شرح طريقة إستخدام برنامج يوتورنت

أنا بدأت مشروع كبير لتوفير الإسطوانات التعليمية لكم من خلال التورنت بدلا من الذل اللى بتشوفوه لما تحاولوا تنزلوا السيديهات من موقع الوزارة - علشان كدة أنا كتبت لكم الموضوع ده للى لم يستخدم نظام التورنت من قبل وعايز يتعلمه

أولا ماهو التورنت
التورنت هو نظام تعاونى تكافلى - فيه يقوم الناس من مختلف أنحا العالم بمشاركة ما يرغبون من ملفات مع الآخرين فى مختلف بقاع الأرض - فإذا كانت عندى مثلا إسطوانة تعليمية مفيدة - يمكننى أن أسمح للآخرين بتنزيلها من على جهازى - وعندما تقوم أنت بتنزيلها غلى جهازك يأتى شخص ثالث فيمكنه تنزيلها بسرعة مضاعفة من على جهازى وجهازك معا فى نفس الوقت - وبعد أن يقوم الشخص الثالث بتنزيل الإسطوانة ويأتلى شخص رابع جديد سيتمكن من تنزيلها من على الأجهزة الثلاثة التى سبقته - وهكذا الى مالا نهاية

[caption id="" align="alignleft" width="200" caption="إضغط على الآيقونة لتنزيل يوتورنت مجاناً"][/caption]

ويقوم برنامج تورنت صغير بتقسيم الملف - الإسطوانة فى مثالنا - الى أجزاء كثيرة صغيرة بحيث يمكن تنزيل كل جزء من كمبيوتر مختلف فى نفس الوقت - مما يساعد على التنزيل بسرعات كبيرة - وكلما كانت الإسطوانة عند عدد أكبر من الناس كلما أدى ذلك لزيادة السرعة أكثر - وحتى من نزلوا أجزاء صغيرة من الإسطوانة - بمجرد تنزيل تلك الأجزا تصبح متاحة للآخرين من خلال جهازك - فالناس تنزل من كمبيوترات بغض فى نفس الوقت - واللى ينقصه جزء البرنامج ينزلهوله آليا من اللى عنده الجزء دة - بينما آخرين ينزلوا من عندك الأجزاء اللى مش عندهم

وأحسن برنامج تورنت إسمه: يوتورنت - وهو برنامج صغير جدا لكن قوى جدا - نزلوا نسخة مجانية من هنا

طريقة الإستخدام

1. بعد تنزيل البرنامج شغله بالضغط على أيقونته


2. إضغط على الترس الأصفر الموجود على الطرف أعلى البرنامج - لفتح الإعدادات
   Preferencesl


3. in "General" click at: Associate with torrent file


4. تأكد من انك معلم صح أمام
   Start uTorrent on system startup


5. علم صح أمام
   Put new downloads in


6. ثم إضغط على الزر ذى النقط وحدد فولدر لتخزين الملفات فيه


7. إضغط أوكى

بعد ذلك يصبح فى إمكانك تنزيل أى ملفات بطريقة التورنت

ملحوظات
ممكن تنزل أكثر من شيئ فى وقت واحد
لاحظ إن البرنامج يعمل فى الخلفية طول الوقت - طول ماجهازك مفتوح ومتصل بالنت - ويمكنك أن تنسى أمره وتعيش حياتك مع الكمبيوتر كإن يوتورنت مش موجود - وإديله وقته - يعنى ماتستعجلش - سرعة التنزيل بتعتمد على حاجات كتير - منها سرعة النت عندك وسرعة النت عند اللى بتنزل منهم وعددهم
من أكثر مزايا التورنت إن مهما النت قطع عندك - ومهما قفلت وفتحت الكمبيوتر أى عدد من المرات - وحتى لو الكهربا قطعت - كل ده لايتلف أبدا الملف اللى بتنزله أيا كان نوعه - إسطوانة أو فيلم أو أغانى أوبرامج أو كتب - عندما تفتح الكمبيوتر مرة أخرى - أو يعود الإتصال اللى إتقطع بالنت - حيكمل عادى خالص من حيث توقف
ممكن ملف ينزل فى دقيقة واحدة وممكن ينزل فى أسبوع أو حتى شهر - حسب حجمه وسرعتك وسرعتهم وعددهم - فلا تستعجل - المهم إنك تتأكد إن يوتورنت بيفتح تلقائى مع فتح الكمبيوتر كما وصحت لكم فى الخطوات السابقة

وإحنا بإذن الله حنوفر لكم الإسطوانات التعليمية بتاعة مناهج الوزارة هنا - وكل اللى عنده برنامج تورنت حيقدر ينزل الإسطوانات كلها بدون الحاجة لسيرفر الوزارة البطيئ اللى مش مستحمل الضغط اللى عليه

والآن جرب بنفسك
بعد ضبط يوتورنت كما سبق شرحه - جربوا تنزلوا الإسطوانة بتاعة هالو إنجليزى رابعة إبتدائى بالضغط هنا

أى أسئلة أو توضيحات أنا جاهز
مع أطيب تحياتى لكم