اللي في الصورتين دول مفروض يكونوا في كل بيت فيه سكريين او مرضى ضغطاذا كنت تعاني من ارتفاع ضغط الدم حالياً او في السابق.. انصحكم باستخدام ملح د.سولت او اى ملح منخفض الصوديوم نصفه بوتاسيوم
فهو للسكريين اختيار افضل من الملح البحري والملح الصخري وملح هيمالايا
لان كل من السكر والضغط متلازمان
طبعا لو حضراتكم من متبعي النظام الصحي للعلاج بدون ادوية: https://my2cents.gawaher.com/24203
اكيد لاحظتم بعد كام شهر ان الضغط بقى طبيعي واستغنيتم عن قرص الضغط
لكن برضه بلاش نرجع للملح العادي
واحنا كمان محتاجين يود ودة موجود في ملح د.سولت
ومحتاجين البوتاسيوم لانه احد اهم 3 املاح معدنية للجسم: صوديوم – بوتاسيوم – مغنسيوم
لو استخدمنا ملح د.سولت يبقى فاضل بس المغنسيوم.. ودة نقدر نحصل عليه لو شربنا كل ليلة كوب ماء مضاف اليه كيس ابيماج فوار (سترات مغنسيوم)
لا غنى عن الاملاح المعدنية الثلاثة
الملح البحري والصخري وهيمالايا نسبة الصوديوم فيهم 98% لذلك غير مناسبين لمرضى الضغط.. اما ملح د.سولت فالصوديوم فيه نصف الكمية فقط.. والنصف الثاني بوتاسيوم
ومعروف ان الصوديوم بيرفع الضغط داخل خلايا الجسم.. بينما البوتاسيوم بيعمل العكس تماما.. عشان كدة الاثنين مع بعض بيعادلوا بعض فلا يرتفع ضغط الدم
وهم مع المغنسيوم بيسموهم كهارل لان من خلالهم بيتم توليد نبضات الكهرباء الضرورية لعمل القلب والمخ.. من غيرهم يتوقفوا عن العملوسترات المغنسيوم كما مفيدة جدا في منع ترسب اوكسالات الكالسيوم يعني وقاية من تكون حصوات الكلى.. وكمان بتمنع ترسب اليوريك اسيد يعني كمان وقاية من النقرس
كيس ملح دكتور سولت رخيص ب5 جنيه فقط وزن 200 جرام
انا استخدمه في كل اكلاتي وطعمه لا يختلف عن طعم الملح العادي
(ماعدا التخليل.. لا يصلح غير الملح البحري الخام الخالي من اليود)
مشكلة ملح دكتور سولت انه مش منتشر في المتاجر معرفش ليه.. يمكن من قلة الوعي الصحي مفيش طلب كتير عليه
لو ملقيتوهوش تقدروا تطلبوه من امازون مصر.. وخصوصا ان التوصيل مجاني حالياً حتى لو اشتريت كيس واحد بيوصلوهولك لحد البيت تاني يوم بدون اى مصاريف شحن:
دمتم في رعاية الله وحفظه
حاج محمد
ليست هناك تعليقات:
إرسال تعليق