المفعول الممتد لامتناع مريض السكر عن تناول النشويات

انا مريض بالسكر من النوغ الثانى – ولا حظت حاجة مهمة

لاحظت اكثر من مرة – بعد التزامى بنظام LCHF (الامتناع عن تناول النشويات والاكثار من الدهون) طوال شهرين او اكثر – ان بعد ما الواحد يبوظ الدنيا ويرجع تانى ياكل نشويات (عيش وارز ومكرونة وبطاطس وحلويات) – ان مستوى السكر فى الدم بيفضل كويس ومنخفض حتى بعد 5 اسابيع من عدم الالتزام بمنع النشويات – لكن بعد 3 اسابيع كمان – يعنى بعد شهرين من عدم الالتزام – بيرجع السكر يزيد فى الدم تانى

معنى كدة ان الامتناع عن تناول النشويات مفعوله بيبقى ممتد – نفس الخاصية دى بنلاحظها لما نبدأ نتبع جديد نظام الامتناع عن تناول النشويات – السكر لا ينخفض فوراً وانما يبدأ فى الانخفاض التدريجى بعد اسبوع او اسبوعين

غالباً دة سببه Basal insulin secretion rate او baseline insulin level – كلنا الانسولين فى اجسامنا البنكرياس بيفرزه مش بس بعد ما ناكل – لأ دة كمان بيفرز انسولين حتى واحنا مش بناكل وحتى واثناء النوم – بمعنى ان الانسولين هناك حد أدنى لمستواه فى الجسم ثابت طول الوقت – يزيد بعد الاكل – ويرجع لمستواه اللى العلماء بيسموه Basal insulin secretion rate او baseline insulin level – مزيد من التفاصيل هنا

ويبدو ان هذا الحد الأدنى لا يتغير الا على مدى طويل وبعد تغيير نمط الطعام الذى نتناوله لمدة طويلة – شهر او شهرين مثلاً

لما نأكل حاجة ترفع السكر – مستوى السكر الناتج عما أكلنا بيتجمع على الحد الادنى دة اللى موجود عندنا طول الوقت – فمثلا لو اكلنا حاجة بترفع السكر 100 درجة – لو الحد الادنى بتاعنا 100 يبقى السكر بعد الاكلة دى حيبقى

100+100 = 200

اما لو الحد الادنى بتاعنا كان 200 يبقى بعد نفس الاكلة دى مستوى السكر حيبقى

200+100 = 300

عشان كدة – ومن واقع خبرتى – مريض السكر يجب الا ينخدع بارقام السكر المنخفضة بعد العودة لتناول النشويات – معاقداً انه خف خلاص وشفى من المرض – لان الحقيقة ان الارقام دى بتبقى مؤقتة ولن تستمر الا شهر او شهرين ليعود السكر للارتفاع مرة اخرى كما كان قبل اتباع نظام LCHF او الاقلال من النشويات والاكثار من الدهون