بمكونين فقط
جبنة قريش
وبيكربونات صوديوم (صودا الخبيز او بيكربوناتو)
والنتيجة جبنة بتمط وطعمها تحفة تصلح للبيتزا والسندوتشات وكل انواع الطهى
كيلو جبنة قريش فلاحي (بتاعة السوبر ماركت متنفعش) نفتتها في حلة تيفال على نار متوسطة مع التقليب باستمرار
ولما نلاقي الجبنة اخرجت ماءها نرش عليها معلقة صغيرة بيكربونات ونقلب
نستمر في التقليب حتى تتبخر كل السوائل والجبنة تلم وتبقى طرية وناعمة ولونها مائل للصفار ومطاطية
نضعها في طبق معدن ونبططها فيه لتصبح على شكل قرص
نغلف الطبق بكيس ونضعه في الثلاجة ساعتين حتى تصبح صلبة
ممكن نبشرها للبيتزا
او نقطعها مثلثات او صوابع او شرائح للسندوتشات زى الجبنة الرومي او الشيدر
وبالف هنا وشفا
كيلو جبنة قريش يعطينا 600جم موزريلا طبيعية صحية رائعة
اعملوها في البيت بدلا من شراء الموزريلا الجاهزة اللي معظمها زيوت مهدرجة ضارة جدا
اما الموزريلا الاصلية فسعرها اكثر من 3 اضعاف التكلفة
كيلو جبنة قريش 35ج
كدة سعر كيلو الموزريلا يتكلف 58 جنيه فقط
بينما الموزريلا الجاهزة الطبيعية الكيلو ب200ج
ليست هناك تعليقات:
إرسال تعليق