أنواع الأنسولين لعلاج مرض السكر Types of Insulin

فى البداية إحنا بنقسم الأنسولين على حسب الـ ” Onset of action ” يعنى الأنسولين بيشتغل بعد قد أيه ؟؟!! وعلى حسب الـ ” Duration of action ”  يعنى هيقعد كام ساعة شغال ؟؟؟

طيب أية أنواع الأنسولين ؟؟؟

1- أنسولين سريع المفعول جدا ( Rapid acting Insulin ) .

– النوع دا بيشتغل بعد 10 دقائق تقريبا من تناوله علشان كدا لازم يتأخد قبل الأكل بـ 5 أو 10 دقائق علشان يغطى زيادة الجلوكوز اللى هتنتج من الأكل ( يمكن تناوله بعد الأكل مباشرة ) .

– بيستمر تأثيرة لمدة ( 4 – 5 )  ساعات ، بعدها بينتهى مفعوله تماما .

– فى الغالب بيتأخد مع أنسولين طويل مفعول .

– 3 أنواع موجودة فى الصيدلية :

1- Novorapid  أو ( Insulin Aspart )

2- Humalog    أو ( Insulin Lispro )

3- Apidra       أو ( Insulin gluisine )

من أيام قليلة شركت سانوفى نزلت عقار جديد إسمه Afrezza  ودا Rapid Acting Insulin  عن طريق الإستنشاق

2- أنسولين سريع المفعول ( Short Acting Insulin )

– Regular Insulin

– بيحتاج 30 دقيقة على الأقل علشان يبدء مفعوله ، علشان كدا المريض لازم يستنى نصف ساعة قبل تناول الأكل .

– بيستمر مفعوله لمدة ( 5 – 8 ) ساعات .

– فى الغالب بيتأخد أيضا مع أنسولين طويل مفعول .

– موجود فى الصيدلية زى :

1- Actrapid

2- Humulin R

3- أنسولين متوسط المفعول ( Intermediate Acting Insulin )

– بيحتاج ساعة على الأقل علشان يبدء مفعوله وبيستمر تأثيرة لمدة 18 ساعة .

– بيتأخد مع short acting  أو Rapid acting

موجود فى الصيدلية زى :

1- Insulatard

2- Humulin N

4- أنسولين طويل المفعول ( Long acting Insulin ) .

– المفعول بيبدء بعد ساعة ونصف من تناول الجرعة

– بيستمر مفعوله لمدة أقصاها 24 ساعة

– بيتأخد فى الغالب مرة واحدة فى اليوم ( ممكن قبل النوم )  .

– النوع دا بيتميز انه ملوش Peak  يعنى ملوش وقت ذروة علشان كدا مش بيعمل هبوط فى معدل السكر فى الدم والمريض مش بيحتاج يأكل بعد ما يأخدة .

– موجود فى الصيدلية زى :

1- Lantus  أو ( Insulin glargine )

2- Levemir  أو ( Insulin detemir )

 

5- أنسولين مختلط ( Pre-Mixed Insulin ) .

– عبارة عن خليط من الأنسولين السريع والمتوسط المفعول وعادة ما يتكون من أنسولين سريع المفعول بنسبة 30 % و أنسولين متوسط المفعول بنسبة 70 % .

موجود فى الصيدلية زى :

1- Mixtard 30

2- Humulin 70/30

فى نوعين تانى من الأنسولين المختلط وهما :-

– أنسولين يحتوى على 50 % أنسولين متوسط المفعول و30 % أنسولين منتظم

– أنسولين يحتوي على 75 % أنسولين متوسط المفعول و25 % أنسولين فورى المفعول.

ملحوظة : كل أنواع الأنسولين بتبقى Clear  ما عدا الـ Intermediate  والـ Pre-mixed بيكونو Turbid

– النوع الوحيد اللى بيتأخد Iv  هو الـ Regular Insulin

 

كدا يبقى خلصنا أنواع الأنسولين ، فى نقطة مهمة جدااا هى ” غيبوبة السكر ” وكيفية التعامل معاها ؟؟؟

 

بداية لازم نبقى عارفين إن غيبوبة السكر نوعين :-

1- غيبوبة نتيجة إرتفاع مستوى الجلوكوز فى الدم ( Hyperglycemic Coma )

2- غيبوبة نتيجة إنخفاض مستوى الجلوكوز فى الدم ( Hypoglycemic coma )

طب إزاى أعرف أفرق بينهم وايه أعراض كل نوع ؟؟؟

– أولا : Hyperglycemic Coma

– الجلد بيكون جاف ودافئ

– التنفس بيكون سريع وفى سرعة فى ضربات القلب

– جفاف الفم وتشم رائحة الأسيتون .

– ثانيا : Hypoglycemic Coma

– عرق غزير ولون بيبقى شاحب .

– بيفقد وعية بسرعه .

– رائحة الفم عادية .

– رعشة فى اليدين .

لو انا عارف نوع الغيبوبة هتصرف عادى وأدى للنوع الأول أنسولين سريع مفعول والنوع التانى هديله كوباية ماية فيها 5 معلقة سكر أو أى عصير ( لو قادر على البلع ) أو محلول جلوكوز 25 % لو مش قادر على البلع .

طب لو مش عارف نوع الغيبوبة هتعامل معاه على إنها غيبوبة إنخفاض سكر علشان دى أخطر من غيبوبة إرتفاع السكر .

ويفضل عدم التعامل مع حالات غيبوبة السكر فى الصيدلية وتبعت الحالة لأقرب مستشفى

---

اعرف كل أنواع الأنسولين بأسمائها التجاريه من البوست ده

Muhammad KaramFollow

June 11, 2018

🔶 ازاى نظبط جرعات مريض السكر فى رمضان

◼سادس بوست هنشرح دلوقتى ازاى نظبط الأنسولين

🔸 حابب أفكركم ان مريض السكر اللى ماشى على أنسولين الأصل فيه انه يفطر ولكن لو مصمم انه يصوم يبقى لازم يقيس السكر بتاعه 6 مرات أساسية على مدار اليوم ومرة اضافية فى أى وقت يحصل فيه تعب كالتالى
🔹قبل السحور بساعة
🔹بعد السحور بأربع ساعات
🔹الساعة 12 ظهرا
🔹الساعة 4 عصرا
🔹قبل الفطار بنصف ساعة
🔹بعد الفطار بساعتين
🔹فى أى وقت يحس فيه بتعب أو اعراض انخفاض أو ارتفاع السكر
————————————————————————-
🔶 بالنسبة للأنسولين موجود كالتالى

🔸Fast-acting insulin بيشتغل خلال 5-15 دقيقة لمدة 3-4 ساعة زى
🔹Aspart المعروف باسم Novorapid
🔹Lispro المعروف باسم Humalog و Humalog Kwikpen
🔹Glulisine المعروف باسم Apidra و Apidra solostar

🔸Short-acting insulin بيشتغل خلال 30 دقيقة لمدة 5-8 ساعة زى
🔹Regular insulin ويسمى neutral insulin أو soluble insulin المعروف باسم Actrapid و Insuman rapid و Insulin H Bio R و Humulin R و Insulinagypt R و Human insulin R

🔷 النوعين دول بيشتغلوا بسرعة لفترة صغيرة وتأثيرهم قوى عشان كدا بيستخدموا فى تظبيط السكر لما المريض بياكل

🔸Intermediate-acting insulin بيشتغل خلال 1-3 ساعة لمدة 16-24 ساعة زى
🔹NPH insulin ويسمى isophane insulin أو insulin protamine
🔺موجود باسم insulin protamine فى أدوية زى Insulin H Bio NPH
🔺 وموجود باسم NPH insulin فى أدوية زى humulin N و Insulin NPH و Insuman basal و Insulatard و Insulatard HM و Insulinagypt N

🔸Long-acting insulin بيشتغل خلال 1-2 ساعة لمدة 24 ساعة زى
🔹Glargine المعروف باسم Lantus و Lantus solostar و Lantus optiset
🔹Detemir المعروف باسم Levemir

🔸Ultra-long acting insulin بيشتغل خلال 30-90 دقيقة لمدة أطول من 24 ساعة زى
🔹Degludec المعروف باسم Tresiba

🔷 الأنواع دى بتشتغل لفترة طويلة وتأثيرهم مش قوى عشان كدا بيستخدموا لتظبيط السكر أثناء الفترة اللى مش بياكل فيها

🔸Combination insulin دول أدوية مركبة عبارة عن نوع intermediate-acting مع fast-acting أو short-acting موجودين فى 3 أنواع

🔹Lispro + Lispro protamine : خدنا Lispro وهو عبارة عن fast-acting ضيفنا عليه protamine أصبح Lispro protamine دا intermediate-acting وحطيناه مع Lispro فى أدوية باسم Humalog Kwikpen mix و Humalog mix

🔹Aspart + Aspart protamine : خدنا Aspart وهو fast-acting ضيفنا عليه protamine أصبح Aspart protamine دا intermediate-acting وحطيناه مع Aspart فى دوا باسم Novomix

🔹Regular insulin + NPH insulin/insulin Protamine : برضه NPH insulin اللى ذكرته من شوية أصلا عبارة عن Regular insulin ضيفنا عليه Protamine يعنى نفس الفكرة اللى عملناها فى اللى قبله وحطينا الاتنين مع بعض
🔺 Regular insulin + NPH insulin فى أدوية زى Insulin mixtard و Insulin Mix و Insuman comb و Human mix و Hunil mix و Insulinagypt و Humulin و Humulin M3 و Human insulin N
🔺 Regluar insulin + insulin Protamine فى أدوية زى Insuman comb و Human mix و Insulin H mix

◼ أخر حاجة حابب أقولها اننا لما بنعالج مريض السكر بياخد نوع من اللى بيظبط السكر لما بياكل مع نوع من اللى بيظبط أثناء عدم الأكل زى ما ذكرتهم فوق أو ممكن ياخد من الأدوية المركبة لأنها أصلا عبارة عن النوعين دول

🔘 البوست دا ذكرت فيه كل الأسماء التجارية اللى موجودة عشان يفيدك فى حياتك كلها مش فى رمضان بس وهذكر تظبيط الجرعات البوست اللى جاى ان شاء الله

تابع التعامل مع الحالات المرضية في رمضان على الهاشتاج دا 👈👇

#Diseases_In_Ramadan

تابع شرح الكلينيكال على الهاشتاج دا 👈👇

#Dr_Muhammad_Karam

---

معلومات تفصيلية للصيادلة:

أقلام وحقن الانسولين لمرضى السكر أنواعها والفرق بينها

هنحاول نشرح الموضوع بشكل مفصل شوية عشان اللى بيحب التفاصيل وفالاخر هنقول المختصر المفيد للناس اللى عايزة تجيب من الاخر وتعرف اللى محتاجاه فى الصيدلية بس.

عندنا 6 انواع من الانسولين فى الصيدلية
According to duration of action 

وفيه 3 شركات منتجة لحقن الانسولين (نوفو وليلي وسانوفى) (مهم تعرف كل نوع انسولين انتاج شركة ايه وهنعرف اهمية دة ايه بعدين)

وفيه 3 انواع لطريقة الحقن

• Vial
• Cartridge( Penefill)
• Prefilled pen ( Flexipen – Solostar – KwiKpen)

اولا According to duration of action

• Short Regular
• Ultra short (Rapid)
• Intermediate
• Mixture ( Intermediate + short)
• Mixture ( Intermediate + Ultra short)
• Long Acting

أقلام وحقن الانسولين لمرضى السكر أنواعها والفرق بينها

فكل نوع لازم نعرف 3 حاجات مهمة

• Onset
• Peak (time to max effect)
•  Duration

اولا الـ Short Regular

 ودا اقدم الانواع اللى نزلت فى الماركت وابسطها
هو عبارة عن Crystalline zinc human insulin

Onset : 45 min Peak : 3 hrs

Duration : 6-8 hrs
ودا معناه ان هو بيؤخذ قبل الوجبة بحوالى 45 دقيقة واقصي مدة هيفضل فى الجسم 8 ساعات

الامثلة ليه نوعين فقط :

1.  Actrapid
2. Humulin R

اكترابيد شركة نوفو – هيمولين ار شركة ليلي

ثانيا الـ Ultrashort Rapid

مع تقدم الهندسة الوراثية تم تطوير الانسولين ال Short عن طريق ال Recombinant DNA technology وتحويله الى Ultrashort and more rapid onset of action

ونتج 3 انواع جديدة من الانسولين وهما

1. Insulin lispro
2. Insulin Asparte
3. Insuline glulicine

الفرق بين ال 3 انواع ببساطة فقط فى ترتيب سلسلة الامينو اسيد لكن الفعالية تقريبا واحدة

 كل شركة من ال 3 شركات اللى مهتمة بتصنيع الانسولين خدت نوع منهم وصنعته عشان حضرتك تفتح التلاجة تلاقى

1.   Novorapid (Asparte) >>> (Novo)
2.   Humalog (Lispro) >>> (Lilli)
3.   Apidra (Glulicine) >>> ( Sanofi)

الـ Onset بتاعهم حوالى 10 دقائق (مذهل)

الـ Peak 75 دقيقة

والـ Duration من 2 الى 4 ساعات
طبعا كلهم بيتاخدوا SC أو IV وان كان فى حالات الحقن الوريدى دايما بيفضل استخدام ال Regular insulin
باقي نقطة كمان هى ان فى حالات الحمل بيفضل تجنب ال Glulicine اللى هو الابيدرا بينما باقى الانواع بتؤخذ بأمان تام
(لاحظ سانوفى دخلت هنا ! )

ثالثا الـ Intermediate

هو عباره عن
Crystalline Zinc insulin combined with protamine at Neutral PH
ومن هنا جه اسمه : Neutral Protamine Hagedron (NPH)
أو ليه اسم تانى Isophan
.
الفكرة هنا ان ال Combination دة بيعمل
delay absorption of insulin from its conjugation with protamine
>>> Slow onset >>> More duration of timeالأمثلة هنا نوعين :

1. Insulatard (Novo)
2. humulin N (Lili)

Onset : 2 hrs — Peak 10 hrs

 Duration 12 hrs Usually taken twice daily

 بقي ان نعرف ان هذا النوع يؤخذ فقط SC ولا يؤخذ بالوريد ابدا
(هنا مفيش سانوفي)

رابعا النوع الاول من الـ Mixture

  Intermediate(70 %) + Short (30%)

ودا طبعا اشهر الانواع

• Mixtard 70/3 (Novo)
• Humulin 70/3 (Lilli)

(دة هنا مفيش سانوفى بردو !)

خامسا النوع الثانى من الـ Mixture

(Intermediate + Ultrashort)
(50:50) Or (75 :25)

عندنا منها

• Novomix (Novo)
• Humalog mix (Lilli)

سادسا الـ Long acting

 رجعنا تانى لل Recombinant DNA technology اللى عملنا بيها ال Ultrashort قبل كدة

بمكنزمات معينة تم التوصل لنوعين من Long acting insulin وهما :

• Insulin detemir
• Insulin Glargine

Onset : 2 hrs – NO peak – Duration 24 hrsInsulin Detemir >>> has a fatty acid chain >> this addition increase association to albumin >>> slow dissociation from albumin lead to long action
ودا هو ال Levemir شركة نوفو

Insulin glargine >>> has low isoelectric point >> lead to precipitation at the injection site >> Extending action >>> slow onset with no peak
ودا ال Lantus شركة سانوفى

طيب ايه حكاية سانوفى دى ؟؟ الفكرة ان الشركة دى عندهم Concept أن الطريقة المثلى للتحكم فى مستوى السكر فى الدم وضمان عدم حدوث Hyper or hypoglucemia هى عن طريق استخدام نوع طويل المفعول مرة واحدة يوميا زي لانتوس مع استخدام نوع يكون Ultrashort عند الوجبات فقط زي الابيدرا .
اما استخدام ال Mix فهو غير سليم لان فى لحظة التقاء ال Peak بتاع ال Intermediate مع ال Peak بتاع ال Short فيه احتمال حدوث Hypoglycemia ..
كذلك استخدام ال Intermediate لوحده بيتطلب معاه استخدام نوع اخر من Oral hypoglycemic drugs ودا هيعمل More destruction to beta cells
(دا حسب كلامهم يعنى)
وبالتالى هما اكتفوا بتصنيع لانتوس (طويل المفعول ) و أبيدرا (سريع المفعول) وشكرا

ملحوظة : شركة ليلي كانت بتعمل زمان Long acting اسمه Humulin lente بس معدش بينزل

طيب فيه معلومة كمان مهمة للناس اللى فى الخليج لان المرضي هنا بيطلبوا الانسولين بعلامة مشهورة وهى انه صافى Clear أو معكر turbid
كقاعدة اى نوع انسولين داخل فيه Protamine يعنى Intermediate يبقى النوع دة معكر Turbid
يبقى انسولاتارد – هيمولين ان – أى Mix من اى نوع …. دول معكر
اى نوع تانى (Short – ultrashort – long) ….. يبقي صافى Clear
 

بالنسبة لل Forms عندنا 3 انواع رئيسية :

• اولا ال Vial ودا معروف بيتاخد بسرنجة الانسولين.

• ثانيا ال Cartridge أو اسمها Penefill ودى امبولات بتحتاج ليها Durable pen ودا بيجى من الشركة نفسها وبيستخدم باستمرار (مش بيترمي يعنى ) مع تغيير ال Cartridge لما تخلص …
  • يعنى القلم بتاع نوفو تقدر تستخدم بيه Actrapid penefill or Novorapid penefill or insulatard penefil etc
  • والقلم بتاع ليلي يستخدم عليه ال cartridge بتاعت نفس الشركة زي humulin or Humalog penefill
  • وقلم سانوفى للابيدرا واللانتوس

عشان كدة لازم تبقى عارف كويس اى نوع انسولين انتاج شركة ايه عشان تطلع القلم المناسب لو اطلب منك فى حالة ال Penefill

• ثالثا ال Prefilled pen ودا اللى المريض بيستخدمه لحد ميخلص ويرميه
  عندنا منه 3 انواع : Solostar , KwiKpen and Flexpen
  • اقلام سولوستار دا شركة سانوفى للابيدرا واللانتوس
  • كويك بين خاص بشركة ليلي
  • وفلكسبين ده شركة نوفو

الفرق بينهم ليس جوهريا .. فقط السولوستار ممكن تحقن بيه لحد 80 وحدة بينما الكويك بين او فلكسبين لحد 60 وحدة بس .. كمان فيه فرق بسيط فقوة الضغط على القلم عشان يطلع الجرعة

ملحوظة

فيه نوع جديد من اقلام السكر اسمه فكتوزا عملته شركة نوفو
Victoza (Liraglutide) >> Non insulin Pen >>> used only for type 2 diabetus
المكانزم بتاعه انه GLP 1 agonist
واللى حابب يعرف فكرته يراجع المكانزم بتاع الجانوفيا والجالفس

 الخلاصة

1. short >>> Actrapid – Humulin R
2. Ultrashort >>> Novorapid – Humolog – Apidra
3. Intermediate >>> Insulatard – Humulin N
4. Mix (1+3) (Short + intermediate) >> Mixtard 70/30 Humulin 70/30
5. Mix (2+3) (Ultrashort+intermediate) >>> Novomix – Humolog mix
6. Long >>> Levemir – Lantu

المراجع:

http://ph-2day.blogspot.com/2015/02/types-of-insulin.html

https://www.facebook.com/permalink.php?story_fbid=1700167320072853&id=822831677806426&__xts__%5B0%5D=68.ARBsbO7BtHRmc0AJx_y1V08RqZzQoZ0Px4eeLOoPvtTpb6RKWlLbtC6cHp5piQJmKtzel7X0fQ7hKIAeNb9OadbQD0VbOVbn51zJOLtACcM8RdrMOo_7jyjLh7EftneyfC9N-HRx5mSZg1nqT0bdw3gVqSjy62dY3tGYEAhjg_col7jg2TE60M1bBOI8ug807sR_eO2ont60SRMuQMpqgCDbm1gLJY6HcHg2V3BJzQiz4MRuTOptu-cVgFkmfOVFjCFSztDSFMazGqVaBsDjaQnzcfqMSFo-5H9yEp5cH-Fpn9ueRwk1H5p-F5Bce0-m3WQeBynSwSx4jW5vxNzxTQOQvA&__tn__=-R

http://www.capsulah.com/2014/10/blog-post.html