تخفض السكر التراكمي؟

ج: فكر الاول في اللي بتقوله

سكر تراكمي.. واخد بالك؟.. تراكمي

كلمة تراكمي معناها ايه؟

معناها قياسات سكرك المتراكمة طوال ال24 ساعة لمدة 3 شهور

يعني لو حسبناها:

الساعة 60 دقيقة

واليوم 24 ساعة

يعني 60 × 24 = 1440 دقيقة

في 3 شهور يعني:

1440 × 90 = 129600 دقيقة

السكر التراكمي هو متوسط 129600 قياس كل دقيقة لمدة 3 شهور

وبما انه متوسط اذن عشان التراكمي ينزل محتاجين نضبط سكرنا ليل ونهار واحنا نايمين واحنا صاحيين واحنا صايمين واحنا واكلين كل يوم وكل ساعة وكل دقيقة لمدة 3 شهور

الخلاصة ان مفيش حاجة سريعة تنزل السكر التراكمي

الحل الوحيد هو ضبط السكر اليومي صايم وفاطر والانتظار 3 شهور لنرى تحسن في النتيجة

س: طيب ازاى نضبط السكر طول الوقت ؟ دي حاجة صعبة قوي

ج: بالعكس دي في منتهى السهولة

اتبع النظام الصحي لضبط السكر بدون ادوية: https://my2cents.gawaher.com/24203

علاج النحافة

علاج النحافة اننا نزود السعرات الحرارية من البروتين والدهون الصحية

ناكل اسماك كتير خصوصا الاسماك الدهنية سردين ماكريل تونة سلمون.. وكوارع وشوربة عضم .. وبعض المكسرات واللب السوري واللب الابيض.. ودهون صحية زبدة وسمن بلدي

ونلعب رياضة مقاومة لزيادة الكتلة العضلية.. نقدر نلعب في البيت من خلال استك مقاومة يباع في محلات الادوات الرياضية

او ممكن نعلب رياضة مقاومة من خلال وزن الجسم نفسه بدون حاجة لأى ادوات خاصة

تمارين وزن الجسم واستك المقاومة:

https://my2cents.gawaher.com/24189

طب لو عملنا كل دة وبرضه وزkنا مش بيزيد او بيقل اكتر؟

مهم ناخد بالنا ان الانسولين دوره ليس فقط حرق سكر الدم وانما هو ايضا مادة بناء.. بيحول اى نشويات زائدة عن حاجة الجسم الى دهون يخزنها في خلايا جسمنا.. فلو البتكرياس مش بيفرز انسولين كافي وزننا مش حيزيد.. بالعكس حيقل عشان الجسم حيضطر يحرق دهون الجسم المخزنة للحصول على حاجته من الطاقة

لذلك اول خطوة عشان نحدد اذا كانت النحافة مقلقة ام لا محتاجين نعرف الطول والوزن كام؟ اذا كان #مؤشر_كتلة_جسمك من 18.5 الى 25  فوزنك طبيعي وزى الفل. اقل من كدة نبدا نقلق. لو بقالنا مدة طويلة بناخد اقراص محفزة للبنكرياس ودي للأسف بتقلل من عمر خلايا بيتا المنتجة للانسولين.. في الحالة دي نعمل تحليل سي بيبتايد عشان نطمن على كفاءة البنكرياس (لان الانسولين مادة بناء فاذا كان اقل من اللازم يبدأ الجسم ياكل في نفسه) لو النسبة قليلة يبقى محتاجين انسولين عشان نوقف فقد الوزن ويبدأ وزننا يزيد. اما لو مكناش بناخد اقراص محفزة او لسة مكتشفين ان عندنا سكر لما فقدنا وزننا بدون قصد يبقى نعمل تحليل اجسام مضادة GAD اذا كان ايجابي يبقى سكرنا من نوع لادا (شبيه بالنوع الاول لكن يصيب البالغين في العشرينات فما فوق وفقدان خلايا بيتا فيه يكون بمعدل أبطأ من النوع الاول الخاص بالاطفال) وفي الحالة دي ايضاً نبدأ ناخد انسولين.

أما لو البنكرياس كفاءته كويسة لكن برضه بنخس فممكن يكون سبب تاني غير السكر.. الفاصيل هنا:

https://mawdoo3.com/%D8%A3%D8%B3%D8%A8%D8%A7%D8%A8_%D8%B9%D8%AF%D9%85_%D8%B2%D9%8A%D8%A7%D8%AF%D8%A9_%D8%A7%D9%84%D9%88%D8%B2%D9%86_%D8%B1%D8%BA%D9%85_%D8%A7%D9%84%D8%A3%D9%83%D9%84#cite_note-rvDxwrEpH5-2

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية

#مؤشر_كتلة_الجسم نقدر نحسبه بنفسنا باننا نقسم وزننا بالكيلو جرام على مربع طولنا بالمتر. او نستخدم الحاسبة التالية: https://my2cents.gawaher.com/22457

1- النظام الصحي لعلاج السكر بدون ادوية

عزيزي السكري

لأن الأمر يتعلق بصحتك وحياتك فالموضوع طويل واستغرق مني سنوات طويلة لاعداده لك من واقع مئات الدراسات العلمية الموثقة.. والمطلوب من حضرتك فقط صبر على قراءته كله بتفاصيله عشان تستفيد مش بس سكرك يتظبط لأ وأيضا صحتك كلها تتبدل للأفضل باذن الله..

إبدأ اولا بقراءة المنشور ككل حتى آخره.. ثم أعد القراءة من جديد وادخل على كل رابط من الروابط المذكورة لمعرفة تفاصيل اكثر

السكر من النوع الثاني ليس مرض

كل ما في الأمر ان جسمك غير قادر على التعامل مع النشويات.. فالحل ببساطة هو وقفها

القياس الطبيعي من 70 الى 100 طول الوقت ما عدا ساعتين بعد الاكل 120 والتراكمي 5

العلاج في الغذاء ولا داعي لأى حبوب سكر (ماعدا منظم السكر – ميتفورمين – نستمر عليه حتى نصل الى الارقام الطبيعية ثم نوقفه) فاضرارهم اكثر من نفعهم لو استمرينا عليهم

لكن مهم نعرف ان حتى الدواء الآمن ميتفورمين تأثيره في العلاج 5% فقط

اما ال95% الباقية فتعتمد على تغيير نمط حياتك

عشان نظبط سكرنا عندنا 5 ادوات نستخدمهم:

♥ [1] ناكل فقط من قائمة الطعام اليومي للسكريين:

https://my2cents.gawaher.com/24201

♥ [2] الصيام المتقطع جزء اساسي في علاج السكر بدون ادوية:

https://my2cents.gawaher.com/24186

♥ [3] محتاجين ضروري نعمل تمارين مقاومة في البيت لان العضلات هى محرقة السكر واسهل طريقة لزيادة الكتلة العضلية وشد الجسم والترهلات عند الجنسين ولجميع الاعمار هى تمارين وزن الجسم.. دي تمارين تناسب الجنسين من جميع الاعمار ومش محتاجة اى ادوات خاصة ولا نشتري اى شئ.. عشان كدة محتاجين تثبيت تطبيق نعمل معاه تمارين وزن الجسم في البيت

اقرأوا عنها هنا:

https://my2cents.gawaher.com/24189

♥ [4] ننام بدري ونصحى الفجر ونبعد تماما عن السهر والاكل متأخر

♥ [5] نبعد عن التوتر والزعل ونملأ حياتنا وبهجة وتفاؤل وايمان بالله ورحمته

اذا وجدنا وقف الخبز صعب ممكن في اول اسبوع نقلل الكمية تدريجيا حتى نصل الى الوقف التام

وبدلاً من الخبز والرز نعمل من ورق الخس سندوتشات لذيذة ومشبعة نحشيها اى بروتين وسلطة وجبنة بالطريقة المشروحة هنا:

https://my2cents.gawaher.com/24191

♥ ونحرص على ان تكون 75% من وجبتنا خضروات طازجة نيئة لم تمسها النار.. حاجات كتير غير تقليدية ممكن ناكلها نية: قرنبيط بروكلي كوسة كرنب باذنجان خرشوف وغيرهم كثير

باﻻضافة للثوم والبصل والجرجير والخس والبقدونس والشبت والكزبرة والخيار والطماطم والفلفل بكل الوانه واشكاله

♥ نداوم على عمل مخللات منزلية بالملح فقط بدون خل.. ناكلها  مع كل وجباتنا.. وخصوصاً كرنب مخلل وزيتون مخلل وخيار مخلل

وتوجد وصفات صحية ولذيذة مناسبة لنا ولا ترفع السكر تجدها بالضغط هنا: #وصفات_كيتو و #خبز_كيتو

♥ وقبل كل وجبة بنصف ساعة نشرب كركديه منقوع على البارد. الطريقة: نطحن اوراق الكركديه الجافة ونحفظها في برطمان. ناخذ منه 4 معالق صغيرة على لتر ماء بارد ونرجه جيدا ونتركه ليلة في الثلاجة. ثم نشرب منه بدلا من الماء قبل الوجبات وبعدها. الكركديه (كجورات) يعيق امتصاص النشويات فيقل سكر الدم. نفس مفعول اقراص جلوكوباى/اكاربوز بدون كيماويات ضارة

♥ ونشرب شاى بدون سكر وسط الوجبات.. فهذا يقلل ايضاً من امتصاص النشويات من الامعاء

https://my2cents.gawaher.com/24193

♥ وناكل كل يوم 50 جرام ترمس مسلوق مفيد جدا للسكريين

وايضا ياريت نواظب على اضافة 50 جرام حلبة مبرعمة لطبق السلطة يوميا

تنبيت الحلبة سهل جدا والطريقة هنا

https://my2cents.gawaher.com/24195

♥ وانصحكم بالمواظبة على أخذ دش بارد حتى في الشتاء لو استخدمت الماء الدافئ احرص على التبديل بين الماء السخن والبارد لمدة دقيقتين لكل منهما وكرر ذلك ٥ مرات على اﻷقل..

الاستحمام بدش بارد فوائده كثيرة جداً للصحة وللسكريين بصفة خاصة:

https://my2cents.gawaher.com/24197

لو بنعاني من النحافة نعمل خبز الطاسة في البيت:

https://my2cents.gawaher.com/24199

وعشان نعرف نسبة مقاومة جسمنا للانسولين نقدر نعمل تحليل سكر صايم في المعمل مع تحليل انسولين صايم من نفس عينة الدم وبعدين النتيجتين نضربهم في بعض وحاصل الضرب نقسمه على 405

او نستخدم حاسبة مقاومة الانسولين:

https://my2cents.gawaher.com/24146

اذا التزمنا بكل ما سبق ومع ذلك لم يحدث تحسن في القياسات نبقى محتاجين #انسولين.. خصوصا لو بنفقد وزن باستمرار واصبح #مؤشر_كتلة_الجسم اقل من 18.5 ربنا يحفظك. مؤشر كتلة جسمنا نقدر نحسبه بطريقة سهلة: الوزن بالكيلو ÷ (الطول بالمتر مضروب في نفسه) او نستخدم الحاسبة التالية: https://my2cents.gawaher.com/22457

دمتم في رعاية الله وحفظه

حاج محمد

جروب علاج السكر بدون ادوية

3- قائمة طعام يومي للسكريين

ناكل ايه عشان سكرنا يتظبط؟

#قائمة_طعام_يومي_للسكريين

الاصناف والكميات التالية ناكلها خلال اليوم.. سواءا مقسمة على 3 وجبات او اقل لو بناكل مرتين فقط او حتى مرة واحدة وهو الافضل صحياً

يعني الافضل نلغي وجبة ونكتفي بوجبتين.. وبالتدريج نأخر الوجبة الاولى ونبدر الوجبة الثانية.. يعني مثلا نفطر متأخر ونتعشى بدري.. الى ان نصل الى وجبة واحدة في اليوم وباقي اليوم ماء ومشروبات بدون سكر ولا حليب

◄نبدأ دائما بالسلطة..

مكونات طبق السلطة:

200جرام خيار (خيارتين وسط)

200جرام طماطم (طماطمايتين وسط)

200جرام كرنب مخلل او خيار مخلل (كوب)

150جرام جرجير (حزمة)

50جرام بقدونس (نصف حزمة)

100جرام فلفل رومي اخضر (واحدة متوسطة)

70جرام زيتون اخضر مخلل (نخليه من البذر)

60جرام بصل (بصلة صغيرة)

150جرام جبنة قريش نفتفتها على السلطة او لبنة (زبادي او لبن رايب مصفى من الشرش اى مصل اللبن)

20جرام ليمون (عصير ليمونة صغيرة)

15جرام خل تفاح (معلقة طعام) او خل ابيض

200جرام خس (ممكن نعمله سندوتشات ملفوفة نحشيها سلطة وبروتين.. او نقطعه ونخلطه مع السلطة)

◄الخضار:

300جم (كوب ونصف)

ننوع كل يوم خضار مختلف:

سبانخ . ملوخية . بامية . فاصوليا خضراء . كوسة . باذنجان (خضار من اى نوع ما عدا البسلة والجزر والبطاطس والقلقاس)

◄البروتين:

3 بيضات بأى طريقة مفضلة

اسماك وافضلهم: السردين

طيور

لحوم

طريقة الطهى: سلق في ماء وملح وتوابل لشرب مرقتها ويمكن بعد ذلك نشوح البروتين في طاسة مع معلقة زبدة او سمن بلدي على نار هادية

◄الدهون:

معلقة زبدة او سمن بلدي نستخدمها مع البيض او لتشويح البروتين او الخضروات

واذا كنا نعاني من النحافة نقدر نزود كمية الدهون في اكلنا

◄ الاعشاب والتوابل:

كل التوابل مسموحة ومفيدة جدا لذلك مهم ان نحرص على اضافتها لطعامنا اليومي.. مثل:

كركم

فلفل اسود

قرفة

كزبرة

حبة البركة

شمر

زعتر

زنجبيل

بابريكا

روزماري

ورق الغار (ورق لورا)

حب الرشاد

حبهان

شطة

صمغ عربي هشاب

الصمع العربي الهشاب بصفة خاصة مفيد جدا لكل اعضاء الجسم ووقاية من مختلف مضاعفات السكر.. وقاية لوظائف الكلى والكبد ووقاية من تصلب الشرايين والقولون العصبي والتقرحي والتهاب المفاصل

معلقة صغيرة نذيبها في كوب ماء نشربه على الريق وقبل نصف ساعة من كل وجباتنا

معلومات تفصيلية عن الصمغ العربي الهشاب تجدونها هنا:

https://my2cents.gawaher.com/24179

◄المشروبات:

شاى بدون سكر نشربه وسط الاكل

او كركديه مطحون منقوع على البارد (اذا كان ضغطك واطي ننقعه في ماء مغلي)

◄التحلية والتسالي:

100جرام فراولة

14 حبة لوز او سوداني طازج

30جرام سمسم (3 معالق طعام) نحمصه خفيف

كبشة يد لب سوري

◄الاطفال والحوامل والمرضعات والسكريين اللي سكرهم اتظبط وبقى اقل من 100 ووزنهم اصبح مثالي:

يزودوا على ما سبق:

حليب كامل الدسم والافضل حليب ماعز او ابل او جاموسي.. بلاش بقري

برتقالة او تفاحة او فاكهة قليلة السكر.. مثل برقوق او مشمش او خوخ او شريحة شمام كنتالوب او بطيخ

قليل من البقوليات مثل الفول او العدس

☠ ممنوعات

☠ الخبز بانواعه وكل ما يحتوي على دقيق القمح والشعير والذرة والشوفان والدخن وغيرهم من الحبوب

☠ الارز بكل انواعه

☠ البقوليات

☠ الحليب

☠ الفاكهة ما عدا الفراولة

ادعو الله ان يمتعكم بدوام الصحة والعافية

حاج محمد

علاج السكر بدون ادوية

#علاج_السكر_بدون_ادوية

كورس تثقيفي للسكريين

 

---

اعزائي السكريين.. مهم جداً نثقف نفسنا ونفهم مرض السكر كويس جداً..

لا تعتمد على طبيب معلوماته قديمة ومكسل يذاكر وبيعالجك من كتب درسها من ايام الكلية عفا عليها الزمن – يكتب لك علاجات ضارة تسبب لك مضاعفات خطيرة ولا يكلف نفسه مراجعة معلوماته – بينما هناك الآن ثورة في عالم السكر وكل يوم هناك تطور جديد وابحاث قلبت كل الموازين القديمة

.

للأسف في الوقت الحالي البحث عن طبيب سكر فاهم وبيعالج مرضاه صح كمن يبحث عن قشة في المحيط – وانت محدش حينفعك لو لا قدر الله اصبت بمضاعفات – طبيبك حيقولك بكل بساطة ان دة التطور الطبيعي للسكر ! ولن يعترف انه جنى عليك طوال سنوات علاجاته الخاطئة

.

وحتى لو ربنا كرمك وعثرت على تلك القشة فالطبيب لن ينتقل ليعيش معك لينصحك 24 ساعة في اليوم تعمل ايه ومتعملش ايه.. لذلك مهم جدا ان حضرتك تكون فاهم وتبقى طبيب نفسك

.

انا رتبت لكم كورس تثقيفي يلقيه عليكم نخبة من أمهر اطباء السكر في العالم العربي – شاهد الدروس وافهم على مهلك – لا تستعجل – انها صحتك الغالية – وتأكد ان كل كلمة في الكورس دة حتفيدك وان شاء الله حياتك حتتغير للأفضل وتنتهي مشاكلك الصحية وارقام سكرك تبقى طبيعية

.

بعد انتهاءك من الكورس دة مفيش دكتور حيضحك عليك تاني – انت لوحدك حتعرف مين اللي بيضرك ومين بيفيدك – الفهم هو أول خطوة لعلاج السكر

الكورس مكون من دروس لنخبة من اطباء ومثقفي السكر :

.

. دروس دكتور ايهاب عادل :

https://www.youtube.com/playlist?list=PLmWyba-_G9jAKqR4F_5sNJMu3gJXJE24e

كورس تعلم الانسولين:

كورس تعلم الانسولين

أهم موضوعات علاج السكر بدون ادوية:

https://my2cents.gawaher.com/24182

.

ندوة تثقيفية من اطباء بالمعهد القومي للسكر:

https://www.facebook.com/groups/lchf4u/permalink/2654903034615536/

. دروس دكتورة رحمة الغيلي :

https://www.youtube.com/playlist?list=PLmWyba-_G9jAr7e8v7bo5G4jfSa-SX7vp

.

. دروس دكتور محمد الصباغ :

https://www.youtube.com/watch?v=L5NgLoy7pHA&list=UUObJnr2JicvnpPs68B7HdMA

.

أحمد سمارة اخصائي التغذية العﻻجية :

https://www.youtube.com/playlist?list=PLvjY2tACsqpNwCBKCbiiqs0dNhmXAFtga

٫

أحمد سمارة اخصائي التغذية العﻻجية عن نظام الكيتو

https://www.youtube.com/playlist?list=PLvjY2tACsqpOjL14Bvqr97tWdhHKLHWFD

دروس دكتور بيرج مع ترجمة عربية

https://www.youtube.com/playlist?list=PLxEsaWbL1O2BoCFB_oFLbPpIAeQTqmPRm

.

دروس بتوسع اكبر لدكتور بيرج مع ترجمة عربية

https://www.youtube.com/playlist?list=PLxEsaWbL1O2DM9hh6TtbBW7h2Dl7Q_qbY

شفاكم الله وعافاكم جميعاً

دمتم في رعاية الله وحفظه

حاج محمد

جروب علاج السكر بدون ادوية

---

اضغط هنا لتصفح كل موضوعات علاج السكر بدون ادوية