كل مرضى ومصابي السكر يستفيدوا جدا لو مضغوا 2 جرام من حبة البركة يومياً على الريق (ثلث معلقة صغيرة)
من فوائدها انها تقلل من امتصاص الكربوهيدرات في الامعاء – مثل حبوب الميتفورمين لكن بطريقة طبيعية بدون كيماويات الادوية
وكمان حبة البركة بتزود امتصاص الخلايا للجلوكوز فتقلل مقاومة الانسولين – زى الميتفورمين اويمكن افضل – على الاقل مادة طبيعية غير مخلقة في مصانع الادوية
لكن حبة البركة بتعمل اكتر من كدة – حاجة ميقدرش الميتفورمين ولا غيره يعملها..
حبة البركة ثبت علمياً انها تنشط خلايا بيتا اللى توقفت عن العمل – والدراسات الميكروسكوبية المعملية اظهرت نمو انسجة جديدة في خلايا بيتا بعد المداومة على حبة البركة – وايضاً توقف تدهور المتبقي منها – ودي ميزة هامة جداً لمرضى النوع الاول وكذلك لمصابي النوع الثاني لانها حتساعدهم يحافظوا على البنكرياس على طول باذن الله
مش عايز اقولكوا بقى على بقية فوايد حبة البركة لتفتكروني بابالغ.. لكن في كلمتين حبة البركة مضاد حيوي طبيعي ضد البكتيريا – وضد انواع ميقدرش اى
مضاد حيوي عليها اصلاً – ووقاية من الاورام الخبيثة – ومضادة للفطريات – ومضادة للبلهارسيا – ومضادة للأكسدة اللى عندنا كلنا من التلوث البيئي في الماء والهواء والطعام – الا اذا كنت تسكن في قمم الجبال في مكان لا يصلك فيه هواء المدن ولا ماؤها ولا طعامها – وعلاج فعال للسكري من النوعين – ومضاد لكل التهابات الجسم – ومسكن للآلام – ومقوي للمناعة الطبيعية – وممتاز لقلب سليم وجهاز هضمي صحي ووقاية للكبد والمخ والاعصاب والخصيتين والرثتين وعلاج للربو – ومضاد لتشنجات الصرع
صدقت ياحبيبي يا رسول الله:
عن أبي هريرة رضي الله عنه أنه سمع رسول الله صلى الله عليه وسلم يقول: «في الحَبَّةِ السوْدَاءِ شِفَاءٌ من كل دَاءٍ إلاَّ السَّام». قال ابن شهاب: والسام الموت،
لكن هناك بعض المحاذير
==============
الحوامل ممنوع تماما ياخدوا حبة البركة لانه يعتبر مادة لاحداث دورة شهرية حتى في غير ميعادها وعامل مساعد للطلق – مما قد يؤدي لسقوط الجنين في غير وقته
وكمان بلاش ناكل منه كتير – بالذات الشباب والشابات اللي لسة متجوزوش ومخلفوش لانه بكميات كبيرة ممكن يقلل الخصوبة
والان ادعوكم لمشاهدة هذا الفيديو لطبيبة السكر الرائعة رحمة الغيلي :
https://www.youtube.com/watch?v=vVPM9px1Hwc
https://www.ncbi.nlm.nih.gov/pmc/articles/PMC3642442/
https://www.ncbi.nlm.nih.gov/pmc/articles/PMC4387230/
https://www.ncbi.nlm.nih.gov/pubmed/19418593/
دة شكل حبة البركة تشبه السمسم بالظبط لكن لونها اسود:
ليست هناك تعليقات:
إرسال تعليق