باحثين في جامعة هارفارد اكتشفوا هرمون جديد سموه فابكين.. الاكتشاف دة ممكن يحدث ثورة في مرض السكر بكل انواعه
الباحثين وجودوا هرمون فابكين المكتشف حديثاً عالي جداً بنسب غير طبيعية في مرضى السكر نوع اول وثاني
ووجدوا انه بيتحكم في نشاط خلايا بيتا
فجربوا يحقنوا فئران باجسام مضادة تبطل مفعول هرمون فابكين ..والنتيجة ان الفئران لم تصاب بالسكر
ولما حقنوا فئران سمينة عندها سكر بالاجسام المضادة نفسها لهرمون فابكين الفئران شفيت من السكر!
لكن طبعاً لازم بقى نستنى كام سنة عشان نشوف هل إبطال مفعول هرمون فابكين دة له اثار ضارة وللا لأ
يارب يكون ملوش اثار ضارة يارب.. ولو اني بلاحظ دايما ان اللعب في الهرمونات والانزيمات وكبتها بيسبب دايما مشاكل كتير زى مثلا الادوية اللي بتكبت نشاط الكبد وتمنعه من تكوين الكوليسترول واللي بتسبب ضعف الذاكرة والزهايمر على المدى الطويل.. وساعات كانسر في الكبد.. وزى ادوية الارتجاع اللي بتكبت انزيمات الهضم فتسبب مشاكل اكبر
على فكرة الباحثين بيقولوا ان هرمون فابكين دة هو عبارة عن مركب بروتيني بيتكون لما الجسم يكسر الدهون المخزنة في خلايانا لما نبقى جعانين
ساعتها حمض دهني لاصق اسمه FABP4 بيخرج من الخلايا الدهنية الى مجرى الدم ويلتصق بانزيمين هم NDPK و ADK مكوناً هرمون فابكين. والهرمون دة بيغير نشاط مصانع الطاقة في الخلايا المجاورة وبيأثر على خلايا بيتا المنتجة للانسولين في البنكرياس
يارب تكون فاتحة خير علينا وعلى كل مرضى السكر في العالم يارب
تعليق على الصورة المرفقة:
يتم التحكم في مستويات السكر في الدم عن طريق مجموعات من الخلايا ، تسمى الجزر الصغيرة ، في البنكرياس. في هذه الصورة ، خلايا ألفا (الحمراء) ، التي تنتج هرمونًا يشارك في التحكم في مستويات السكر في الدم ، وخلايا بيتا المنتجة للأنسولين (الخضراء) تختل وظيفيًا في مرض السكري. يساهم هرمون فابكين الذي تم تحديده حديثًا في هذا الخلل الوظيفي ، واستهدافه ينقذ صحة جزر البنكرياس.
التفاصيل بقت اوضح هنا:
ليست هناك تعليقات:
إرسال تعليق