نظام لوكارب وفقدان الوزن او اكتسابه

هل نظام لوكارب او كيتو – يعني تجنب النشويات من خبز ورز وباقي النشويات وكل ما فيه سكر – يسبب فقدان الوزن؟
مش شرط
فقدان الوزن او اكتسابه دة امر يتعلق بالسعرات الحرارية
اما ضبط السكر فما يهمنا فيه هو تقليل النشويات في حدود 50 جرام نشويات في اليوم
انما لو عايزين نخس وفي نفس الوقت نضبط سكرنا يبقى الحل اننا نراقب سعرات اكلنا وليس فقط مقدار النشويات اللي فيه
يعني نتجنب الدهون المضافة مثل الزبدة والسمن ونقلل من اللحوم الدسمة مثل الضاني او لحم الخروف
ولو عايزين وزننا يزيد نزود سعرات اكلنا من الدهون والوصفات والمكسرات لان كل دول سعراتهم عالية
الخلاصة:
الدهون هى اكتر حاجة بتزود سعراتنا وبالتالي بتتحكم في وزننا
اما النشويات فهى اكتر حاجة بتتحكم في سكرنا
استخدم القاعدتين دول في تحقيق هدفك أياً كان