عندك مقاومة انسولين ؟
=============
نقدر نقيس نسبة مقاومة الانسولين في جسمنا من خلال تحليل اسمه HOMA IR
هو عبارة عن تحليلين بنعملهم بعد صيام 8 ساعات:
تحليل سكر صايم
وتحليل انسولين صايم
التحليلين بيتعملوا في نفس الوقت من نفس عينة الدم
تفاصيل اكثر عن التحليل تجدونها هنا:
https://www.facebook.com/SallamCS/posts/1476151762731488
وايضا هناك 5 مؤشرات نقدر نعرف منها:
اذا كان السكر صايم اكثر من 100
اذا كانت الدهون الثلاثية اكثر من 150
اذا كان الكوليسترول عالي الكثافة HDL اقل من 40 للرجال واقل من 50 للنساء
اذا كان ضغط الدم اكثر من 135 على 85
اذا كان محيط البطن اكثر من نصف الطول
تكفي 3 شروط من الخمسة لنعرف ان عندنا مقاومة انسولين
.
مقاومة الانسولين معناها ان خلايا جسمنا تعبت من كتر اكل النشويات والسكريات ليل ونهار سنين طويلة وبدأت ترفض دخول الانسولين لانها امتلأت عن آخرها بالدهون الثلاثية المخزنة فيها – اللي اتكونت من الجلوكوز الزائد عن الحاجة في دمنا فالانسولين حولها الى دهون وخزنها في الكبد والبنكرياس وخلايا الجسم – لغاية ما مبقاش في الخلايا مكان.. فبالتالي ترفض وتقاوم دخول الانسولين اللي جايب لها مزيد من الجلوكوز من النشويات اللي عمالين ناكلها كل شوية بلا رحمة لجسمنا المرهق.. وكل ما نتعب نروح للدكتور انبه اخواته فينصحنا بالتوقف عن الدهون لانهم قالوله كدة في الكلية وبطل يقرا.. فمعرفش من الدراسات الحديثة ان الكلام دة قديم وثبت خطأه وان النشويات في الحقيقة هى سبب تراكم الدهون في جسمنا وليس اكل الدهون الصحية المفيدة
طبعا اغلبنا بيثق في كلام الدكاترة ولا يبحث خلفهم.. وبالتالي نوقف نتحاشى الدهون الصحية بينما نستمر في التهام كل ما تقع عيوننا عليه من اطعمة نشوية وسكرية.. ومع ذلك عمالين نتخن.. والدهون الثلاثية بتزيد.. وضغطنا بيعلى.. ثم وسطنا يختفي ولبسنا يبقى ضيق علينا.. ثم تبدأ الطامة الكبرى ويبدأ الكرش في الظهور.. معلنا انضمامنا رسمياً لعالم مقاومة الانسولين.. البوابة الرئيسية لدخول أغلب امراض العصر.. بدءا من الصداع والحموضة وارتجاع المرئ والضغط والكوليسترول وتسوس الاسنان والتهاب المفاصل وضعف المناعة والسكر.. الذي يأتي ومعه مضاعفات اشد فتكاً اذا تركناه عالي.. التهاب الاعصاب والقدم السكري وتصلب الشرايين والجلطات وامراض القلب والفشل الكلوي.. كله بدأ بسبب واحد: مقاومة الانسولين
.
طب والحل؟
اذا كان عندك مقاومة انسولين.. ابدأ بتنفيذ الحل السحري النهاردة قبل بكرة: توقف عن اكل النشويات والسكريات.. بس كدة
اذا فعلت وكان عندك عزيمة وارادة فباذن الله ستنقذ نفسك من الدخول في كل تلك الدوامة من الامراض
مقاومة الانسولين افضل علاج لها الصيام المتقطع مع منع النشويات وممارسة الرياضة خصوصا رياصة مقاومة لزيادة الكتلة العضلية
ونشرب شاى بدون سكر وسط الاكل دايما
وبالنسبة للادوية ميتفورمين او منظم السكر
وثيوتاسيد (حمض الفا ليبويك )
اما اذ قلت مقدرش استغني عن الرغيف.. (او الرز والمكرونة والبطاطس والحليب والبقول والفواكه).. فانت حر.. فقط تذكر اننا حذرناك
.
اذا اخترت صحتك.. واقتنعت اننا بناكل عشان نعيش.. مش عايشين عشان ناكل.. يبقى اهلاً بيك في عالم كله صحة وعافية وحيوية ونشاط لم تعهدهم من قبل..!
متعكم الله بدوام الصحة والعافية
حاج محمد
جروب علاج السكر بدون ادوية
دمتم في رعاية الله وحفظه
حاج محمد
ليست هناك تعليقات:
إرسال تعليق