عملت قراقيش او بقسماط مقرمش جربوه وان شاء الله حيعجبكوا جداً
نفس مقادير تجربة 2 و3 مع فرق واحد وهو ماء عجن أقل عشان عايزينها مقرمشة مش طرية
المقادير
- 300جم بذر كتان
- 100جم جوز هند ناعم
- 100جم سمسم ابيض نى
- 2 معلقة صغيرة شمر
- 2 معلقة صغيرة ينسون
- 4 ملقة صغيرة حبة البركة
- معلقة صغيرة ملح بحري
- معلقة صغيرة بيكربونات
- 500 جرام كوسة
- 120جم ماء
- 80جم خل
- معلقة صغيرة زبدة
الطريقة
- نخلط المكونات الجافة اولا مع بعض ونضربهم في مطحنة التوابل للحصول على طحين ناعم
- نقطع الكوسة حلقات ونضربها في الكبة مع ماء الوصفة والخل حتى تصبح سائلة
- نضع الكل في وعاء ونقلبهم كويس
- نسيح الزبدة وندهن بفرشة صينية كبيرة 42سم او صواني متوسطة
- نصب العجينة ونفردها بسباتيولا او معلقة بالتساوي
- نحطها في الفرن على الرف الاوسط – وتحت الصينية ورق فويل حتى لا يحترق القعر – على درجة 120 مئوية نصف ساعة
- نخرجها من الفرن ونقسمها سمبوكسات خطوط بالطول والعرض ثم نعيد الصينية للفرن نصف ساعة أخرى
- نفصل القطع عن بعض ونقلبهم على ظهرهم ونباعد مابينهم ثم نعيد الصينية للفرن على اقل نار ممكنة – نحرك المؤشر ناحية اطفاء الشعلة – يادوبك قبل ما تطفي – نطفي الفرن بعد ساعة لكن نترك الباب مغلق حتى يبرد تماما
- وزن القراقيش بعد ما تخرج من الفرن وتبرد: 600 جرام
كل 60 جرام قراقيش تحتوي على الاتي:
| 60.0 | الوزن |
| 292.0 | سعرات |
| 24.2 | دهون |
| 8.6 | بروتين |
| 3.4 | كربوهيدرات |
| 2.2 | تكلفة |
التكلفة مجسوبة على اساس الاسعار الحالية وقت الكتابة وهى كالتالي:
- بذر الكتان: 32ج الكيلو
- جوز هند: 40ج الكيلو
- سمسم: 48ج الكيلو
- كوسة: 6ج الكيلو
النتيجة
- الحمد لله بقسماط لذيذ ومقرمش وهش
- مشبع لدرجة ان 100جم يمكن متقدروش تخلصوه في وجبة واحدة
- طعم جوز الهند مش باين خالص ولا طعم الكوسة
- والشمر والينسون اعطوه نكهة محببة تشبه طعم المنين والقرص بتاعة جدتي زمان
- وحبة البركة ضروري تحطوها لانها مفيدة جداً بالذات للسكريين لانها بتقوم بدور زى الميتفورمين تمام لكن بطريقة طبيعية افضل – ومعلقتين صغيرين لما تقسم العيش على 4 ايام كدة حتاخد نصف معلقة صغيرة في اليوم ودي هى بالظبط الكمية اللي الدراسات وجدت ان المواظبة عليها بتقلل سكر الدم صايم وفاطر وتراكمي وبتحسن من استقبال الخلايا للانسولين وكمان بتقلل من امتصاص الامعاء للجلوكوز – مش باقولكوا ميتفورمين طبيعي!
دمتم في رعاية الله وحفظه
حاج محمد
ليست هناك تعليقات:
إرسال تعليق