المقادير
- 200جم معجون صلصة طماطم (تركيز 20-22%)
- 70جم ماء
- 20جم خل
- 20جم مستردة (اختيارى)
الطريقة
- اذا كانت الصلصة مجمدة ننتظر حتى تفك تماما
- انصح باستخدام صلصة “جاردينو” من انتاج شركة الصعيد – لانها صلصة طعمها جميل وريحتها روعة
- انا باستخدم خل كريستال – لو نوع تانى ممكن يكون تركيزه أقل فنحتاج نحط شوية زيادة
- لاحظوا اننا لم نستخدم سكر ولا ملح – الطماطم نفسها بطبيعتها مسكرة – والملح بيبقوا ضايفينه للصلصة فى المصنع
- نقلب كل المكونات فى طبق غويط مع بعض جيداً بالملعقة حتى يذوب الكل ويصبح متجانس
- بواسطة قمع واسع نصب الكتشب فى زجاجة كتشب فاضية ومغسولة جيدا – او أى برطمان زجاجى
- يستخدم مباشرة أو يحفظ مغطى فى الثلاجة
- انا باحب اضيف شوية مستردة عشان يبقى كتشب ومستردة جاهز على بعض للبرجر يتحط فى خطوة واحدة – وكمان بكدة اقدر اتحكم فى نسبة المستردة لان ولادى بيحبوها قليلة
ليست هناك تعليقات:
إرسال تعليق