سيدوفاج ريتارد
هى اقراص المادة الفعالة فيها هى ميتفورمين.. وهى المادة الوحيدة الآمنة للسكريين
لا تتناولوا اى اقراص سكر فيها مواد اخرى حتى لو معاها ميتفورمين
تقدروا تعرفوا المادة الفعالة لادويتكم من خلال قراءة الخط الصغير اللي بيبقى مكتوب تحت الاسم التجاري (اللي ملوش اى فايدة طبية لنا كمرضى).. فلازم نركز ونقرأ المادة الفعالة وليس الاسم التجاري.. لو مكتوب اى حاجة غير ميتفورمين او مع ميتفورمين يبقى دواء ضار نتجنبه تماما
سيدوفاج ريتارد وجلوكوفاج اكس ار وماكسوفاج اكس ار الثلاثة نفس المادة الفعالة ولا فرق بينهم
لكن هناك فرق كبير في السعر
جلوكوفاج اكس ار ب60 جنيه
ماكسوفاج اكس ار ب35 جنيه
سيدوفاج ريتارد ب15 جنيه (ربع ثمن جلكوفاج)
والثلاثة 30 قرص ممتد المفعول
مادة ميتفورمين العادية معروف انها قد تسبب عسر هضم
لكن الاقراص ممتدة المفعول بتكون خفيفة على المعدة لانها مغلفة بمادة بطيئة الذوبان لذلك يتحلل القرص في جسمنا ببطء فلا يسبب لنا مشاكل
وكمان ميتفورمين ممتد المفعول تأثيره في حفض السكر بيستمر 8 ساعات بينما العادي ساعتين فقط
ولذلك لو خدنا قرص ممتد المفعول قبل النوم بيساعدنا على ضبط السكر اثناء النوم ونصحي نلاقي السكر الصايم قبل الفطار مظبوط ان شاء الله
الجرعة بتكون قرص قبل النوم وقرص تاني بعد 12 ساعة
ويستحسن ناخد معاه قرص فيتامين ب12 تحت اللسان مثل دلتافيت او اى نوع آخر تحت اللسان لان مادة ميتفورمين ممكن تقلل من امتصاص جسمنا لفيتامين ب12 المهم لسلامة الاعصاب
وطبعا نحب نفكر حضراتكم ان الاقراص بتقوم بدور مساعد فقط.. لكن العلاج الاساسي هو اتباع النظام الصحي للعلاج بدون ادوية: https://my2cents.gawaher.com/24203
دمتم في رعاية الله وحفظه
حاج محمد
ليست هناك تعليقات:
إرسال تعليق