الام الجسم اللي بيعاني منها مريض الفيبروميالجيا بتكون بسبب حاجة اسمها مايوفاشيا Myofascia
العرض الظاهر للفيبروميالجيا هو الاكتئاب لكن سبب الالم الحقيقي و المايوفاشيا
يعني ايه مايوفاشيا؟
الكلمة دي من مقطعين:
مايو ومعناها عضلات
وفاشيا ودي انسجة ضامة عبارة عن طبقة الياف او نسيج مكون اساساً من الكولاجين بيلف حوالين العضلات والاوعية الدموية في الجسم كله.. عشان كدة ترجمته بالعربي “لفافة”
هى ببساطة طبقة الشغت اللي لما تكون في اللحمة نلاقيها بتشد ومش بتتمضغ ولا بتتفرم
لكن الشغت او اللفافة دي هى اللي بتربط وتوصل كل اجزاء الجسم ببعضها
من غيرها جسمنا كله يبقى مفكوك من بعضه
كإنها رباط صاغط تحت الجلد بيلف الجسم كله ويمسكه ببعضه
الشغت او اللفافة دي يوجد منها ثلاث طبقات:
طبقة سطحية تحت الجلد مباشرةً
وطبقة عميقة تحيط بكل عضلة في جسمنا
وطبقة حشوية او جدارية
تتكون اللفافة من نسيج ضام ليفي يحتوي على حزم معبأة بشكل وثيق من ألياف الكولاجين الموجهة في نمط متموج موازٍ لاتجاه السحب. وبالتالي ، تكون اللفافة في حالتها الطبيعية مرنة وقادرة على مقاومة قوى التوتر أحادية الاتجاه .. الا اذا حدثت قوة سحب عكسي جلعته مشدود صلب بدلا من متموج طري
بمعنى ان لو حصل تداخل بينهم في منطقة معينة وشبكوا في بعض زى خيط التريكو كدة لما يشبك في بعضه ويتعقد.. هنا تبدأ تحصل مشاكل
التشابك دة ممكن يحصل لأسباب كتير: ضغوط عصبية ونفسية او صدمة عاطفية او خبطة جامدة مثلا او حادثة او حركات عنيفة سببت انقباض عضلي عنيف او حتى قلة الحركة مما يسبب ضد عضلي وقلة تدفق الدم
ولو احنا حركتنا قليلة ومش بنمارس اى رياضة وتحركاتنا دايما راكبين مش بنمشي.. التشابك دة مش بيفك بل بيزيد اكتر
عشان كدة اكتر حاجة بتزود الام مريض الفايبرو هى انه يستسلم للألم ويقول مش قادر اتحرك
بينما العكس هو الصحيح تماماً
فالحركة هى اللي حتخلي الدم يجري في العروق وتساعد على ان التشابك اللي حصل بين الطبقتين يتفك
مريض المايوفاشيا بتجيله نوبات الالم على فترات متباعدة وفي مكان محدد
اما مريض الفايبرو بتجيله الالام كل شوية وفي كل حتة في الجسم
كل مرضى الفايبرو بيعانوا من المايوفاشيا
لكن مش كل مرضى المايوفاشيا عندهم فايبرو
علاج مشكلة التشابك اللي حصل دة هو اننا نخلي الاجزاء دي يكون فيها مرونة
لما نقطة بيحصل فيها تشابك وعقدت.. المنطقة اللي حوليها كلها بتتأثر وبتتشد وحتبقى الحركة فيها صعبة
عشان كدة لما مريض الفيبرو تجيبله نوبة الم بيبقى مش قادر يتحرك ولا يقوم من مكانه
مش لازم نستسلم للألم
احنا عايزين نحقق مرونة في جسمنا عشان التشابك دة يتفك
المرونة دي ممكن نحققها باكثر من طريقة
المشى مفيد جدا
السباحة من اكتر الانشطة اللي بتريح الجسم وتسبب مرونة للعضلات
تمارين الاستطالة ممتازة
ممارسة رياضات الاسترخاء والتأمل زى اليوجا من الحاجات اللي بتحقق ليونة للجسم كله
وجلسات العلاج الطبيعي مفيدة جدا وفيها بيقوم المعالج بالضغط على نقاط الالم بقوة معينة عشان يفك التشابك اللي في المكان
والجلسات دي بتتكرر وبتبدأ تطهر نتيجة بعد 3 جلسات
لكن ممكن نعمل نبفسنا علاج طبيعي في البيت باستخدام ادوات بسيطة جداً مثل زجاجة مياة مجمدة او ايد مقشة او كرتين تنس نحطهم في شراب ونربطه
الادوات دي وطريقة استخدامها مشروحة بالصور هنا:
والنص الاصلي باللغة الانجليزية تلاقوه هنا:
ومن الحلول اننا نستحدم ابرة جافة صغيرة زى ابرة الحقنة من غير السرنجة
ندخلها في مركز الالم اللي حصل فيه التشابك دة
الصينيين ابتكروا الطريقة دي اللي بتعتمد على ان المخ في المكان المتشابك دة مبيعرفش يتحكم فيه
المفروض لما ايدنا مثلا تتشك بدبوس رد الفعل اننا بنسحب ايدنا بسرعة
اللي حصل ان عصب حسي نقل الشكة الى المخ.. فالمخ كرد فعل فوري ارسل من خلال عصب حركي متحكم في النقطة اللي اتشكت أمر بسحب الايد
انا بقى باستخدم الميزة دي باني اشك بالابرة مركز الالم فالمخ توصله الرسالة فنشعر بانقباضة بسيطة في العضلة
كدة احنا نبهنا المخ لمنطقة كانت مهملة والمخ مكانش واخد باله منها عشان متشابكة وحصل لها تليف فالتوصيل مكنش حاصل
بالابرة حصل توصيل ونبهنا المخ فيبدأ المخ يسيطر عليه
بنحتاج نكرر موضوع الشك بالابرة كذا يوم
واحدث حاجة دلوقتي بيتم حقن مادة البيروكسيكام تحت الجلد في مركز الالم
شاهدوا فيديو دكتور سليمان محمد راشد (دكتوراه اكلينيكية في العلاج الطبيعي) :
ليست هناك تعليقات:
إرسال تعليق