نقص سكَّر الدم التفاعلي Reactive hypoglycemia
لو حضرتك مش مريض سكر لكن بيجيلك هبوط بعد 3 او 4 ساعات من الاكل.. فمعنى كدة ان البنكرياس بتاعك بيبالغ في افراز الانسولين.. وغالبا حيكون عندك مقاومة انسولين
مقاومة الانسولين معناها ان خلايا جسمك رافضة تستقبل الانسولين اللي جايب لها الجلوكوز او سكر الدم الناتج عن تناول النشويات
في الحالة دي البنكرياس بيفرز كميات اكبر من الانسولين في محاولة لاتمام مهمة الدخول في خلايا الجسم.. لذلك بيكون السكر عالي في الدم والانسولين كمان عالي في الدم
مقاومة الانسولين:
https://my2cents.gawaher.com/24213
لكن لو انت مش مريض سكر الموضوع بيختلف
الانسولين العالي بيسبب لك هبوط خلال 4 ساعات من تناول وجبة فيها نشويات وبروتين.. لان البنكرياس بيبالغ في افراز الانسولين
لسبب غير معروف حتى الان
لكن الحل سهل
نتجنب النشويات..
نمنع الخبز بكل انواعه والرز بكل انواعه والمكرونة والمخبوزات والبقوليات
ونمنع اى حاجة فيها سكر
ونزود الدهون الصحية في اكلنا: بالذات الاسماك الدهنية مثل السردين والماكريل والتونة والسلمون.. والزبدة والسمن البلدي.. وناكل كوارع وشوربة عضم
باختصار نتبع نظام الكيتو او لوكارب.. يعني نخلي جسمنا يحرق دهون بدل ما يحرق نشويات.. فيستريح البنكرياس
النظام الصحي لضبط السكر بدون ادوية:
https://my2cents.gawaher.com/24203
بكدة البنكرياس مش حيحتاج يفرز انسولين وياخد راحة
الدهون هى الحاجة الوحيدة اللي البنكرياس مش بيتفاعل معاها
وبما اننا بنعاني من مبالغة البنكرياس في افراز البنكرياس.. احنا بمنع النشويات بنقول له ريح انت حضرتك خالص.. احنا حناخد الطاقة من الدهون الصحية
وكمان نصوم.. نصوم كتير.. سواءا صيام اسلامي او صيام متقطع
الصيام المتقطع:
https://my2cents.gawaher.com/24186
تجنب النشويات والصيام حيحلوا المشكلتين مع بعض: مشكلة الانسولين العالي اللي بيفرزه البنكرياس ومشكلة مقاومة الانسولين
دكتور بيرج تكلم عن نقص سكر الدم التفاعلي :
https://www.youtube.com/watch?v=fNjk0fjoQSs
https://www.youtube.com/watch?v=3j3eLk03Gno
دمتم في رعاية الله وحفظه
حاج محمد
جروب علاج السكر بدون ادوية
دمتم في رعاية الله وحفظه
حاج محمد
ليست هناك تعليقات:
إرسال تعليق