كل أسبوع بأجمع لكم هنا أفضل اسعار العروض المميزة من ضمن عروض الهايبر ماركت الشهيرة فى مصر – موضوع جديد كل اسبوع (اختار من القائمة على يمينك)
العروض هنا تركز فقط على افضل سعر لكل سلعة من السلع الاساسية – فمثلا انا ابحث لكم عن اقل سعر للزيت ومكان بيعه – اقل سعر للارز – اقل سعر للدقيق – وهكذا حتى اوفر عليكم مجهود البحث عن السعر الارخص لكل سلعة
السلع اللى انا جربتها حأكتب لكم جنبها رأيى فيها – وياريت انتوا كمان تشاركونا برأيكم فى الحاجات اللى جربتوها
للأسف الملاحظ ان كل اسبوع تكون العروض متواضعة أكثر وعددها أقل – وبعض الهايبرات اصبحت خاوية من العروض المميزة
- عروض اولاد رجب : (حتى 9-1-2018)
- جبنة رومى جديدة 63ج
- جبنة براميلى بلدى سادة او بالفلفل 39ج
- طرشى مشكل بوليف 8ج
- كباب حلة هندى 59ج
- مفروم هندى 52ج (مدهنن جدا)
- وراك مجمدة 17.45ج
- فراخ اوكرانى مجمدة 21.75ج
- بطاطس 3ج
- برتقال بصرة 4.75ج
- يوسفى 4ج
- موز 10ج
- عروض المحلاوى (جتى 14-1-2018)
- صدور دجاج فريش 55ج
- لى بون فراخ برازيلى الكيلو 20ج
- ملوخية شهر زاد 400جم × 3 10ج
- دقيق الشام 3 كيلو 15ج
- 30 بيضة ابيض / احمر كرتونة 35ج
- كبدة فراخ كوكى كيلو 20ج
- كباب حلة برازيلى 70ج
- مفروم مستورد 55ج
- شيش دجاج كيلو 50ج
- جبن رومى بطارخ 70ج
- ايطاليانو موزريللا كيلو 40ج (ليست موزريللا بل مغشوشة ورائحتها غريبة لا انصح بشرائها)
- 5 اندومى 10ج
- عروض الراية (حتى 7-1-2018)
- مفروم مستورد 55ج
- كباب حلة مستورد 60ج
- دوش بتلو استرالى 43ج
- كبدة بتلو استرالى 43ج
- كبدة بقرى شرائح مستوردة 33ج
- قتيلو مش دمياطى 500جم 18.50ج
- عروض بانده (حتى 3-1-2018)
- صدور دجاج فريش 60ج
- سمك ماكريل 23ج
- رومى طوبار بطارخ 72ج
- قريش طوبار 25ج
- مكرونة صوفيا 5×400جم 12.50ج
- عروض سبينس (حتى 10-1-2018)
- ارز الميزان 5كجم 30ج
- زيت دوار شمس سبينس 1 لتر 18.75ج
- زيت طهى سبينس 1 لتر 18ج
زيت دوار شمس سبينس 3 لتر 52جزيت طهى سبينس 3 لتر 50ج
(زيت طهى سبينس ممتاز ملوش اى طعم وحش – يصلح للفول والبيض وجميع الاستخدامات وليس فقط الطهى – لا يفرق عن دوار الشمس فى الطعم)- سبينيس مسحوق غسيل اوتوماتيك 4كجم 57.75ج
سبينيس مسحوق غسيل اوتوماتيك 8كجم 98ج
- عروض كازيون (حتى 9-1-2018)
- سكر الوليلى 8.50ج
- 4 صابون ريفولى 120جم 14.50ج
- عروض فتح الله (حتى 12-12-2017)
- لحم مفروم هندى 55ج
- موز بلدى 10ج
- عروض كارفور (حتى 31-12-2017)
- لا توجد عروض مميزة
مترو محافظ على سياسته المتواصلة فى تقديم اغلى اسعار للمستهلك فى مصر – وبيعتمد على الزبون اللى بياخد اللى هو عاوزه من على الرف بدون ما ينظر للسعر – ومناسب ايضا للناس اللى فلوسهم كتير قوى – قوى ماشاء الله – اللى هو ليه تشترى كيلو فول تدميس من الاسواق ب10ج لما ممكن تشتريه من مترو ب23.50ج ؟ او ليه تشترى كيلو عدس ب16ج لما ممكن تشتريه من مترو ب38.50ج ؟
نصائح عامة
كل انواع وماركات الجبنة البيضاء او مثلثات او كاسات او سمن او زبدة صفراء رخيصة الثمن بتكون مصنوعة من زيوت مهدرجة وليس من حليب طبيعى ولا من دسم الحليب – الزيوت المهدرجة ضارة جدا بالصحة وتصيب من يتناولها بالكوليسترول والسمنة – تجنبوا شراء أى جبن مكتوب عليه انه مصنوع من دهون نباتية مثل الماركات التالية :
- باندا
- دومتى
- جرين لاند
- ديرى
- الخديوى
- الدوار
- بريما
- طعمة
- الحلوبة
- جبنتى
- حلايب
- الزبدة الاوكرانى
وعشرات الماركات الاخرى – ستعرفها من ثمنها – أى جبن سعر الكيلو منه اقل من 38 جنيه يكون مصنوع من زيوت مهدرجة
ماركات قليلة فى السوق مصنوعة من حليب طبيعى – مثل :
- الجبنة البراميلى والاسطمبولى السايبة
- لافاش كيرى
- بريزيدن
- لبنيتا
- ميلكانا
- الزبدة النيوزيلاندى
نصيحتى لكم ان تعملوا الجبنة البيضاء فى البيت بانفسكم بطريقة سهلة جداً جداً وموفرة – الطريقة تجدونها هنا : اسهل جبنة لبنة دوبل كريم كاسات فيلادلفيا بالحليب فقط وبدون تسخين
وبالنسبة للجبنة الموزريللا لم اجد حتى الامن اى توع مصرى جيد – المشكلة ان المنتجين يستخدمون مواد غريبة فى صناعتها ؤبما تكون نشا ومواد تجعلك تشعر كانك تاكل بلاستيك – مثال لذلك موزريللا ايطاليانو التى تباع فى المحلاوى – موزريللا فارم تشيز التى تباع فى بانده – اما موزريللا باندة وجرين لاند ودومتى فليس لهم طعم على الاظلاق – العيش اطعم منهم – وللأسف كل الماركات تكتب انها مصنوعة من حليب طبيعى 100% !!
لا تشتروا منتجات نوفال بروموشن – فهى تباع باسعار أقل بسبب انها للأسف مصنوعة من خاماتت رديئة ضارة بالصحة – وطلائها الخارجى يتفاعل مع الحرارة ويصدر روائح كريهة قد تسبب السرطان والعياذ بالله لمن يستنشقها – كما ان مادة التيفال بها خفيفة جدا وتختفى فى وقت قصير – ومعدنها ضعيف ينثنى بسهولة – ويحدث للطاسة تقعر عند تكرار تعرضها لحرارة عين البوتاجاز
بعض السوبرماركتات الشهيرة تعتمد فى تخفيضاتها على منتجات قاربت على انتهاء الصلاحية – مثل كارفور واولاد رجب – لذلك يجب التأكد من تاريخ الصلاحية قبل الشراء
لا تشتروا اجهزة كهربائية او اليكترونية من عروض كارفور لانى علمت من مصادر موثوق فيها ان لهم خط انتاج باسمهم فى كبرى مصانع الاجهزة الكهربائية فى مصر حيث يطلبون تبديل القطع الاصلية بقطع اقل جودة حتى يستطيعون بيعها باسعار اقل من السوق دون ان يدرى المستهلك انه يشترى جودة اقل للاسف الشديد – ويمكن معرفة ذلك من رقم الموديل حيث ستجد الارقام فى كارفور تنتهى باصفار بينما المنتج الاصلى لدى المعارض الرسمية للمنتج لا توجد فى نهاية ارقامها تلك الاصفار – وفى سلع اخرى كاللاب توب يبدو انهم يستوردون منتجات رديئة درجة ثانية فهى سريعة الاعطال – ابتعدوا عن عروض اليكترونيات كارفور واشتروا دائما من المعارض الرسمية للمنتج الاصلى
السمك المقلى والمشوى اصبح غالى جدا – لو عايزين اكلة سمك جميلة ورخيصة اشتروا سمك ماكريل مجمد – يمكنكم شويه فى البيت بطريقة سهلة وسريعة وموفرة ولذيذة جدا – الطريقة هنا
الحليب المبستر المعبأ فى علب وأكياس لا علاقة له بالحليب الطبيعى – الحليب الطبيعى هو الذى نشتريه من محلات اللبن – ابسط دليل عندما يقطع حليب العلب سنجد طعمه مر كالعلقم – بينما الحليب الطبيهى البلدى عندمي يقطع يتحول الى لبن رايب واذا تركناه اكثر يتجول الى جبنة طعمة جدا – لا تشتروا الحليب المبستر ولا تصدقوا الاعلانات الكاذبة التى لا تهدف سوى للربح دون مراعاة لصحة الناس – اشتروا الحليب الطازج فقط من محلات البان تثقون فيها
لاتشتروا الحبوب والسلع الغذائية المعبأة – فالاوفر ان تشتروها سايبة بالكيلو من الاسواق الشعبية ومحلات العلافة والعطارة وبعض الهايبرات التى يوجد بها اقسام للعطارة – فمثلا الدقيق والفول والعدس والفاصوليا البيضاء واللوبيا و التوابل كلهم ارخص عند شراءهم سايبين بالوزن – واغلى كتير اذا اشتريناهم فى اكياس معبأة من السوبرماركت – فشركات التعبئة لا تفعل سوى شراء تلك السلع سايبة ثم تعبئتها فى اكياس لتبيعها لكم أغلى وتحقيق مكاسب من لاشئ
اللحوم البرازيلى قلت فى السوق وبدأ التجار يعرضون لحوم هندى بدلا منها – اذا وجدت فى العروض مكتوب “لحم مستورد” فاعلم انه غالبا لحم هندى – فكثير من التجار لا يعلن صراحةً ان اللحم هندى – فاللحوم الهندية اتهمت من قبل بان بها ديدان واغلب الناس لا يقبلون على شراءها برغم رخص ثمنها عن اللحوم البرازيلى – اذا اردت لحم برازيلى لا تشتريه الا من مكان مكتوب عليه بخط واضح انه برازيلى – وللتأكد اطلب من البائع ان ترى الغلاف البلاستيك للحم لترى بنفسك بلد المنشأ من على بطاقة البيانات الملصقة على الغلاف
أفضل لحوم رخيصة فى السوق حاليا هى اللحوم السودانى – تباع طازجة مبردة فى مجمعات النيل الاستهلاكية وفروع فاميلى ماركت بسعر الكيلو 80ج – تستوى اسرع من البرازيلى وطعمها مثل طعم اللحمة البلدى
ليست هناك تعليقات:
إرسال تعليق