قاعدة ال75%

كل ما زودنا في اكلنا نسبة الاكل النى الطازج كل ما اتحسنت صحتنا وحصلنا على الفيتامينات والمعادن اللي جسمنا محتاجها من مصادر طبيعية بعيدا عن الادوية والمكملات وكل ما قوينا مناعتنا وبعدنا عن الامراض

ياريت 3 ارباع اكلنا يكون نى لم تمسه النار

من الاكلات الجميلة النية
شلولو (ملوخية ناشفة وثوم وليمون وماء بارد وزبدة)
https://www.facebook.com/story.php?story_fbid=1739851849694810&id=100010100357595
جبنة بيضاء بيتي (او لبنة ناشفة)
https://www.facebook.com/story.php?story_fbid=1738111086535553&id=100010100357595
لب سوري نى
المخللات المنزلية بانواعها وخصوصا الزيتون الاخضر
الرنجة
البسطرمة
وطبعا اغلب الخضروات الطازجة

جربوا الفطار دة

جربوا الفطار دة حتدعولي

3 بيضات اومليت بالزبدة

جبنة بيضاء بيتي

طبق كبير طماطم وفلفل رومي وخيار وبقدونس وجزرة مبشورة

 

حاولوا دايما تكون 75% من وجباتكم اكل ني لم تمسه النار

هنا كل الوجبة فيما عدا البيض اكل سوبر لم تمسه النار

جبنة بيضاء بيتي

جبنة بيضاء بيتي (او لبنة ناشفة)
افضل بكثير من الاجبان الجاهزة واضمن لان مكوناتها حليب جاموسي طبيعي100% بدون اى اضافات تجارية غريبة

3 كيلو حلبب جاموسي يعطونا 820 جرام جبنة بيضاء كاملة الدسم

الطريقة
ندفي الحليب ثم نضيف اليه نصف علبة زبادي صغيرة ونقلب الكل ونغطي الحلبب ونتركه 6 ساعات لغاية ما يجبن

نضع حلة الجبن في الثلاجة 4 ساعات
وبعدين نحط الجبنة في صفاية مفروشة بقماشة قطن واسعة وتحت الصفاية وعاء لاستقبال الشرش

نغطي الجبنة باطراف القماشة ونحط عليها ثقل يضغط عليها ونتركها ليلة

في اليوم التالي نرش على الجبنة شوية ملح ونقلب كويس
وبعدين ننقلها في علبة ونشيلها في الثلاجة

جبنة بخيرها طعمة كاملة الدسم مليانة بروبايوتيك ومفيدة جدا لكل افراد الاسرة ومناسبة للسكريين لاننا تخلصنا من سكر الحليب (اللاكتوز) من خلال الشرش اللي صفيناه

الجبنة دي تصنف من ضمن الاطعمة النيئة لان الحليب مغليناهوس
واحنا دايما بننصح لان 75% من اكلنا يكون نى لم تمسه النار

با سلام على الجبنة دي مع طبق كبير من الطماطم والفلفل الرومي والخيار وجزرة مبشورة وبقدونس
اطعمة سوبر تعتبر كنز فوايد

وبالف هنا وشفا

فاهيتا باذنجان

الباذنجان من اجمل الخضروات واكثرها فوائد ومناسب جدا للسكريين

فاهيتا باذنجان

كيلو باذنجان عروس اسود
بصلة كبيرة
فلفل رومي اخضر والوان
نصف كيلو صدور دجاج او وراك مخلية
معلقتين كبار زبدة حيواني او سمن بلدي
حزمة بقدونس

نسخن الزبدة في حلة تيفال
نخرط البصل ونضيفه في الحلة
نقطع الفراخ قطع صغيرة ونضيفها ونقلب
نضيف ملح وفلفل وكركم
نقطع الباذنجان نصفين بالطول ثم حلقات ونضيفه للحلة مع التقليب
بعد ما الباذنجان يتشوي نقطع الفلفل شرايط ونضيفه ونقلب شوية ونطفي النار
عند التقديم يجمل باوراق البقدونس

اكلة تكفي 3 ايام
بالف هنا وشفا

شرايط السكر

قياس السكر امر ضروري لكل السكريين

مينفعش تقول معنديش شرايط

او جهازي قديم وشرايطه بقت مش موجودة

اشتري جهاز جديد تكون شرايطه متوفرة

 

كتير الاقي ناس بتشتكي من تنميل ووخز في الاطراف ولما اسأل قياس السكر كام يتقال لي مقستش من زمان!!

 

ازاى حتعرف تاثير الاكلات المختلفة على سكرك من غير ما تقيس بعدها؟

طعم الفحم بدون شوى

طعم المشويات على الفحم لا يقارن بأى طعم اخر

لكن مش لازم شواية وغلبة وتعب

احنا ممكن نحصل على نفس الطعم بطريقة سهلة جدا

 

نرص الفراخ او اللحم سواءا كفتة او برجر او شاورما او السمك كله نى في صينية او طاسة واسعة يتوسطها فراغ بسيط نضع فيه قطعة ورق قصدير فويل نشكلها على شكل طبق صغير عميق

نسخن قطعة فحم صغيرة على النار لغاية ما تحمر وبعدين نحطها في طبق الفويل ونرش عليها معلقة صغيرة سمن او ربدة وفورا نغطي الصينية بغطاء محكم

حينتشر دخان كثيف داخل الطاسة

نسيبها متغطية لغاية ما كل الدخان بخلص

 

بعض الناس بيعمل كدة بعد ما يسوي الفراخ او اللحمة

لكن الافضل نعمل كدة وهما نيئين قبل تسويتهم عشان ريحة الشوى تتغلغل فيهم

 

بعد كدة نسوي الفراخ او اللحم او السمك عادي حيحتفظ بطعم الشوى ونستمتع بدون تعب

 

وبالف هنا وشفا